Click it and Unblock the Notifications
ജിഎസ്ടി; പുതുക്കിയ സെസ് പ്രാബല്യത്തില് — ഇനി ഏതൊക്കെ കാറുകളുടെ വില ഉയരും?
കാര് വില വീണ്ടും ഉയരും. മിഡ്-സൈസ് സെഡാനുകള്ക്കും, ആഢംബര കാറുകള്ക്കും, എസ്യുവികള്ക്കും മേല് പുതുക്കിയ ജിഎസ്ടി സെസ് ഇന്ന് മുതല് പ്രാബല്യത്തില് വന്നു. കാറുകളില് ചുമത്തുന്ന ജിഎസ്ടി സെസ് ഉയര്ത്താന് ശനിയാഴ്ച ചേര്ന്ന ജിഎസ്ടി കൗണ്സില് യോഗം തീരുമാനം എടുക്കുകയായിരുന്നു.
മിഡ്-സൈസ് സെഡാനുകളില് 2 ശതമാനം സെസും, ആഢംബര കാറുകളില് 5 ശതമാനം സെസും, എസ്യുവികളില് 7 ശതമാനം സെസുമാണ് വര്ധിപ്പിച്ചിരിക്കുന്നത്.
സെസ് വര്ധനവിന്റെ അടിസ്ഥാനത്തില് മിഡ്-സൈസ് സെഗ്മന്റ് കാറുകളില് 45 ശതമാനം ജിഎസ്ടി നിരക്കാണ് പ്രാബല്യത്തില് വന്നിരിക്കുന്നത്.
ആഢംബര കാറുകളിലും, എസ്യുവികളിലും യഥാക്രമം 48 ശതമാനം, 50 ശതമാനം ജിഎസ്ടി നിരക്കാണ് ഇനി ഈടാക്കുക. ഇതോടെ ജനപ്രിയ കാറുകളുടെ വില കുതിക്കുമെന്നാണ് സൂചന.
അതേസമയം, ചെറുകാറുകളുടെ ജിഎസ്ടി നിരക്കില് മാറ്റമില്ല. ഒപ്പം, ഹൈബ്രിഡ് കാറുകള്ക്ക് മേലുള്ള 43 ശതമാനം നികുതിയും, ഇലക്ട്രിക് കാറുകളിലുള്ള 12 ശതമാനം നികുതിയും മാറ്റമില്ലാതെ തുടരും.
Recommended Video
വില ഉയരുന്ന മോഡലുകള്
ഫോക്സ്വാഗണ് വെന്റോ, മാരുതി സിയാസ്, ഹ്യുണ്ടായി വേര്ണ, ഹോണ്ട സിറ്റി — 15000-20000 രൂപ വരെ വില ഉയരാം.
ഹ്യുണ്ടായി ക്രെറ്റ, റെനോ ഡസ്റ്റര് നിസാന് ടെറാനോ — 50000-90000 രൂപ വരെ വില ഉയരാം.
മഹീന്ദ്ര KUV500, ടാറ്റ ഹെക്സ, ടാറ്റ സഫാരി സ്റ്റോം, ടൊയോട്ട ഇന്നോവ ക്രിസ്റ്റ, ജീപ് കോമ്പസ് — 70000-1.2 ലക്ഷം രൂപ വരെ വില ഉയരാം.
സ്കോഡ ഓക്ടാവിയ, സ്കോഡ സൂപ്പേര്ബ്, ഹ്യുണ്ടായി ഇലാന്ട്രെ, ടൊയോട്ട കൊറോള —30000-40000 രൂപ വരെ വില ഉയരാം.
ബിഎംഡബ്ല്യു 3 സിരീസ്, ഔഡി A4, മെര്സിഡീസ് ബെന്സ് A ക്ലാസ് — 50000-60000 രൂപ വരെ വില ഉയരാം.
ലാന്ഡ് റോവര് ഡിസ്കവറി സ്പോര്ട്, റേഞ്ച് റോവര് ഇവോഖ് — 2-2.5 ലക്ഷം രൂപ വരെ വില ഉയരാം.
ഇസുസു MUX, ടൊയോട്ട ഫോര്ച്യൂണര്, ഫോര്ഡ് എന്ഡവര്, ഫോക്സ് വാഗണ് ടിഗ്വാന്, ഔഡി Q3, ബിഎംഡബ്ല്യു X1 — 1.25-2 ലക്ഷം രൂപ വരെ വില ഉയരാം.
ഔഡി Q7 — 4 ലക്ഷം രൂപ വരെ വില ഉയരാം.
മാരുതി ബലെനോ, മാരുതി ബ്രെസ്സ, ഹോണ്ട ജാസ്, ഹോണ്ട ഡബ്ല്യുആര്വി, ഹ്യുണ്ടായി i20, ഫോര്ഡ് ഇക്കോസ്പോര്ട് ഉള്പ്പെടുന്ന കാറുകളുടെ വില വര്ധിക്കില്ല എന്നാണ് സൂചന.
പുതിയ നടപടി രാജ്യത്തെ എസ്യുവി വില്പനയെയാണ് സാരമായി ബാധിക്കുക. ഉത്സവ കാലത്തോട് അനുബന്ധിച്ച് കാര് വിപണി കുതിക്കവെ, സെസ് വര്ധനവ് നിര്മ്മാതാക്കള്ക്കും ഉപഭോക്താക്കള്ക്കും തിരിച്ചടിയേകും എന്നാണ് വിദഗ്ധാഭിപ്രായം.
Continue with Google