ഏറെ കൊട്ടിഘോഷിച്ച ബിഎംഡബ്ല്യുവിനെ മോദി കൈവിട്ടു; കാരണം അന്വേഷിച്ച് സോഷ്യൽ മീഡിയ

71 ആം സ്വാതന്ത്ര്യദിനത്തില്‍, രാജ്യത്തെ അഭിസംബോധന ചെയ്യാനായി പ്രധാനമന്ത്രി നരേന്ദ്രമോദി ചെങ്കോട്ടയില്‍ വന്നിറങ്ങിയത് റേഞ്ച് റോവറില്‍; ബിഎംഡബ്ല്യുവിന് പകരം റേഞ്ച് റോവറിനെ തെരഞ്ഞെടുക്കാന്‍ എന്താണ് കാരണം? ചോദ്യങ്ങള്‍ ഇങ്ങനെ പലതാണ്.

2014 മെയ് മാസം ഇന്ത്യയുടെ പ്രധാനമന്ത്രിയായി ചുമതലയേറിയ നരേന്ദ്രമോദി, പ്രതിരോധ കവചം ഒരുക്കിയ കസ്റ്റമൈസ്ഡ് ബിഎംഡബ്ല്യു 7 സീരീസിലായിരുന്നു ഇക്കലാമത്രയും യാത്ര ചെയ്തിരുന്നത്.

Recommended Video

Tata Nexon Review: Expert Review Of Tata Nexon | In Malayalam - DriveSpark മലയാളം

കാരണം എന്താണ്?

പൊടുന്നനെ ആഢംബര എസ്‌യുവിയിലേക്ക് ചേക്കാറാനുള്ള കാരണമെന്തെന്ന അന്വേഷണത്തിലാണ് ഏവരും.

ഇതാദ്യമായാണ് പ്രധാനമന്ത്രി നരേന്ദ്രമോദി ആഢംബര എസ്‌യുവി ഉപയോഗിക്കുന്നതെന്ന് കേന്ദ്ര ഉദ്യോഗസ്ഥര്‍ വ്യക്തമാക്കിയിട്ടുണ്ട്. സുരക്ഷാ ആശങ്കകള്‍ അല്ലെങ്കില്‍ ചില അടിയന്തര സാഹചര്യമാകാം റേഞ്ച് റോവറിനെ സ്വാതന്ത്ര്യദിനത്തിനായി തെരഞ്ഞെടുക്കാന്‍ കാരണമായതെന്നാണ് നിഗമനം.

അതേസമയം, ഓഗസ്റ്റ് 13 ന് നടന്ന ഫുള്‍ ഡ്രസ് റിഹേഴ്‌സലില്‍ ബിഎംഡബ്ല്യുവായിരുന്നു ഡമ്മി റണ്ണിനായി ഉപയോഗിച്ചിരുന്നത്. കഴിഞ്ഞ റിപ്പബ്ലിക് ദിന പരേഡിലും പ്രധാനമന്ത്രി നരേന്ദ്രമോദി എത്തിയിരുന്നത് ബിഎംഡബ്ല്യു കാറിലായിരുന്നു.

രാജ്യത്തെ അഭിസംബോധന ചെയ്തതിന് പിന്നാലെ റേഞ്ച് റോവറിന്റെ ഫ്രണ്ട് സീറ്റില്‍ മോദി വന്നിരുന്നതായും ദൃശ്യങ്ങള്‍ വെളിപ്പെടുത്തുന്നു. പ്രധാനമന്ത്രിയുടെ സുരക്ഷാ ചുമതലയുള്ള സ്‌പെഷ്യല്‍ പ്രൊട്ടക്ഷന്‍ ഗ്രൂപ്പാണ് ഏത് കാര്‍ തെരഞ്ഞെടുക്കണമെന്ന് തീരുമാനിക്കുന്നത്.

പ്രധാനമന്ത്രി നരേന്ദ്രമോദിക്ക് പുറമെ കോണ്‍ഗ്രസ് അധ്യക്ഷ സോണിയ ഗാന്ധി, രാഹുല്‍ ഗാന്ധി, പ്രിയങ്ക ഗാന്ധി, മുന്‍ പ്രധാനമന്ത്രി മന്‍മോഹന്‍സിംഗിനും സ്‌പെഷ്യല്‍ പ്രൊട്ടക്ഷന്‍ ഗ്രൂപ്പിന്റെ സംരക്ഷണമുണ്ട്.

ഗുജറാത്ത് മുഖ്യമന്ത്രിയായിരിക്കെ ഇന്ത്യൻ നിർമ്മിത മഹീന്ദ്ര സ്‌കോര്‍പിയോ എസ്‌യുവിയാണ് മോദി ഉപയോഗിച്ചിരുന്നത്.