Click it and Unblock the Notifications
പുതിയ മുഖവുമായി 2017 ജാസ്; മറയ്ക്ക് പുറത്ത് വന്ന ഹോണ്ട ഹാച്ച്ബാക്കിന്റെ വിശേഷങ്ങൾ
2017 ഫ്രാങ്ക്ഫട്ട് ഓട്ടോ ഷോയ്ക്ക് മുന്നോടിയായി, ജാസ് ഫെയ്സ് ലിഫ്റ്റിനെ ഹോണ്ട അവതരിപ്പിച്ചു. അപ്ഡേറ്റഡ് ഇന്റീരിയറിനും എക്സ്റ്റീരിയറിനും ഒപ്പം പുതിയ പെട്രോള് എഞ്ചിനുമാണ് 2017 ഹോണ്ട ജാസിന്റെ സവിശേഷത.
സ്കൈറൈഡ് ബ്ലൂ മെറ്റാലിക് കളര് സ്കീമാണ് എക്സ്റ്റീരിയറിന് അഴകേകുന്ന പ്രധാന ഘടകം. പുതുക്കിയ ഫ്രണ്ട് ഗ്രില്, പുതിയ ലൈറ്റനിംഗ് സിഗ്നേച്ചര്, പുതുക്കിയ ഏപ്രൺ എന്നിവയാണ് ഫ്രണ്ട് പ്രൊഫൈല് ഫീച്ചറുകള്.
ഗ്ലോസ് ബ്ലാക് സ്ടൈപ് ലഭിച്ച പുതിയ ബമ്പറാണ് റിയര് എന്ഡിലെ ഹൈലൈറ്റ്.
Recommended Video
പുതിയ ഡയനാമിക് വേരിയന്റിലാകും അപ്ഡേറ്റഡ് ജാസ് വന്നെത്തുക. ഫ്രണ്ട് സ്പ്ലിറ്റര്, റെഡ് ഫിനിഷ് നേടിയ റിയര് ഡിഫ്യൂസര് എന്നിവ ഹാച്ച്ബാക്കിന്റെ സ്പോര്ടി മുഖത്തിന് കരുത്ത് പകരുന്നു.
ഇതിന് പുറമെ എല്ഇഡി ഹെഡ്ലൈറ്റുകള്, ഫോഗ് ലാമ്പുകള്, പുതിയ സൈഡ് സ്കേർട്ട്, റൂഫ് സ്പോയിലര്, 16 ഇഞ്ച് അലോയ് വീലുകള് എന്നിവ മോഡലിന്റെ ഫീച്ചറുകളില് ഉള്പ്പെടും.
ഓറഞ്ച് ഡീറ്റെയ്ലിംഗ് ലഭിച്ചതാണ് ഇന്റീരിയര്. സീറ്റുകള്ക്കും, ക്യാബിനും, ലെതര് റാപ്പ്ഡ് സ്റ്റീയറിംഗ് വീലിനും, ഗിയര് നോബിനും ഇതേ ഓറഞ്ച് സ്റ്റിച്ചിംഗാണ് ഹോണ്ട നല്കിയിരിക്കുന്നത്.
പുതിയ 1.5 ലിറ്റര് ഫോര്-സിലിണ്ടര് പെട്രോള് എഞ്ചിനിലാണ് ഹോണ്ട ജാസ് ഫെയ്സ്ലിഫ്റ്റ് വന്നെത്തുക. 128 bhp കരുത്തേകുന്ന എഞ്ചിനില് 6 സ്പീഡ് മാനുവല് ട്രാന്സ്മിഷന്, സിവിടി ഗിയര്ബോക്സ് ഓപ്ഷനുകള് ലഭ്യമാകും.
ഡയനാമിക് വേരിയന്റ് ഒഴികെ ബാക്കി എല്ലാ വേരിയന്റുകളും 1.3 ലിറ്റര് പെട്രോള് എഞ്ചിനിലാണ് ഒരുങ്ങുന്നത്. 101 bhp കരുത്തേകുന്ന എഞ്ചിനില് 5 സ്പീഡ് ഗിയര്ബോക്സാണ് സ്റ്റാന്ഡേര്ഡ് ഫീച്ചറായി ഇടംപിടിക്കുന്നതും.
സെപ്തംബര് നടക്കുന്ന ഫ്രാങ്ക്ഫട്ട് ഓട്ടോ ഷോയില് ജാസ് ഫെയ്സ്ലിഫ്റ്റിനെ ഹോണ്ട കാഴ്ചവെക്കും. 2018 ന്റെ തുടക്കത്തോടെ മാത്രമാകും അപ്ഡേറ്റഡ് ജാസിന്റെ വിതരണം ഹോണ്ട ആരംഭിക്കുക.
Continue with Google