ജീപ്പ് റാംഗ്ലർ പെട്രോൾ പതിപ്പ് അവതരിച്ചു....

3.6ലിറ്റർ പെന്റാസ്റ്റാർ വി6 എൻജിൻ കരുത്തേകുന്ന റാംഗ്ലറിന് 285ബിഎച്ച്പിയും 353എൻഎം ടോർക്കുമാണുള്ളത്. ചക്രങ്ങളിലേക്ക് വീര്യമെത്തിക്കുന്നതിന് 5 സ്പീഡ് ഓട്ടോമാറ്റിക് ഗിയർബോക്സും എൻജിന്റെ ഭാഗമായിട്ടുണ്ട്.

നിലവിൽ എതിരാളികൾ ഇല്ലെന്ന് പറയാവുന്ന 5 ഡോർ റാംഗ്ലർ വിലകൊണ്ട് ഏതാണ്ട് മെഴ്സിഡസ് ജിഎൽസി, ലാന്റ് റോവർ ഡിസ്കവറി എന്നിവയുടെ റേഞ്ചിൽ വരും.

ജീപ്പ് റാംഗ്ലർ ഡീസൽ പതിപ്പിനേക്കാൾ വിലയിൽ അല്പം കുറവുണ്ട് ഈ പെട്രേൾ അൺലിമിറ്റഡ് പതിപ്പിന്. എക്സ്ഷോറൂം 71.59ലക്ഷത്തിന് ലഭ്യമായിട്ടുള്ള ഡീസൽ പതിപ്പിന് 197ബിഎച്ച്പിയും 460എൻഎം ടോർക്കുമുള്ള 2.8ലിറ്റർ എൻജിനാണ് കരുത്തേകുന്നത്.

പുതിയ പെട്രോൾ വേരിയന്റിലേതുപോലെ 5 സ്പീഡ് ഓട്ടോമാറ്റിക് ഗിയർബോക്സും ഓൾവീൽ ഡ്രൈവ് സിസ്റ്റവും ഡീസൽ പതിപ്പിലും ലഭ്യമാക്കിയിട്ടുണ്ട്.