പുതിയ ഹോണ്ട സിറ്റി ബുക്കിംഗ് ആരംഭിച്ചു....

ഒരുക്കാലത്ത് മികച്ച വില്പന കാഴ്ചവെച്ചിരുന്ന സെഡാനായിരുന്നു സിറ്റി. മാരുതി സുസുക്കി സിയാസ് അവതരിച്ചതോടെ സിറ്റിയുടെ പൊലിമയും നഷ്ടപ്പെടുകയായിരുന്നു. പഴയ പ്രൗഢി തിരിച്ചെടുക്കുന്നതിനും സിയാസിന് കടുത്ത എതിരാളിയുമാകാനാണ് ഹോണ്ട സിറ്റിയുടെ പുനരവതരണം.

മുൻഭാഗം സിവിക് മോഡലിനെ അടിസ്ഥാനപ്പെടുത്തി രൂപപ്പെടുത്തിയ പുതിയ സിറ്റിയിൽ വലിച്ചുനീട്ടിയ രൂപത്തിലുള്ള ഹെഡ്‌ലൈറ്റ്, ഡെ ടൈം റണ്ണിംഗ് ലാമ്പ്, ക്രോം ഗ്രിൽ, പുതുക്കിയ ബംബർ എന്നിവയാണ് കാറിന്റെ മോടിവർധിപ്പിക്കുന്നത്.

പുതുക്കിയ ടെയിൽ ലാമ്പ്, ബൂട്ട് സ്പോയിലർ, പുതിയ ബംബർ എന്നിവയാണ് പിൻഭാഗത്തെ ആകർഷകമാക്കുന്ന ഘടകങ്ങൾ.

ഇൻഫോടെയിൻമെന്റ് സിസ്റ്റം ഉൾപ്പെടുത്തി എന്നുള്ളതാണ് അകത്തളത്തിലെ പ്രധാന സവിശേഷതയായി പറയാവുന്നത്. കൂടാതെ 6 എയർബാഗുകൾ നൽകി പുതിയ സിറ്റിയുടെ സുരക്ഷയും കൂടുതൽ ഉറപ്പു വരുത്തിയിട്ടുണ്ട്.

നിലവിൽ സിറ്റിക്ക് കരുത്തേകുന്ന 1.5ലിറ്റർ പെട്രോൾ, 1.5ലിറ്റർ ഡീസൽ എൻജിനുകൾ തന്നെയായിരിക്കും ഈ ഫേസ്‌ലിഫ്റ്റ് മോഡലിന്റേയും കരുത്ത്. ഗ്രൗണ്ട് ക്ലിയറൻസ് അല്പം ഉയർത്തിയിട്ടുള്ള പുതിയ സിറ്റിയുടെ സസ്പെൻനിലും മാറ്റം ഉൾക്കൊള്ളിച്ചിട്ടുണ്ട്.

വിപണിപിടിച്ചു കഴിഞ്ഞാൽ മാരുതി സിയാസ്, സ്‌കോഡ റാപ്പിഡ്, ഫോക്സ്‌വാഗൺ വെന്റോ, പുറത്തിറങ്ങാനിരിക്കുന്ന ഹ്യുണ്ടായ് വെർണ എന്നിവരായിരിക്കും എതിർശക്തികൾ.