Click it and Unblock the Notifications
പെട്രോള് വില കൂടുന്നത് ആരും അറിയുന്നില്ല; ജൂലായ്ക്ക് ശേഷം വര്ധിച്ചത് 6 രൂപ!
ജൂലായ് മുതല് ഇന്ധന വില പ്രതിദിനം പുതുക്കുന്നതിനാല് പെട്രോള്, ഡീസല് വില കൂടിയോ, കുറഞ്ഞോ എന്ന കാര്യത്തില് പലര്ക്കും സംശയമുണ്ടാകും. മുന്കാലങ്ങളെ അപേക്ഷിച്ച്, പെട്രോള് വില സംബന്ധിച്ചുള്ള വാര്ത്താ പ്രാധാന്യവും കുറഞ്ഞ് വരികയാണ്.
എന്നാല് ജൂലായ് മാസം മുതല് ശരിക്കും പെട്രോള് വില കൂടിയോ കുറഞ്ഞോ? കൂടിയാല് തന്നെ എത്ര കൂടി? ഇതിനുള്ള ഉത്തരം പലര്ക്കും ഇന്ന് അറിയില്ല.
ജൂലായ് മാസം മുതലുള്ള കണക്കുകള് പ്രകാരം, പെട്രോള് വിലയിലുണ്ടായത് പ്രതിലിറ്ററിന് ആറ് രൂപയുടെ വിലവര്ധനവാണ്. ഡീസലിന്റെ കാര്യവും വ്യത്യസ്മല്ല; ഡീസല് വിലയില് 3.67 രൂപയുടെ വര്ധനവാണ് പ്രാബല്യത്തിലുള്ളത്.
നാലുമാസത്തിനിടെയുള്ള ഏറ്റവും ഉയര്ന്ന വിലവര്ധനവാണിതെന്ന് സംസ്ഥാനത്തെ എണ്ണക്കമ്പനികള് നല്കുന്ന വിവരങ്ങള് വ്യക്തമാക്കുന്നു. നിലവില് 70 രൂപയിലേറെയാണ് രാജ്യത്തെ പെട്രോള് വില.
Recommended Video
69.04 രൂപയാണ് ദില്ലിയിലെ പെട്രോള് വില. കഴിഞ്ഞ മൂന്ന് വര്ഷത്തിനിടെയുള്ള ഏറ്റവും ഉയര്ന്ന പെട്രോള് വിലയാണ് തലസ്ഥാനത്ത് ഇപ്പോള് നിലകൊള്ളുന്നത്.
57.03 രൂപയാണ് ദില്ലിയിലെ ഡീസല് വില. നേരത്തെ മാസത്തില് രണ്ട് തവണയാണ് ഇന്ധന വില എണ്ണക്കമ്പനികള് പുതുക്കിയിരുന്നത്. എന്നാല് 2017 ജൂലായ് മാസം മുതല്, പ്രതിദിനം ഇന്ധന വില പുതുക്കുന്ന സംവിധാനത്തിലേക്ക് എണ്ണക്കമ്പനികള് മാറുകയായിരുന്നു.
എല്ലാ ദിവസവും രാവിലെ 6 മണിക്കാണ് പുതുക്കിയ ഇന്ധന വില പ്രാബല്യത്തില് വരുന്നത്.
Continue with Google