Click it and Unblock the Notifications
'ബീസ്റ്റ് ഓഫ് ദി ഗ്രീന് ഹെല്', ഇന്ത്യന് ട്രാക്കിലെ ഏറ്റവും വേഗതയേറിയ കാര്; തകര്ത്തത് ഔഡിയെ
ഇതിലും വലിയ ഒരു ഇന്ട്രോ മെര്സിഡീസ് എഎംജി ജിടി-ആറിന് ലഭിക്കാനില്ല. ഓഗസ്റ്റ് 21 ന് ഇന്ത്യയില് അവതരിക്കാനിരിക്കെ മെര്സിഡീസിന്റെ സൂപ്പര്കാര് കുറിച്ചിരിക്കുന്നത് മറ്റൊരു റെക്കോര്ഡാണ്.
ലോക പ്രശസ്ത നേര്ബഗ്രിങ്ങ് ട്രാക്കില് നിന്നും ട്യൂണ് ചെയ്തെത്തുന്ന മെര്സിഡീസിന്റെ മിഡ്-ഫ്രണ്ട് എഞ്ചിന് ടൂ സീറ്റര് സൂപ്പര്കാറിനെ 'ബീസ്റ്റ് ഓഫ് ദി ഗ്രീന് ഹെല്' എന്നാണ് വിശേഷിപ്പിക്കുന്നത്.
Recommended Video
നേര്ബഗ്രിങ്ങില് 7:09:10 എന്ന റിയര് വീല്ഡ്രൈവ് ലാപ് റെക്കോര്ഡ് കുറിച്ചെത്തിയ ജിടിആര്, ബുദ്ധ് ഇന്റര്നാഷണല് സര്ക്യൂട്ടില് രചിച്ചത് പുതിയ വേഗ റെക്കോര്ഡാണ്.
2:09:853 എന്ന ലാപ് സമയം കുറിച്ച എഎംടി ജിടിആര്, ബുദ്ധ് ഇന്റര്നാഷണല് സര്ക്യൂട്ടില് വലം വെച്ച ഏറ്റവും വേഗതയേറിയ സ്ട്രീറ്റ് ലീഗല് കാറായി മാറി. നേരത്തെ, 2:12:711 ലാപ് സമയം കുറിച്ച ഔഡി R8 V10 പ്ലസാണ് ഈ പട്ടം കയ്യടക്കിയിരുന്നത്.
FIA യുടെ ഔദ്യോഗിക വക്താക്കളായ FMSCI യുടെ നേതൃത്വത്തിലാണ് റെക്കോര്ഡ് ടെസ്റ്റ് നടന്നത്.
577 bhp കരുത്തേകുന്ന എഎംജി ജിടിആറിന്െ വളയം പിടിച്ചത് എഎംജി റേസ് കാര് ഡ്രൈവര് ക്രിസ്റ്റ്യന് ഹൊഹന്ദെലായിരുന്നു. 700 Nm torque ഏകുന്ന 4.0 ലിറ്റര് ട്വിന് ടര്ബ്ബോ V8 എഞ്ചിനില് 7 സ്പീഡ് ഡ്യൂവല് ക്ലച്ച് ഗിയര്ബോക്സാണ് മെര്സിഡീസ് നല്കുന്നത്.
നിലവില് വില്പനയിലുള്ള എഎംജി ജിടി എസിനെക്കാളും കരുത്തേറിയ ജിടിആറില്, ആക്ടിവ് എയറോ-റിയര് വീല് സ്റ്റീയറിംഗും, ഡൗണ്ഫോഴ്സ് വര്ധിപ്പിക്കുന്നതിനായി വലിയ റിയര് വിംഗും ഇടംപിടിക്കുന്നുണ്ട്.
ലംബോര്ഗിനി ഉറാക്കാന് പെര്ഫോര്മന്സാണ് മെര്സിഡീസ് എഎംജി ജിടിആറിന്റെ പ്രധാന എതിരാളി. എന്നാല് രാജ്യാന്തര വിപണികളില് പോര്ഷ 911 ജിടി2 ആര്എസാണ് ജിടിആറിന് വെല്ലുവിളി ഉയര്ത്തുന്നത്.
Continue with Google