ഒറ്റ ചാർജ്ജിൽ 643കിലോമീറ്റർ ഓടും ഈ ഇലക്ട്രിക് ബൈക്ക്...

ഒമ്പതു മാസത്തിനുള്ളിൽ ഈ ബൈക്കിനെ വിപണിയിൽ അവതരിപ്പിക്കാൻ സാധിക്കുമെന്നുള്ള പ്രതീക്ഷയിലാണ് കമ്പനി. ‍ഡിസൈനിനെ കുറിച്ച് പറയുകയാണെങ്കിൽ വളരെ വേഗതയിൽ ചീറിപ്പായുന്ന സൂപ്പർബൈക്കിന്റെ പരിവേഷമാണ് ഈ ഇലക്ട്രിക് ബൈക്കിനുള്ളത്.

മണിക്കൂറിൽ 290 കിലോമീറ്റർ വേഗതയിൽ പായാൻ സാധിക്കുമെന്ന് കമ്പനി അവകാശപ്പെടുന്ന ഈ ഇലക്ട്രിക് ബൈക്കിന് 120 ബിഎച്ച്പി കരുത്താണുള്ളത്.

നിശ്ചലാവസ്ഥയിൽ നിന്നും 60 കിലോമീറ്റർ വേഗത കൈവരിക്കാൻ 3.2 സെക്കന്റാണ് ഈ ബൈക്കിന് ആവശ്യമായി വരുന്നത്. 20-30മിനുട്ടിൽ ഫുൾ ചാർജ്ജാകാൻ സാധിക്കുന്ന 21kWh ബാറ്ററിയും ഈ ബൈക്കിന്റെ മറ്റൊരു സവിശേഷതയാണ്.

160 കിലോഗ്രാം ഭാരമുണ്ടെന്ന് പറയപ്പെടുന്ന ഈ ഇലക്ട്രിക് ബൈക്കിന് 6.71ലക്ഷത്തോളമാകും വില.

വീഡിയോ കാണാം