വിറ്റാരയ്ക്ക് കടുത്ത എതിരാളിയാകാൻ ടാറ്റ നെക്സൺ...

നെക്സൺ കൂടാതെ ലാൻഡ് റോവർ പ്ലാറ്റ്ഫോമിൽ ക്യൂ 5 എന്ന കോഡ് നാമത്തിലുള്ള ഒരു പ്രീമിയം എസ്‌യുവിയെ കൂടി പുറത്തിറക്കുന്നുണ്ട് ടാറ്റ. എന്നാൽ ഈ പ്രീമിയം എസ്‌യുവിയെ അടുത്തവർഷം വിപണിയിലെത്തിക്കാനാണ് കമ്പനി തയ്യാറെടുക്കുന്നത്.

മാരുതിയുടെ ജനപ്രിയ എസ് യു വി വിറ്റാര ബ്രെസയ്ക്ക് മുഖ്യ എതിരാളിയായിട്ടായിരിക്കും ടാറ്റയുടെ ഈ സബ് ഫോർമീറ്റർ ചെറു എസ്‌യുവി നെക്സൺ എത്തുക.

ടാറ്റയുടെ എക്സ്‌വൺ പ്ലാറ്റ്ഫോമിൽ നിർമ്മിച്ചിട്ടുള്ള ഈ വാഹനത്തിന് മികച്ച പ്രതികരണം നേടിയെടുക്കാൻ സാധിക്കുമെന്നുള്ള ഉറച്ച വിശ്വാസത്തിലാണ് ടാറ്റ.

ടാറ്റയുടെ ചെറുകാർ ടിയാഗോയിലും ക്രോസോവർ ഹെക്സയിലും പിൻതുടർന്നിട്ടുള്ള ഡിസൈൻ ഫിലോസഫി തന്നെയായിരിക്കും നെക്സണിനും അടിത്തറയാകുന്നത്.

6.5 ഇഞ്ച് ടച്ച് ഇൻഫൊര്‍ടൈൻമെന്റ് സിസ്റ്റം, പ്രൊജക്ടർ ഹെഡ്‌ലാമ്പ്, ഡേ ടൈം റണ്ണിംഗ് ലാമ്പ്, പുഷ് സ്റ്റാർട്ട് സ്റ്റോപ്പ് എന്നീ ഫീച്ചറുകളോടെയുള്ള വാഹനമായിരിക്കും ടാറ്റയുടെ ഈ കോംപാക്ട് എസ്‌യുവി.

പ്രീമിയം എസ്‌യുവികളെ അനുസ്മരിപ്പിക്കുന്ന തരത്തിലുള്ള എക്കോ, സിറ്റി, സ്പോർട് എന്നീ മൂന്ന് ഡ്രൈവിംഗ് മോഡുകളും ഈ വാഹനത്തിലുണ്ടായിരിക്കും.

2016 ദില്ലി എക്സ്പോയിൽ അവതരിച്ച നെക്സണിന്റെ പ്രോഡക്ഷൻ മോഡലാണ് വിപണിയിലെത്തുന്നത്. ടിയാഗോയിലുള്ള 1.2 ലിറ്റർ റേവ്ട്രോൺ പെട്രോൾ എന്‍ജിനാകും നെക്സണിന്റെ കരുത്ത്.

പുതിയ 1.5 ലിറ്റർ എൻജിനായായിരിക്കും ഡീസൽ മോഡലിനുണ്ടാവുക. 2014 ൽ നടന്ന ദില്ലി ഓട്ടോഎക്സ്പോയിലായിരുന്നു നെക്സൺ ഒരു കൺസ്പെറ്റ് രൂപത്തിൽ ആദ്യമായി അവതരിക്കുന്നത്.

6.5 ലക്ഷം മുതൽ 10 ലക്ഷം വരെ വില പ്രതീക്ഷിക്കുന്ന വാഹനം, ബ്രെസയെ കൂടാതെ ഫോ‍ഡ് ഇക്കോസ്പോർട്, മഹീന്ദ്ര ടിയുവി 300 എന്നീ വാഹനങ്ങളെ ലക്ഷ്യമിട്ടായിരിക്കും വിപണിയിലെത്തിച്ചേരുക.

ടിയാഗോ വിജയത്തനുശേഷമിതാ ടിയാഗോ ആക്ടീവ്

അടിമുടി മാറി റിനോ ലോഡ്ജി