നിസാന്‍ നോട്ട് ഇ-പവര്‍ ഹാച്ച്ബാക്ക് ഇന്ത്യയിലേക്ക്?

ഇൗ പശ്ചാത്തലത്തിലാണ് ജാപ്പനീസ് നിര്‍മ്മാതാക്കളായ നിസാന്‍, ഇന്ത്യന്‍ വിപണിയില്‍ പുതിയ സാധ്യതകള്‍ തേടുന്നത്. നോട്ട് ഇ-പവര്‍ ഹാച്ച്ബാക്കിനെ ഇന്ത്യയ്ക്ക് നല്‍കാനുള്ള നീക്കത്തിലാണ് നിസാന്‍.

ഇന്ത്യയ്ക്ക് എന്തിന് നിസാന്‍ നോട്ട് ഇ-പവര്‍?

ഇന്ത്യന്‍ വിപണിയ്ക്ക് നോട്ട് ഇ-പവര്‍ അനുയോജ്യമാണെന്നാണ് നിസാന്റെ വിലയിരുത്തല്‍. 1198 സിസി പെട്രോള്‍ എഞ്ചിനില്‍ ഒരുങ്ങിയ ഇലക്ട്രിക് ഹാച്ച്ബാക്കാണ് നോട്ട് ഇ-പവര്‍.

മറ്റ് ഇലക്ട്രിക് കാറുകളെ പോലെ ഫിക്‌സ്ഡ് ചാര്‍ജ്ജിംഗ് സോക്കറ്റ്, നിസാന്റെ നോട്ട് ഇ-പവറിന് ആവശ്യമില്ല.

ഇന്ത്യന്‍ ഉപഭോക്താക്കള്‍ക്ക് ഏറെ ഫലപ്രദമാണ് ഇ-പവര്‍ ടെക്‌നോളജിയെന്ന് നിസാന്‍ മോട്ടോര്‍ കോര്‍പ്പറേഷന്‍ ഗ്ലോബര്‍ മാര്‍ക്കറ്റിംഗ് വൈസ് പ്രഡിസന്റ് ദാനിയേല ഷിലാസി പറഞ്ഞു.

Recommended Video

Tata Tiago XTA AMT Launched In India | In Malayalam - DriveSpark മലയാളം

ഇന്ത്യയില്‍ ഇ-പവര്‍ ടെക്‌നോളജിയ്ക്കുള്ള സാധ്യത നിസാന്‍ പഠിക്കുകയാണെന്നും ഷിലാസി കൂട്ടിച്ചേര്‍ത്തു.

2016 ല്‍ ജപ്പാനില്‍ വെച്ചാണ് നോട്ട് ഇ-പവറിനെ നിസാന്‍ ആദ്യമായി കാഴ്ചവെച്ചത്.

ചാര്‍ജ്ജിംഗ് സ്റ്റേഷന്‍ മുഖേന ബാറ്ററി ചാര്‍ജ്ജ് ചെയ്യേണ്ട എന്നതാണ് നോട്ട് ഇ-പവറിന്റെ പ്രധാന വിശേഷം. 2017 ന്റെ ആദ്യ പാദത്തില്‍ ബെസ്റ്റ് സെല്ലിംഗ് കാറുകളുടെ പട്ടികയില്‍ നിസാന്‍ നോട്ട് ഇ-പവറും സാന്നിധ്യമറിയിച്ചിട്ടുണ്ട്.

നിസാന്‍ രാജ്യാന്തര വില്‍പനയില്‍, 70 ശതമാനത്തിലേറെ സംഭാവനയും നോട്ട് ഇ-പവറില്‍ നിന്നുമാണ്. രാജ്യാന്തര വിപണികളില്‍ വന്‍പ്രചാരം നേടുന്ന നോട്ട് ഇ-പവര്‍ ഇന്ത്യയിലും തരംഗം ഒരുക്കുമെന്ന പ്രതീക്ഷയിലാണ് നിസാന്‍.

ഇന്ത്യയിൽ വിരളമായ ചാർജ്ജിംഗ് സ്റ്റേഷനുകളുടെ പശ്ചാത്തലത്തിൽ നിസാൻ നോട്ട് ഇ-പവറിന്റെ കടന്നുവരവ് വിപണിയ്ക്ക് പുതിയ മുഖം നൽകുമെന്ന വാദം ശക്തമായി ഉയർന്നു കഴിഞ്ഞു.