Click it and Unblock the Notifications
ഇന്ത്യയില് മഹീന്ദ്ര ഇലക്ട്രിക് പിന്നിട്ടത്, 5 കോടി കിലോമീറ്ററുകള്!
ഇലക്ട്രിക് കാറുകളിലേക്ക് ചുവട് ഉറപ്പിച്ച ആദ്യ ഇന്ത്യന് കാര് നിര്മ്മാതാക്കളാണ് മഹീന്ദ്ര ഇലക്ട്രിക്. 2030 ഓടെ രാജ്യം ഇലക്ട്രിക് കാറുകളിലേക്ക് കളം മാറാന് തയ്യാറെടുക്കുമ്പോള്, മഹീന്ദ്രയുടെ സംഭാവനകള് ഇന്ത്യയ്ക്ക് മുതല്ക്കൂട്ടാവുകയാണ്.
ടാറ്റയും മാരുതിയും എല്ലാം മഹീന്ദ്രയുടെ കാല്പ്പാടുകളെ പിന്തുടരാന് ശ്രമിക്കവെ, ആഘോഷം മറ്റൊരു കാരണം കൂടി മഹീന്ദ്രയ്ക്ക് ലഭിച്ചിരിക്കുകയാണ്. ഇന്ത്യന് നിരത്തില് 5 കോടി കിലോമീറ്ററാണ് മഹീന്ദ്രയുടെ ഇലക്ട്രിക് കാറുകള് പിന്നിട്ടിരിക്കുന്നത്.
കാര്ബണ് പുറന്തള്ളല് തോതില് 25,00,000 കിലോഗ്രാമിന്റെ കുറവ് രേഖപ്പെടുത്താന് e2o, e2o പ്ലസ് കാറുകള് മുഖേന മഹീന്ദ്രയ്ക്ക് സാധിച്ചു. 2,50,000 പുതിയ മരങ്ങള് നട്ടുപിടിപ്പിക്കുന്നതിന് സമാനമാണ് മഹീന്ദ്രയുടെ ഈ നേട്ടം.
സ്മാര്ട്ട് ടെക്നോളിയിലും, ഇന്റഗ്രേറ്റഡ് ടെലിമാറ്റിക്സിലും അധിഷ്ടതമായാണ് e2o പ്ലസ് ഒരുങ്ങുന്നത്. ഈ ഫീച്ചറുകള് മുഖേന മഹീന്ദ്ര ഇലക്ട്രിക്കുമായി തത്സമയം ബന്ധപ്പെടാന് കാറിന് സാധിക്കും.
ടെലിമാറ്റിക്സ് മുഖേന, വിദൂരമായ സ്ഥലത്ത് നിന്ന് പോലും കാറിലെ പ്രശ്നങ്ങള് കണ്ടെത്തി പരിഹരിക്കാന് മഹീന്ദ്ര ഇലക്ട്രിക് എഞ്ചിനീയര്മാര്ക്ക് സാധിക്കും.
Recommended Video
ഇതിന് പുറമെ സാങ്കേതികത മെച്ചപ്പെടുത്തുന്നതിനായി കാറിന്റെ വിവരങ്ങള് ശേഖരിക്കാനും ടെലിമാറ്റിക്സ് സഹായിക്കുന്നുണ്ട്.
പെട്രോള്, ഡീസല് കാറുകളില് നിന്നും ഇലക്ട്രിക് കാറുകളിലേക്ക് മാറാനുള്ള കേന്ദ്ര നീക്കത്തിന്, മഹീന്ദ്രയുടെ 5 കോടി ഇലക്ട്രിക് കിലോമീറ്റര് എന്ന നാഴികക്കല്ല് കരുത്ത് പകരുമെന്ന് മഹീന്ദ്ര ഇലക്ട്രിക് സിഇഒ മഹേഷ് ബാബു പറഞ്ഞു.
Continue with Google