Click it and Unblock the Notifications
ഒരല്പം കൂടി കാത്തിരുന്നാല് മതി; ക്യാപ്ച്ചറുമായി റെനോ വരുന്നു — പുതിയ എസ്യുവിയുടെ വിശേഷങ്ങള്
ക്യാപ്ച്ചര് എസ്യുവി ഇന്ത്യയില് ഉടന് എത്തുമെന്ന് ഫ്രഞ്ച് നിര്മ്മാതാക്കളായ റെനോ. 2017 ല് തന്നെ ക്യാപ്ച്ചര് എസ് യുവി ഇന്ത്യയില് ചുവട് ഉറപ്പിക്കുമെന്ന് ഔദ്യോഗികമായി വ്യക്തമാക്കിയ റെനോ, എസ്യുവിയുടെ ടീസര് ദൃശ്യവും പുറത്ത് വിട്ടു.
കോമ്പാക്ട് എസ്യുവി നിരയില് ഡസ്റ്റര് കൊണ്ടു തന്നെ റെനോ ശക്തമായ സാന്നിധ്യമാണ്. ഇന്ത്യന് വരവില് ഡസ്റ്ററിന് മേലെയായാകും ക്യാപ്ച്ചറിനെ റെനോ നല്കുക. ക്രോസ്ഓവര് സെഗ്മന്റിലേക്കുള്ള റെനോയുടെ പ്രീമിയം സമർപ്പണമാണ് ക്യാപ്ച്ചര്.
ഡിസൈന് മുഖത്ത് റെനോയുടെ വ്യക്തി മുദ്ര പതിപ്പിച്ചാണ് ക്യാപ്ച്ചര് എത്തുക.
റെനോയുടെ സിഗ്നേച്ചര് ഐബ്രോയ്ക്ക് ഒപ്പമുള്ള എല്ഇഡി ഹെഡ്ലാമ്പുകള്, C-Shaped എല്ഇഡി ഡെയ്ടൈം റണിംഗ് ലൈറ്റുകള്, ഹെഡ്ലാമ്പുകളെ തമ്മില് ബന്ധപ്പെടുത്തുന്ന ബ്ലാക് ബാര്, പരുക്കന് ലുക്കിനായുള്ള പ്ലാസ്റ്റിക് ക്ലാഡിംഗ് എന്നിവ ഫ്രണ്ട് പ്രൊഫൈലിലെ ശ്രദ്ധാ കേന്ദ്രങ്ങളാണ്.
നിലവിലുള്ള 1.5 ലിറ്റര് പെട്രോള്, 1.5 ലിറ്റര് ഡീസല് എഞ്ചിനുകളിലാണ് ക്യാപ്ച്ചറും വന്നെത്തുക. 102 bhp കരുത്തേകുന്ന പെട്രോള് എഞ്ചിനില്, 5 സ്പീഡ് മാനുവല് ഗിയര്ബോക്സ് ഇടംപിടിക്കും.
Recommended Video
അതേസമയം, 83.3 bhp, 108 bhp എന്നിങ്ങനെ രണ്ട് ട്യൂണ് ഓപ്ഷനുകളാണ് ഡീസല് എഞ്ചിനില് ലഭ്യമാവുക. 6 സ്പീഡ് മാനുവല് ഗിയര്ബോക്സാണ് ഡീസല് എഞ്ചിനുമായി റെനോ ബന്ധപ്പെടുത്തുക.
ഫ്രണ്ട്-വീല്-ഡ്രൈവ്, ഓള്-വീല്-ഡ്രൈവ് ഓപ്ഷനുകളില് ക്യാപ്ച്ചറിനെ റെനോ നല്കുമെന്നാണ് പ്രതീക്ഷ. പിന്നീടുള്ള ഘട്ടത്തില് ഓട്ടോമാറ്റിക് സിവിടി, എഎംടി ഗിയര്ബോക്സ് ഓപ്ഷനുകളും മോഡലില് റെനോ ഒരുക്കുമെന്നും സൂചനയുണ്ട്.
കണക്ടിവിറ്റി ഓപ്ഷനുകള്ക്ക് ഒപ്പമുള്ള 7 ഇഞ്ച് ടച്ച്സ്ക്രീന് ഇന്ഫോടെയ്ന്മെന്റ് സിസ്റ്റവും, ഓട്ടോമാറ്റിക് ക്ലൈമറ്റ് കണ്ട്രോളുമാണ് എസ്യുവിയുടെ പ്രധാന ഇന്റീരിയര് വിശേഷങ്ങള്.
10 ലക്ഷത്തിലേറെ ക്യാപ്ച്ചറുകളെ ഇതിനകം രാജ്യാന്തര വിപണികളില് റെനോ വിറ്റുകഴിഞ്ഞു. പുതിയ എസ്യുവിയില് ഹൈ ലെവല് കസ്റ്റമൈസേഷന് ഓപ്ഷനുകളും റെനോ ഒരുക്കും.
അടുത്തിടെയാണ് 300 ഡീലര്ഷിപ്പുകള് എന്ന നാഴികക്കല്ല്, ഇന്ത്യയില് റെനോ പിന്നിട്ടത്. ശക്തമായ സര്വീസ് ശൃഖലയുടെ പശ്ചാത്തലത്തില് ക്യാപ്ച്ചറിന്റെ വരവിന് അനുകൂല സാഹചര്യമാണ് റെനോ ഒരുക്കിയിരിക്കുന്നതും.
Continue with Google