ക്യാപ്ചർ-വിപ്ലവം സൃഷ്ടിക്കാൻ റിനോയുടെ പ്രീമിയം എസ്‌യുവി

ഈ വർഷം അവസാനത്തോടെയായിരിക്കും പ്രീമിയം കോംപാക്ട് എസ്‌യുവി ക്യാപ്ചറിന്റെ ഇന്ത്യയിലുള്ള അരങ്ങേറ്റം. ക്യാപ്ചറിന്റെ എൻട്രി-ലെവൽ, ടോപ്പ് വേരിയന്റുകളെയാണ് ഇന്ത്യയിലെത്തിക്കുന്നത്.

എൽഇഡി ഹെഡ്‌ലാമ്പ്, 16 ഇഞ്ച് അലോയ് വീൽ, ലെതർ സീറ്റ്, ടച്ച് സ്ക്രീൻ ഇൻഫോടെയിൻമെന്റ് സിസ്റ്റം എന്നീ സവിശേഷതകളായിരിക്കും ടോപ്പ് വേരിയന്റിൽ ഉൾപ്പെടുക.

സ്റ്റീൽ റിമ്മുകൾ, പ്രോജക്ടർ ഹെഡ്‌ലാമ്പ് എന്നിവയായിരിക്കും ലോവർ എന്റ് മോഡലുകളുടെ സവിശേഷത.

ഡസ്റ്ററിനെ അടിസ്ഥാനപ്പെടുത്തി നിർമാണം നടത്തുന്ന ഈ മോഡലിനെ ഡസ്റ്ററിനും മുകളിലായിട്ടായിരിക്കും ഇടം നൽകുക. കൂടാതെ ഡസ്റ്ററിനേക്കാളും വലുപ്പകൂടുതലുണ്ട് ഈ വാഹനത്തിന്.

യൂറോപ്പിലും മിഡിൽ ഈസ്റ്റ് വിപണിയിലും വിൽക്കപ്പെടുന്നതായിട്ടുള്ള മോഡൽ ക്ലിയോ പ്ലാറ്റ്ഫോമിനെ ആധാരപ്പെടുത്തിയിട്ടുള്ളതാണെങ്കിൽ ഡസ്റ്ററിന്റെ ബിഒ പ്ലാറ്റ്ഫോമിൽ അധിഷ്ഠിതമാണ് ഇന്ത്യൻ ക്യാപ്ചർ.

റിനോയുടെ ചെന്നൈയിലുള്ള പ്ലാന്റിൽ വച്ച് പ്രാദേശികമായിട്ടാണ് ഈ മോഡലിന്റെ നിർമാണം. പൂർണമായും ഇന്ത്യൻ നിർമിത വസ്തുക്കൾ ഉപയോഗിച്ചായിരിക്കും നിർമാണം നടത്തുക.

1.6ലിറ്റർ, 2ലിറ്റർ പെട്രോൾ എൻജിനാണ് ആഗോള വിപണിയിലുള്ള ക്യാപ്ചറിന്റെ കരുത്ത്. എന്നാൽ ക്യാപ്ചറിന്റെ ഡീസൽ വകഭേദമായിരിക്കും ഇന്ത്യയിലെത്തിച്ചേരുക.

ഈ വർഷം അവസാനത്തോടെയായിരിക്കും റിനോയുടെ ഈ പുതിയ പ്രീമിയം കോംപാക്ട് എസ്‌യുവിയുടെ ഇന്ത്യയിലുള്ള അരങ്ങേറ്റം.

ഹ്യുണ്ടായ് ക്രേറ്റ, ട്യൂസോൺ മോഡലുകളെ വെല്ലാനായിരിക്കും റിനോ പുതിയ പ്രീമിയം ചെറു എസ്‌യുവിയുമായി ഇന്ത്യയിലെത്തുന്നത്.