Click it and Unblock the Notifications
Just In
-
-
-
-
Don't Miss
-
പ്രമേഹ രോഗി, ഇന്സുലിന് ആവശ്യപ്പെട്ടിട്ടും നല്കിയില്ല; കെജ്രിവാളിനെ കൊല്ലാന് ഗൂഢാലോചനയെന്ന് എഎപി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
ഈ വസ്തുക്കള് വീട്ടില് വെക്കുന്നത് ഐശ്വര്യക്കേട്; കഷ്ടകാലം, ധനനഷ്ടം, മനക്ലേശം എന്നിവയുണ്ടാകും -
IPL 2024: ഹാര്ദിക് എന്തിന് ടീമില്? വീണ്ടും ഫ്ളോപ്പ്; ലോകകപ്പ് ടീമിലും വേണ്ട! ട്രോളി ഫാന്സ് -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
ആരാധകരെ കോരിത്തരിപ്പിച്ച് പുതുതലമുറ മാരുതി സ്വിഫ്റ്റ് ഇന്ത്യയില്‍; ചിത്രങ്ങള്‍ പുറത്ത്
ഇന്ത്യന്‍ വിപണി ഏറെ പ്രതീക്ഷയോടെ കാത്തിരിക്കുന്ന മോഡലാണ് പുതുതലമുറ മാരുതി സ്വിഫ്റ്റ്. 2017 ജനീവ മോട്ടോര്‍ ഷോയില്‍ താരത്തിളക്കം നേടിയ സ്വിഫ്റ്റ്, മാരുതിയുടെ മുഖരൂപം തന്നെ മാറ്റുമെന്ന പ്രതീതി ഉണര്‍ത്തി കഴിഞ്ഞു.
നിലവില്‍ രാജ്യാന്തര വിപണികളില്‍ അരങ്ങ് വാഴുന്ന മൂന്നാം തലമുറ സ്വിഫ്റ്റ് ഇന്ത്യയില്‍ എന്നെത്തും? 2018 ഓട്ടോ എക്‌സ്‌പോയ്ക്കായി മാരുതി കാത്ത് വെച്ച ഹാച്ച്ബാക്കാണ് പുതുതലമുറ സ്വിഫ്റ്റ് എന്നത് പരസ്യമായ രഹസ്യമാണ്.
അതേസമയം, ഇതിനിടയില്‍ മാരുതി അവതരിപ്പിച്ച പുതുതലമുറ ഡിസൈര്‍, സ്വിഫ്റ്റിന്റെ വരവിന് ആമുഖവും നല്‍കി. എന്നാല്‍ ഇപ്പോള്‍ കാര്‍പ്രേമികളെ അതിശയിപ്പിച്ച് കൊണ്ട് 2017 സ്വിഫ്റ്റ് ഇന്ത്യന്‍ മണ്ണില്‍ എത്തി.
ഇതാദ്യമായാണ് മൂന്നാം തലമുറ സ്വിഫ്റ്റിന്റെ ഇന്ത്യന്‍ പതിപ്പിനെ ക്യാമറ പകര്‍ത്തുന്നത്. Cartoq ആണ് പുതുതലമുറ മാരുതി സ്വിഫ്റ്റിന്റെ ചിത്രങ്ങള്‍ പുറത്ത് വിട്ടിരിക്കുന്നത്.
മാരുതി ബലെനോയുടെ അടിത്തറയില്‍ തന്നെയാണ് പുതിയ സ്വിഫ്റ്റ് ഒരുങ്ങുന്നതും. നിലവിലുള്ള സ്വിഫ്റ്റിലും ഏറെ ഭാരക്കുറവിലാണ് പുതിയ സ്വിഫ്റ്റ് എത്തുക.
ഭാരക്കുറവിന്റെ പശ്ചാത്തലത്തില്‍ പുതിയ സ്വിഫ്റ്റിന്റെ മികവ് വര്‍ധിക്കുമെന്നാണ് മാരുതിയുടെ വാദം.
പുതുക്കിയ ഫ്രണ്ട് പ്രൊഫൈലാണ് പ്രധാന എക്സ്റ്റീരിയര്‍ ഹൈലൈറ്റ്.
Recommended Video
സ്വെപ്റ്റ്ബാക്ക് ഹെഡ്‌ലാമ്പുകളും, ഹെക്‌സഗണല്‍ ഗ്രില്ലും, പുതുക്കിയ ബമ്പറുമെല്ലാം സ്വിഫ്റ്റിന് പുതിയ മുഖം നല്‍കുന്നു. വശങ്ങളില്‍ 'തനി' സ്വിഫ്റ്റായാണ് പുതിയ മോഡലും കടന്നു വരുന്നത്.
ബ്ലാക്ക്ഡ്-ഔട്ട് A, B പില്ലറുകളും ഫ്‌ളോട്ടിംഗ് റൂഫ് ഡിസൈനുമാണ് സൈഡ് പ്രൊഫൈല്‍ പിന്തുടരുന്നതും. ഒരുപിടി മാറ്റങ്ങള്‍ റിയര്‍ എന്‍ഡിലും ദൃശ്യമാണ്.
ആധുനിക പരിവേഷത്തില്‍ ഒരുങ്ങിയതാണ് ടെയില്‍ ലാമ്പ് ക്ലസ്റ്ററും, ബമ്പറും, ടെയില്‍ഗെയ്റ്റും. നിലവിലെ സ്വിഫ്റ്റിനെ അപേക്ഷിച്ച്, പുതുതലമുറ സ്വിഫ്റ്റില്‍ റിയര്‍ എന്‍ഡ് ഏറെ ഒതുങ്ങിയിട്ടുണ്ട്.
നിലവിലുള്ള 1.2 ലിറ്റര്‍ പെട്രോള്‍, 1.3 ലിറ്റര്‍ ഡീസല്‍ എഞ്ചിന്‍ ഓപ്ഷനുകളാകും മുന്നാം തലമുറ സ്വിഫ്റ്റിലും മാരുതി നല്‍കുക. എന്നാല്‍ ഭാരക്കുറവിന്റെ അടിസ്ഥാനത്തില്‍ സ്വിഫ്റ്റിന് വേഗതയേറും.
പെട്രോള്‍-ഡീസല്‍ വേര്‍ഷനുകളില്‍ എഎംടി പതിപ്പിനെയും മാരുതി നല്‍കിയേക്കും.
ഫ്‌ളാറ്റ് ബോട്ടം സ്റ്റീയറിംഗ് വീല്‍, ആപ്പിള്‍ കാര്‍പ്ലേ ആന്‍ഡ്രോയ്ഡ് ഓട്ടോയ്ക്ക് ഒപ്പമുള്ള ടച്ച്‌സ്‌ക്രീന്‍ ഇന്‍ഫോടെയ്ന്‍മെന്റ് സിസ്റ്റം, എഞ്ചിന്‍ സ്റ്റാര്‍ട്ട്/സ്‌റ്റോപ് ബട്ടണ്‍ എന്നിവ ഉള്‍പ്പെടുന്നതാണ് അകത്തളത്തെ വിശേഷങ്ങള്‍.
പ്രൊജക്ടര്‍ ഹെഡ്‌ലാമ്പുകളും, എല്‍ഇഡി ഡെയ്‌ടൈം റണ്ണിംഗ് ലൈറ്റുകളും പുതിയ ഹാച്ച്ബാക്കിന് ലഭിച്ചിട്ടുണ്ട്.
ഇന്ത്യന്‍ മണ്ണില്‍ അപ്രതീക്ഷിതമായി പ്രത്യക്ഷപ്പെട്ട 2017 മാരുതി സ്വിഫ്റ്റ്, ഒരുപക്ഷെ പ്രതീക്ഷിച്ചതിലും നേരത്തെ വിപണിയില്‍ എത്താം. എന്തായാലും പുതിയ മാരുതി സ്വിഫ്റ്റ് വിപണിയില്‍ തരംഗം ഒരുക്കുമെന്ന കാര്യത്തില്‍ യാതൊരു സംശയവും വേണ്ട.
