Click it and Unblock the Notifications
Just In
-
-
-
-
Don't Miss
-
92 കാരി വോട്ട് ചെയ്യുന്നതിനിടെ ഇടപെട്ടു; സിപിഎം ബ്രാഞ്ച് സെക്രട്ടറിക്കെതിര കള്ളവോട്ട് പരാതി -
വീണ്ടും വിളിച്ചാല് വരില്ലേ? അന്ന് ലാല് ചോദിച്ചു, വര്ഷങ്ങള്ക്ക് ശേഷം ശോഭനയെത്തുന്നു ലാലിനൊപ്പം -
485 കോടിയുടെ ഏറ്റെടുക്കൽ, ഓഹരി വിലയിൽ കുതിപ്പുമായി ഐടിസി, ഇപ്പോൾ വാങ്ങിയാൽ നേട്ടമാകുമോ...? -
വൃത്തിയുള്ള തലയോട്ടി, മുടി വളര്ച്ച ഉറപ്പ്; ഈ നാച്ചുറല് സ്ക്രബ് നല്കും ഗുണം -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച -
IPL 2024: അവസാന ഓവര് ആര്ക്ക്? ഹാര്ദിക്കിന്റെ പ്ലാന് മദ്വാളല്ല; നിര്ണ്ണായകമായത് രോഹിത് -
ഗ്ലാമറിന് ഗ്ലാമർ, കഴിവിന് കഴിവ്... ഇതാണ് സ്മാർട്ട്ഫോൺ! സോണി ക്യാമറകളുമായി ഒരു വിവോ 5ജി ഫോൺ
ബജറ്റില്‍ ഒതുങ്ങുന്ന ഇലക്ട്രിക് കാറുമായി ടെസ്‌ല; മോഡല്‍ 3 അവതരിച്ചു
ടെസ്‌ല മോഡല്‍ 3 അവതരിച്ചു. 35,000 ഡോളര്‍ (22.45 ലക്ഷം രൂപ) പ്രൈസ് ടാഗില്‍ എത്തുന്ന മോഡല്‍ 3, ഇലക്ട്രിക് കാര്‍ നിര്‍മ്മാതാക്കളായ ടെസ്‌ലയില്‍ നിന്നുമുള്ള ബജറ്റ് ഇലക്ട്രിക് കാറാണ്.
ടെസ്‌ലയില്‍ നിന്നും ലഭ്യമായ ഏറ്റവും വില കുറഞ്ഞ, ലളിതമാര്‍ന്ന കുഞ്ഞന്‍ ഇലക്ട്രിക് കാറാണ് മോഡല്‍ 3. ഇലക്ട്രിക് കാറുകളിലേക്ക് ഒന്നടങ്കം കടക്കുന്ന രാജ്യാന്തര വിപണിയെ ലക്ഷ്യമിട്ടാണ് മോഡല്‍ 3 യെ ടെസ്‌ല അവതരിപ്പിച്ചിരിക്കുന്നത്.
Recommended Video
ടെസ്‌ല മോഡല്‍ 3 ഇലക്ട്രിക് മോട്ടോര്‍ ഫീച്ചര്‍
355 കിലോമീറ്റര്‍ ദൂരപരിധി ലഭിക്കുന്ന സ്റ്റാന്‍ഡേര്‍ഡ് ബാറ്ററിയിലാണ് മോഡല്‍ 3 ലഭ്യമാവുക. അതേസമയം, 500 കിലോമീറ്റര്‍ ദൂരപരിധി ലഭിക്കുന്ന വേരിയന്റും മോഡല്‍ 3 യില്‍ ടെസ്‌ല ഒരുക്കുന്നു. 44,000 ഡോളറാണ് (28.22 ലക്ഷം രൂപ) ഈ വേരിയന്റിന്റെ വില.
മണിക്കൂറില്‍ 100 കിലോമീറ്റര്‍ വേഗത കൈവരിക്കാന്‍ 5.6 സെക്കന്‍ഡാണ് സ്റ്റാന്‍ഡേര്‍ഡ് ബാറ്ററിയില്‍ എത്തുന്ന മോഡല്‍ 3 യ്ക്ക് വേണ്ടത്. മണിക്കൂറില്‍ 210 കിലോമീറ്ററാണ് മോഡല്‍ 3 യുടെ ടോപ്‌സ്പീഡും.
500 കിലോമീറ്റര്‍ ദൂരപരിധി ലഭിക്കുന്ന മോഡല്‍ 3 യുടെ രണ്ടാം വേരിയന്റ്, 5.1 സെക്കന്‍ഡ് കൊണ്ട് 100 കിലോമീറ്റര്‍ വേഗത കൈവരിക്കും. മണിക്കൂറില്‍ 225 കിലോമീറ്റര്‍ വേഗതയാണ് മോഡലിന്റെ ടോപ്‌സ്പീഡ്.
ടെസ്‌ല മോഡല്‍ 3 ടെക്‌നിക്കല്‍ ഫീച്ചറുകള്‍
4694 mm നീളവും, 1849 mm വീതിയും, 1443 mm ഉയരവും, 2875 mm വീല്‍ബേസുമാണ് ടെസ്‌ല മോഡല്‍ 3 യ്ക്ക് ഉള്ളത്. 1610 കിലോഗ്രാമാണ് മോഡല്‍ 3 യുടെ ഭാരവും.
ആദ്യ വരവില്‍ റിയര്‍-വീല്‍ ഡ്രൈവ് മാത്രമാണ് ടെസ്‌ല നല്‍കുന്നത്. എന്നാല്‍, 4x4 ഡ്യൂവല്‍-മോട്ടോര്‍ വേര്‍ഷനും സമീപഭാവിയില്‍ ടെസ്‌ല ഒരുക്കും.
ടെസ്‌ല മോഡല്‍ 3 ഫീച്ചറുകള്‍
18 ഇഞ്ച് അലോയ് വീലുകള്‍, 15.4 ഇഞ്ച് ഇന്‍ഫോടെയ്ന്‍മെന്റ് സ്‌ക്രീന്‍, ഡ്യൂവല്‍-സോണ്‍ ക്ലൈമറ്റ് കണ്‍ട്രോള്‍, വൈ-ഫൈ ഇന്റര്‍നെറ്റ് കണക്ടിവിറ്റി, സ്മാര്‍ട്ട്‌ഫോണ്‍ മുഖേന കീലെസ് എന്‍ട്രി, ക്രെഡിറ്റ് കാര്‍ഡ്-സ്‌റ്റൈല്‍ കീ, വോയിസ് ആക്ടിവേറ്റഡ് കണ്‍ട്രോളുകള്‍ എന്നിവയാണ് മോഡല്‍ 3 യുടെ ഫീച്ചറുകള്‍.
5000 ഡോളര്‍ വിലയില്‍ പ്രീമിയം പാക്കും മോഡല്‍ 3 യില്‍ ലഭ്യമാണ്. ഇലക്ട്രിക്കലി അഡ്ജസ്റ്റബിള്‍ ഫ്രണ്ട് സീറ്റുകള്‍, 12 സ്പീക്കര്‍ സ്റ്റീരിയോ അപ്‌ഗ്രേഡ്, ഹീറ്റഡ് റിയര്‍ സീറ്റുകള്‍, രണ്ട് ഫോണ്‍ ചാര്‍ജറുകള്‍ എന്നിവ പ്രീമിയം പാക്കിന്റെ ഫീച്ചറുകളാണ്.
അതത് രാജ്യത്തിലുള്ള നിയമത്തെ അടിസ്ഥാനപ്പെടുത്തിയാകും ടെസ്‌ലയുടെ ഓട്ടോപൈലറ്റ് സെല്‍ഫ്-ഡ്രൈവിംഗ് ടെക്‌നോളജി മോഡല്‍ 3 യില്‍ ഇടംപിടിക്കുക.
ടെസ്‌ല മോഡല്‍ 3 ഡിസൈന്‍
സമകാലിക ഹാച്ച്ബാക്ക് ബോഡി സ്‌റ്റൈലാണ് മോഡല്‍ 3 പിന്തുടരുന്നത്. ടെസ്‌ല കാറുകളുടെ മുഖമുദ്രയായ ഒഴുകിയിറങ്ങുന്ന റൂഫ്‌ലൈന്‍ മോഡല്‍ 3 യില്‍ ഒരുങ്ങുന്നു.
ഫ്രണ്ട്, റിയര്‍ ബൂട്ടുകള്‍ക്ക് ഒപ്പമാണ് ടെസ്‌ല മോഡല്‍ 3 വരുന്നത്. കൂടാതെ, ഫ്രണ്ട് ഗ്രില്ലും മോഡലിന് ലഭിക്കുന്നു. ലളിതമാര്‍ന്ന ഡിസൈന്‍ തത്വമാണ് ഇന്റീരിയറില്‍ ടെസ്‌ല പിന്തുടരുന്നത്.
