Just In
- 6 hrs ago തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച
- 9 hrs ago ഓഫ്റോഡ് പ്രേമികളേ ഇതിലെ, പുത്തൻ റാങ്ലർ ഫെയ്സ്ലിഫ്റ്റിലെ ഹൈലൈറ്റുകൾ ഇവയൊക്കെ
- 10 hrs ago പുതിയ എസ്യുവിക്ക് 20 കി.മീ മൈലേജ്! ആളുകള് ഇനി ക്യൂ നില്ക്കാന് പോകുന്നത് മഹീന്ദ്ര ഷോറൂമിന് മുന്നില്
- 10 hrs ago മോഡലിംഗും ഡാൻസുമാണ് പാഷൻ, 23-ാം വയസിൽ ഡ്രീം കാർ സ്വന്തമാക്കിയ സുന്ദരിയെ അറിയുമോ?
Don't Miss
- News യുപിയില് വന് ട്വിസ്റ്റ്; അഖിലേഷ് യാദവ് ലോക്സഭാ തിരഞ്ഞെടുപ്പില് മത്സരിക്കും, കനോജില് തീപ്പാറും
- Movies നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്'
- Sports IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ
- Lifestyle ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം
- Technology DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ
- Finance ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി
- Travel ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
ഫോര്ച്ച്യൂണറിനെ വെല്ലാന് ഇസുസു MU-X എത്തി
പിക്കപ്പ് മോഡലായ ഡി-മാക്സ് വി-ക്രോസിന്റെ പ്ലാറ്റ്ഫോമിലാണ് MU-X നെയും ഇസുസു ഒരുക്കിയിരിക്കുന്നത്.
പുത്തന് എസ്യുവിയുമായി ജാപ്പനീസ് നിര്മ്മാതാക്കളായ ഇസുസു മോട്ടോര്സ് വീണ്ടും ഇന്ത്യന് വിപണിയില്. എസ്യുവി മോഡല് MU-X നെ ഇസുസു ഇന്ത്യ അവതരിപ്പിച്ചു.
23.99 ലക്ഷം രൂപ ആരംഭവിലയിലാണ് MU-X ഇന്ത്യയില് സാന്നിധ്യമറിയിക്കുന്നത് (ദില്ലി എക്സ്ഷോറൂം വില). 4x2, 4x4 എന്നിങ്ങനെ രണ്ട് വേരിയന്റുകളിലായാണ് MU-X നെ ഇസുസു അണിനിരത്തുന്നത്.
MU-X ന്റെ ഫോര് വീല് ഡ്രൈവ് വേരിയന്റിന് 25.99 ലക്ഷം രൂപയാണ് വില. പിക്കപ്പ് മോഡലായ ഡി-മാക്സ് വി-ക്രോസിന്റെ പ്ലാറ്റ്ഫോമിലാണ് MU-X നെയും ഇസുസു ഒരുക്കിയിരിക്കുന്നത്.
ജനറല് മോട്ടോര്സില് നിന്നുള്ള ഷെവര്ലെ ട്രെയില്ബ്ലെയ്സറും സമാന പ്ലാറ്റ്ഫോമിലാണ് വന്നെത്തുന്നത്.
ഡി-മാക്സ് വി-ക്രോസിന് സമാനമായ ഡിസൈന് തത്വമാണ് MU-X ഉം പിന്തുടരുന്നത് എന്നതും ശ്രദ്ധേയം.
പ്രീമിയം ലുക്ക് എന്നതില് ഉപരി സ്പോര്ടി ലുക്കിലാണ് MU-X ശ്രദ്ധ പതിപ്പിച്ചിട്ടുള്ളത്. ഡബിള് സ്ലാറ്റ് ക്രോം ഗ്രില്ലും , എല്ഇഡി ഡെയ്ടൈം റണ്ണിംഗ് ലൈറ്റുകളും, 17 ഇഞ്ച് അലോയ് വീലുകളും, റൂഫ് റെയിലുമെല്ലാം MU-X ന്റെ എക്സ്റ്റേണല് ഫീച്ചറുകളില് ഉള്പ്പെടുന്നു.
177 bhp കരുത്തും, 380 Nm torque ഉം ഉത്പാദിപ്പിക്കുന്ന 3.0 ലിറ്റര് ടര്ബ്ബോചാര്ജ്ഡ് ഡീസല് എഞ്ചിനിലാണ് ഇസുസു MU-X വന്നെത്തുന്നത്.
5 സ്പീഡ് ഓട്ടോമാറ്റിക് ഗിയര്ബോക്സാണ് മോഡലില് ഉപഭോക്താക്കള്ക്ക് ലഭിക്കുക.
4x4 വേരിയന്റില് ഫോര് വീല് ഡ്രൈവ് സംവിധാനത്തിനായുള്ള 'ഷിഫ്റ്റ്-ഓണ്-ദി-ഫ്ളൈ'യും ഇസുസു നല്കുന്നു.
ടൂ-ഹൈ, ഫോര്-ഹൈ, ഫോര്-ലോ റേഞ്ചുകള് ഷിഫ്റ്റ്-ഓണ്-ദി-ഫ്ളൈയിലൂടെ തെരഞ്ഞെടുക്കാം.
അപ്ഹില്, ഡൗണ്ഹില് കണ്ട്രോളും മോഡലില് ഇസുസു ലഭ്യമാക്കുന്നു. 13.8 കിലോമീറ്ററാണ് 4x2 വേരിയന്റില് ഇസുസൂ വാഗ്ദാനം ചെയ്യുന്ന ഇന്ധനക്ഷമത.
MU-X ന്റെ ഇന്റീരിയറും ഒരുങ്ങിയിരിക്കുന്നത് ഡി-മാക്സ് വി-ക്രോസിലാണ് എന്നതും ശ്രദ്ധേയം. ഇസുസു MU-7 ന് പകരക്കാനായി എത്തുന്ന MU-X സെവന് സീറ്റര് വേര്ഷനാണ്.
ബ്ലൂടൂത്ത് കണക്ടിവിറ്റിയോടൊപ്പം ഉള്ള 7 ഇഞ്ച് ടച്ച്സ്ക്രീന് ഇന്ഫോടെയ്ന്മെന്റ് സിസ്റ്റവും, റൂഫ് മൗണ്ടഡ് 10 ഇഞ്ച് മോണിറ്ററും, ക്രൂയിസ് കണ്ട്രോളും, ഓട്ടോമാറ്റിക് ക്ലൈമറ്റ് കണ്ട്രോളും എല്ലാം ഇസുസു MU-X ന്റെ ശ്രദ്ധാകേന്ദ്രങ്ങളാണ്.
സ്റ്റേജ് സ്പെയ്സ് വര്ധിപ്പിക്കാന് 12 കപ്പ് ഹോള്ഡറും, 19 കബ്ബി ഹോള്ഡറും ഇന്റീരിയറില് ഇടം പിടിക്കുന്നു.
സുരക്ഷാ സജ്ജീകരണങ്ങളിലും MU-X ശ്രേണിയില് മുന്നിട്ട് നില്ക്കുന്നു.
ഡ്യൂവല് ഫ്രണ്ട് എയര്ബാഗുകളും, എബിഎസ്, ഇബിഡി, ഇഎസ്സി ട്രാക്ഷന് കണ്ട്രോള്, റിയര് പാര്ക്കിംഗ് ക്യാമറ എന്നിങ്ങനെ ഒരുപിടി സുരക്ഷാ ക്രമീകരണങ്ങളാണ് MU-X ല് ഉള്ളത്.
നാല് നിറഭേദങ്ങളിലാണ് MU-X നെ ഇസുസു അവതരിപ്പിക്കുന്നത്. സില്ക്കി വൈറ്റ്, ഓര്ക്കിഡ് ബ്രൗണ്, കോസ്മിക് ബ്ലാക്, ടൈറ്റാനിയം സില്വര് എന്നീ നിറങ്ങളിലാണ് MU-X ലഭ്യമാവുക.
അടുത്തിടെയാണ് MU-X ന്റെ ഫെയ്സ് ലിഫ്റ്റഡ് വേര്ഷനെ രാജ്യാന്തര വിപണിയില് ഇസുസു അവതരിപ്പിച്ചത്.
എന്നാല് ഇന്ത്യയില് ഇപ്പോള് അവതരിച്ചിട്ടുള്ളത് ഫെയ്സ് ലിഫ്റ്റ് വേര്ഷന് മുമ്പുള്ള MU-X ആണ്.
ആന്ധ്രപ്രദേശിലെ ശ്രീസിറ്റിയിലുള്ള നിര്മ്മാണ കേന്ദ്രത്തില് നിന്നും അസംബിള് ചെയ്താണ് MU-X വിപണിയില് എത്തുന്നത്.
50000 യൂണിറ്റ് വാര്ഷിക ഉത്പാദന ശേഷിയാണ് നിലവില് ഇസുസുവിന്റെ ശ്രീസിറ്റി നിര്മ്മാണ കേന്ദ്രത്തിന് ഉള്ളത്. അതേസമയം വരുംഭാവിയില് ഉത്പാദനം 1.20 ലക്ഷം യൂണിറ്റായി വര്ധിപ്പിക്കാനുള്ള ഒരുക്കത്തിലാണ് ഇസുസു.
ടോയോട്ട ഫോര്ച്ച്യൂണര്, ഫോര്ഡ് എന്ഡവര് എന്നിവരുമായാണ് ശ്രേണിയില് ഇസുസു MU-X എറ്റുമുട്ടുന്നത്.