Click it and Unblock the Notifications
ആരോരുമറിയാതെ ടാറ്റയുടെ പടയൊരുക്കം; നാനോ ഇലക്ട്രിക് പതിപ്പിന്റെ ചിത്രങ്ങള് പുറത്ത്
ഇലക്ട്രിക് കാറുകളിലേക്ക് ചുവട് മാറാനുള്ള പടയൊരുക്കം ഇന്ത്യന് വിപണിയില് കണ്ടു തുടങ്ങി. ടിയാഗൊ ഹാച്ച്ബാക്കിന് ഇലക്ട്രിക് പരിവേഷം നല്കിയ ടാറ്റ വാര്ത്തകളില് നിന്നും മറയുന്നതിന് മുമ്പെ, കമ്പനിയുടെ പുതിയ നീക്കം വെളിച്ചത്ത് വന്നിരിക്കുകയാണ്.
ആരോരുമറിയാതെ ടാറ്റ പരീക്ഷിക്കുന്ന നാനോ ഇലക്ട്രിക് പതിപ്പിന്റെ ചിത്രങ്ങള് പുറത്ത്. കോയമ്പത്തൂരില് വെച്ച് റോഡ് ടെസ്റ്റ് നടത്തുന്ന നാനോ ഇലക്ട്രിക് പതിപ്പിനെ TeamBHP യാണ് ക്യാമറയില് പകര്ത്തിയത്.
നാനോ GenX ബോഡി വര്ക്ക് നേടിയ ഇലക്ട്രിക് പതിപ്പാണ് ക്യാമറയ്ക്ക് മുന്നില് കുടുങ്ങിയത്. സാധാരണ നാനോയുമായി സാമ്യത പുലര്ത്തുന്ന ഇലക്ട്രിക് പതിപ്പിനെ 4BNEV-A08 എന്ന സ്റ്റിക്കറാണ് വേര്തിരിക്കുന്നത്.
വിന്ഡോയില് പതിഞ്ഞ ഈ സ്റ്റിക്കര്, ഇലക്ട്രിക് പതിപ്പിനെ സൂചിപ്പിക്കുന്നു.
ലിഥിയം-അയോണ് ബാറ്ററി കരുത്തില് ഒരുങ്ങുന്ന ഇലക്ട്രിക് മോട്ടോറാകാം നാനോ ഇലക്ട്രിക് പതിപ്പില് ടാറ്റ നല്കുന്നത്. ടാറ്റ നാനോ ഇലക്ട്രിക് പതിപ്പുമായി ബന്ധപ്പെട്ട് ഔദ്യോഗിക വിവരങ്ങള് ഇത് വരെയും ലഭ്യമല്ല.
Recommended Video
ഇതാദ്യമായാണ് ഇന്ത്യയില് വെച്ച് ഇലക്ട്രിക് കാറുകളെ ടാറ്റ പരീക്ഷിക്കുന്നത്. നേരത്തെ, ഇംഗ്ലണ്ടിലുള്ള ടാറ്റ മോട്ടോര്സ് യൂറോപ്യന് ടെക്നിക്കല് സെന്ററില് നിന്നും ടിയാഗൊ, ബോള്ട്ട് ഹാച്ച്ബാക്കുകള്ക്ക് ഇലക്ട്രിക് പതിപ്പിനെ കമ്പനി അവതരിപ്പിച്ചിരുന്നു.
എന്തായാലും ടാറ്റയുടെ പുതിയ നീക്കം മഹീന്ദ്രയ്ക്ക് വെല്ലുവിളിയാകും എന്ന കാര്യത്തില് തെല്ലും സംശയമില്ല. ടിയാഗൊ, നാനോ ഇലക്ട്രിക് പതിപ്പുകളെ ഇടവേളകളില് അവതരിപ്പിച്ച് ഇലക്ട്രിക് ശ്രേണി കൈയ്യടക്കാനുള്ള ശ്രമമാണ് ടാറ്റ നടത്തുന്നത്.
Continue with Google