പുത്തൻ ഡീസൽ എൻജിനിൽ കരുത്താർജ്ജിച്ച് ഹ്യുണ്ടായ് ഗ്രാന്റ് ഐ10

ഗ്രാന്റ് ഐ 10ന്റെ ഫേസ്‌ലിഫ്റ്റ് പതിപ്പിനെ വിപണിയിലെത്തിക്കാനുള്ള തയ്യാറെടുപ്പിലാണ് സൗത്ത് കൊറിയൻ നിർമാതാവായ ഹ്യുണ്ടായ്. ഗ്രാന്റ് ഐ 10-ന്റെ പുതുക്കിയ പതിപ്പിനായിരിക്കും ഈ എൻജിൻ കരുത്തേകുക.

നിലവിൽ ഡീസൽ, പെട്രോൾ വകഭേദങ്ങളിലാണ് ഈ ജനപ്രിയ ഹാച്ച്ബാക്ക് ലഭ്യമായിക്കൊണ്ടിരിക്കുന്നത്.

70ബിഎച്ച്പിയും 160എൻഎം ടോർക്കും നൽകുന്ന 1.1ലിറ്റർ സിആർഡിഐ ത്രീ സിലിണ്ടർ ആണ് ഈ വാഹനത്തിലെ ‍ഡീസൽ എൻജിൻ.

ഗ്രാന്റ് ഐ 10 മോഡലിന്റെ 1.2 ലീറ്റർ കാപ്പ പെട്രോൾ എൻജിനാകട്ടെ 81ബിഎച്ച്പിയും 114എൻഎം ടോർക്കുമാണ് ഉല്പാദിപ്പിക്കുന്നത്.

5 സ്പീഡ് മാനുവൽ, 4 സ്പീഡ് ഓട്ടോമാറ്റിക് ഗിയർബോക്സാണ് പെട്രോൾ എൻജിനിലുള്ളത്. ഡീസൽ യൂണിറ്റിൽ 5 സ്പീഡ് മാനുവൽ ഗിയർബോക്സും നൽകിയിട്ടുണ്ട്.

പുതിയ 1.2ലിറ്റർ ഡീസൽ എൻജിൻ ഉൾപ്പെടുത്തുന്നതോടെ വാഹനത്തിന്റെ കരുത്തിലും ടോർക്കിലും വർധനവുണ്ടായേക്കാം. 4ബിഎച്ച്പിയും 30എൻഎം ടോർക്കും അധികമാകാനുള്ള സാധ്യതയാണുള്ളത്.

മെക്കാനിക്കൽ മാറ്റത്തിനു പുറമെ അകത്തും പുറത്തും അടിമുടി പരിഷ്കാരങ്ങളോടെയായിരിക്കും ഈ ഫേസ്‌ലിഫ്റ്റ് അവതരിക്കുക.

വൃത്താകൃതിയിലുള്ള ഡിആർഎല്ലുകളാണ് പുത്തൻ മോഡലിന്റെ മുഖ്യാകർഷണം. എന്നാൽ വിദേശ വിപണികളിൽ എത്തിക്കുന്ന മോഡലിനായിരിക്കും ഈ സവിശേഷതയുണ്ടാവുക.

എന്നാൽ ഇന്ത്യയിലവതിരിക്കുന്ന മോഡലിൽ ഫോഗ് ലാമ്പോടുകൂടിയ ബാർ ടൈപ്പ് ഡിആർഎൽ ആയിരിക്കുമുണ്ടാവുക.

ടോപ്പ് വേരിയന്റുകളിൽ ടച്ച് സ്ക്രീൻ ഇൻഫോടെയിൻമെന്റ് സിസ്റ്റവും ഉൾപ്പെടുന്നതായിരിക്കും എന്ന പ്രത്യേകതയുമുണ്ട് ഈ ഫേസ്‌ലിഫ്റ്റിന്.

ഈ സെഗ്മെന്റിൽ വർധിച്ചുവരുന്ന ഡിമാന്റുകൾ കണക്കിലെടുത്തും മത്സരങ്ങൾക്കൊത്ത് മുന്നേറുന്നതിനുമാണ് ഹ്യുണ്ടായ് നവീകരിച്ച ഗ്രാന്റ് ഐ10 മോഡലിനെ അവതരിപ്പിക്കുന്നത്.

വരുന്നു ന്യൂജെൻ ഡിസയർ അടിമുടി മാറ്റങ്ങളോടെ

കിടിലൻ ലുക്കിൽ സ്വിഫ്റ്റ് ഡിസയർ അല്ല്യൂർ