Click it and Unblock the Notifications
നാനോയെ ടാറ്റ കൈവെടിയുമോ?; ഹാച്ച്ബാക്കിന്റെ ഭാവി ഇങ്ങനെ
രത്തന് ടാറ്റയുടെ സ്വപ്നം, നാനോയെ കമ്പനി കൈവെടിഞ്ഞോ? ഈ ചോദ്യം ഏറെ നാളായി വിപണിയിലും സാമ്പത്തിക രംഗത്തും മുഴങ്ങി കേള്ക്കുകയാണ്. പ്രതീക്ഷിച്ച വിജയം കൈവരിക്കാതെ പോയ നാനോ, ടാറ്റയ്ക്ക് ഒരു ബാധ്യതയായി മാറി എന്നത് ഒരു യാഥാര്ത്ഥ്യമാണ്.
ടാറ്റ നിരയില് നിന്നും പിന്വാങ്ങാനിരിക്കുന്ന കാറുകളുടെ പട്ടികയില് നാനോയുമുണ്ടെന്ന അഭ്യൂഹം ശക്തമായി നിലനില്ക്കെ, നാനോയുടെ ഇലക്ട്രിക് പതിപ്പ് പ്രത്യക്ഷപ്പെട്ടത് കാര്പ്രേമികളെ വീണ്ടും ആശയക്കുഴപ്പത്തിലാക്കി.
അപ്പോള് നാനോയുമായി ഇനിയും മുന്നോട്ട് പോകാന് ടാറ്റ തീരുമാനിച്ചോ? ചോദ്യശരങ്ങള്ക്ക് മുമ്പില് നാനോയുടെ ഭാവി ടാറ്റ വെളിപ്പെടുത്തിയിരിക്കുകയാണ്.
ടാറ്റ നിരയില് നിന്നും നാനോയെ ഉടന് വെട്ടിമാറ്റില്ലെന്ന് കമ്പനി വ്യക്തമാക്കി. നാനോയുമായുള്ള ടാറ്റ ഗ്രൂപ്പിന്റെ വൈകാരിക ബന്ധത്തിന്റെ പശ്ചാത്തലത്തില്, ചെറു ഹാച്ച്ബാക്കിന്റെ ഉത്പാദനം ഒരല്പ കാലം കൂടി തുടരുമെന്ന് ടാറ്റ അറിയിച്ചു.
ടാറ്റ സണ്സ് ചെയര്മാന് രത്തന് ടാറ്റയുടെ സ്വപ്ന കാറാണ് ടാറ്റ നാനോ. പാസഞ്ചര് വാഹന ശ്രേണിയില് ടാറ്റയുടെ നിര്ണായക പങ്കാളിത്തമാണ് നാനോയെന്ന് ടാറ്റ മോട്ടോര്സ് വക്താവ് പറഞ്ഞു.
Recommended Video
എന്ട്രി-ലെവല് ഹാച്ച്ബാക്കുകള്ക്ക് ഇടയില് നാനോ ഇന്നും ഉപഭോക്താക്കളുടെ ഇഷ്ട വാഹനമാണെന്നും വക്താവ് കൂട്ടിച്ചേര്ത്തു. അതേസമയം, ഇലക്ട്രിക് പതിപ്പിലൂടെ നാനോയുടെ തലവര മാറ്റാനുള്ള കഠിനശ്രമത്തിലാണ് ടാറ്റ ഇപ്പോള്.
കോയമ്പത്തൂരില് നിന്നും ക്യാമറ പകര്ത്തിയ നാനോ ഇലക്ട്രിക് പതിപ്പിന്റെ ചിത്രങ്ങള്, ടാറ്റയുടെ രഹസ്യ നീക്കം പുറത്ത് കൊണ്ടുവരികയായിരുന്നു.
കാഴ്ചയില് ഏറെ വ്യത്യാസങ്ങളില്ലാതെയാണ് ഇലക്ട്രിക് നാനോ ഒരുങ്ങിയിട്ടുള്ളത്.
ടാറ്റയുടെ ഇംഗ്ലണ്ടിലുള്ള കേന്ദ്രത്തില് നിന്നും ടിയാഗൊയുടെയും ബോള്ട്ടിന്റെയും ഇലക്ട്രിക് പതിപ്പുകള് ഒരുങ്ങി കഴിഞ്ഞുവെന്ന് നെക്സോണ് അവതരണ വേളയില് ടാറ്റ മോട്ടോര്സ് പിവി ബിസിനസ് യൂണിറ്റ് പ്രസിഡന്റ്, മായങ്ക് അഗര്വാള് സൂചിപ്പിച്ചിരുന്നു.
Continue with Google