Click it and Unblock the Notifications
'മസില് പെരുപ്പിച്ച്' വീണ്ടും ഒരു ഇഗ്നിസ്; സുസൂക്കി കാഴ്ചവെച്ച ഇഗ്നിസ് എസ്-അര്ബന് കോണ്സെപ്റ്റ്
ദീര്ഘനാളത്തെ കാത്തിരിപ്പിന് ശേഷമാണ് ന്യൂജെന് കാര് ഇഗ്നിസിനെ മാരുതി സുസൂക്കി ഇന്ത്യയ്ക്ക് നല്കിയത്. ടോള് ബോയ് ഹാച്ച്സ്റ്റൈലില് എത്തിയ ഇഗ്നിസ് ചരുങ്ങിയ കാലയളവില് തന്നെ ജനഹൃദയങ്ങള് കീഴടക്കി.
അര്ബന് കോമ്പാക്ട് ക്രോസ്ഓവര് ടാഗിലുള്ള ഇഗ്നിസില് കൂടുതല് പരീക്ഷണങ്ങളുമായി സുസൂക്കി കളം നിറയുകയാണ്. 2017 ഗയ്ക്കിന്തോ ഇന്ഡോനേഷ്യ ഇന്റര്നാഷണല് ഓട്ടോ ഷോയില് സുസൂക്കി കാഴ്ചവെച്ച ഇഗ്നിസ് എസ്-അര്ബന് കോണ്സെപ്റ്റിലേക്കാണ് ഇന്ന് ഏവരുടെയും ശ്രദ്ധ.
ക്രോസ്ഓവര് ഹാച്ച്ബാക്കിന്റെ ഓഫ്റോഡര് പതിപ്പാണ് ഇഗ്നിസ് എസ്-അര്ബന് കോണ്സെപ്റ്റ്. പ്ലാസ്റ്റിക് ക്ലാഡിംഗ് പോലുള്ള എക്സ്ട്രാ കോസ്മറ്റിക്കുകളുടെ പിന്ബലത്തില് ഹാച്ച്ബാക്കിന് 'പരുക്കന്' ലുക്ക് നല്കാന് സുസൂക്കി ശ്രമിച്ചിട്ടുണ്ട്.
Recommended Video
പുതിയ ഓക്സിലറി ലൈറ്റുകള്ക്ക് ഒപ്പമുള്ള കസ്റ്റം ഓഫ്-റോഡ് ബമ്പര് ഇഗ്നിസ് എസ്-അര്ബന് കോണ്സെപ്റ്റ് ഫ്രണ്ട് പ്രൊഫൈല് ഫീച്ചറാണ്. സുസൂക്കിയുടെ XA ആല്ഫ കോണ്സെപ്റ്റില് നിന്നും പ്രചോദനമുള്ക്കൊണ്ടതാണ് പുതിയ ഫ്രണ്ട് ഗ്രില്.
സ്കിഡ് പ്ലേറ്റും, പ്ലാസ്റ്റിക് ക്ലാഡിംഗും ഇഗ്നിസ് എസ്-അര്ബന് കോണ്സെപ്റ്റ് ഫീച്ചറുകളില് ഉള്പ്പെടുന്നു. എയര്സ്കൂപ്പോട് കൂടിയുള്ളതാണ് ഇഗ്നിസ് എസ്-അര്ബന് കോണ്സെപ്റ്റിന്റെ ബോണറ്റ്.
കസ്റ്റം ഓഫ് റോഡ് ടയറുകളും, വര്ധിച്ച ഗ്രൗണ്ട ക്ലിയറന്സും മോഡലിന്റെ ഓഫ്-റോഡിംഗ് ശേഷിക്ക് കരുത്തേകുന്നു.
ഇതിന് പുറമെ, റൂഫ് റെയിലുകളും, പുതിയ റിയര് ബമ്പറും, ഡിഫ്യൂസറും, പ്ലാസ്റ്റിക് ക്ലാഡിംഗും എസ്-അര്ബന് കോണ്സെപ്റ്റിന്റെ ഓഫ്-റോഡിംഗ് മുഖം വെളിപ്പെടുത്തുന്നതാണ്.
നിലവിലുള്ള 1.2 ലിറ്റര് K Series പെട്രോള് എഞ്ചിന് തന്നെയാണ് സുസൂക്കി ഇഗ്നിസ് എസ്-അർബൻ കോണ്സെപ്റ്റ് മോഡലിന്റെയും പവര്ഹൗസ്.
82 bhp കരുത്തും 113 Nm torque ഉം ഏകുന്ന എഞ്ചിനില് 5 സ്പീഡ് മാനുവല്/5 സ്പീഡ് എഎംടിട ഗിയര്ബോക്സ് ഓപ്ഷനുകള് ലഭ്യമാകും. മസ്കുലാര് ലുക്കാണ് സ്റ്റാന്ഡേര്ഡ് ഇഗ്നിസില് നിന്നും എസ്-അര്ബന് കോണ്സെപ്റ്റിനെ വേറിട്ട് നിര്ത്തുന്നത്.
എന്തായാലും ഇഗ്നിസിന്റെ വിജയത്തിന് പിന്നാലെയുള്ള ഇഗ്നിസ് എസ്-അര്ബന് കോണ്സെപ്റ്റിന്റെ കടന്നുവരവ് ഓട്ടോപ്രേമികളില് ആകാംഷ പടര്ത്തിയിരിക്കുകയാണ്.
Continue with Google