50,000 ബുക്കിംഗ് കടന്ന് പുതിയ മാരുതി ഡിസൈര്‍; ഒപ്പം കാത്തിരിപ്പും നീളുന്നു

ഇപ്പോള്‍ പുറത്ത് വരുന്ന റിപ്പോര്‍ട്ടുകള്‍ പ്രകാരം, 2017 ഡിസൈര്‍ 50000 ത്തിലേറെ ബുക്കിംഗ് കൈവരിച്ചു. മാത്രമല്ല, ബുക്കിംഗിന് ഒത്ത് പലയിടത്തും ഡിസൈറിനെ എത്തിക്കാന്‍ മാരുതി ബുദ്ധിമുട്ടുന്നതായും റിപ്പോര്‍ട്ടുകളുണ്ട്.

നിലവില്‍ മൂന്ന് മാസം വരെയാണ് പുതുതലമുറ മാരുതി ഡിസൈറില്‍ നേരിടുന്ന കാലതാമസം.

അതേസമയം, 2017 മെയ് മാസത്തെ വില്‍പന കണക്കുകളില്‍ മാരുതി ഡിസൈര്‍ പിന്നോക്കം പോയി എന്നതും ശ്രദ്ധേയം. 9073 യൂണിറ്റ് ഡിസൈറുകള്‍ മാത്രമാണ് മെയ് മാസം വില്‍ക്കപ്പെട്ടത്.

2016 മെയ് മാസം 16968 ഡിസൈറുകള്‍ വില്‍ക്കപ്പെട്ടിരുന്നു എന്നത് അന്തരം വെളിപ്പെടുത്തുന്നു. ഉത്പാദന കേന്ദ്രം മാറ്റിയ മാരുതിയുടെ നടപടി വിതരണ ശൃഖലയെ ബാധിച്ചുവെന്നും റിപ്പോര്‍ട്ടുകളുണ്ട്.

ബലെനോ ഒരുങ്ങിയ HEARTECT പ്ലാറ്റ്‌ഫോമിലാണ് 2017 മാരുതി ഡിസൈറും എത്തുന്നത്. 1.2 ലിറ്റര്‍ പെട്രോള്‍ എഞ്ചിന്‍, 1.3 ലിറ്റര്‍ ഡീസല്‍ എഞ്ചിനുകളിലാണ് കോമ്പാക്ട് സെഡാന്‍ ഒരുങ്ങിയെത്തുന്നത്.

5 സ്പീഡ് മാനുവല്‍ ഗിയര്‍ബോക്‌സ്, 5 സ്പീഡ് ഓട്ടോമേറ്റഡ് മാനുവല്‍ ട്രന്‍സ്മിഷനിലാണ് പുതിയ ഡിസൈറിനെ മാരുതി ലഭ്യമാക്കുന്നതും.