Click it and Unblock the Notifications
Just In
-
-
-
-
Don't Miss
-
വെറും 29 രൂപയ്ക്ക് ഇത്രയും നേട്ടമോ! വീടുകളിൽ സന്തോഷച്ചിരി നിറയ്ക്കാൻ പുതിയ പ്ലാനുമായി ജിയോ -
ഫിമെയിൽ ഫ്രണ്ട്സിനോട് ചെയ്യുന്നതേ ജാസ്മിനോടും ചെയ്തിട്ടുള്ളൂ! കല്യാണം കഴിക്കില്ല- ഗബ്രിയ്ക്കെതിരെ പ്രേക്ഷകർ -
T20 World Cup 2024: ഇതു അതു തന്നെ, സഞ്ജുവും ലോകകപ്പിന്! കോള് വന്നു? നിര്ണായക സൂചന -
തിരഞ്ഞെടുപ്പ് കമ്മീഷന്റെ സ്വീപ് യൂത്ത് ഐക്കൺ ആണ്; പക്ഷേ മമിത ബൈജുവിന് ഇത്തവണ വോട്ടില്ല -
കീശ ചോരില്ല, ഈ രണ്ട് ഓഹരികൾ വാങ്ങാമെന്ന് ബ്രോക്കറേജ്, നേട്ടം എത്രയാണെന്ന് നോക്കാം -
ദാമ്പത്യത്തിലെ ഈ അഞ്ച് പ്രശ്നങ്ങളാണ് വിവാഹ മോചനത്തിന് കാരണം -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ഇരട്ട ബാരല്‍ എക്‌സ്‌ഹോസ്റ്റുമായി പുതിയ ടാറ്റ ടിഗോര്‍ ജെടിപി
ഇരട്ട പുകക്കുഴലുമായി ടാറ്റ ടിഗോര്‍ ജെടിപി. കോയമ്പത്തൂരില്‍ പ്രത്യക്ഷപ്പെട്ട ടിഗോര്‍ ജെടിപി വരവ് അടുത്തെന്നു ഒരിക്കല്‍കൂടി പറഞ്ഞുവെയ്ക്കുകയാണ്. 2018 ഓട്ടോ എക്‌സ്‌പോയിലാണ് പെര്‍ഫോര്‍മന്‍സ് കേന്ദ്രീകൃത ടിഗോര്‍ ജെടിപി കോണ്‍സെപ്റ്റിനെ ടാറ്റ കൊണ്ടുവന്നത്.
അന്നു മോഡലില്‍ ഇരട്ട പുകക്കുഴല്‍ ഒരുങ്ങിയിരുന്നു. ടിഗോര്‍ ജെടിപിയുടെ പ്രൊഡക്ഷന്‍ പതിപ്പിലും ഇരട്ട ബാരല്‍ എക്‌സ്‌ഹോസ്റ്റ് സംവിധാനം തുടരുമെന്നു പുതിയ ചിത്രങ്ങള്‍ പറഞ്ഞുവെയ്ക്കുകയാണ്. പ്രീമിയം ഫീച്ചറുകളും സ്‌പോര്‍ടി സ്‌റ്റൈലിംഗ് ഘടനയുംകൊണ്ടു ടിഗോറില്‍ നിന്നും വേറിട്ടുനില്‍ക്കാന്‍ പുതിയ ടിഗോര്‍ ജെടിപിക്ക് കഴിയും.
ടിഗോറിന്റെ പെര്‍ഫോര്‍മന്‍സ് പതിപ്പായി ടിഗോര്‍ ജെടിപി നിരയിലെത്തും. കോയമ്പത്തൂര്‍ ആസ്ഥാനമായുള്ള ജെയം ഓട്ടോമൊട്ടീവ് കമ്പനിയുമായി ചേര്‍ന്നാണ് ടിഗോര്‍ ജെടിപിയെ കമ്പനി വികസിപ്പിക്കുന്നത്.
ടിഗോറിനെപോലെ ടാറ്റയുടെ ഇംപാക്ട് ഡിസൈന്‍ 2.0 ഭാഷ ടിഗോര്‍ ജെടിപിയും പിന്തുടരുന്നു. സാധാരണ ടിഗോറിനെക്കാളും ഉയര്‍ന്ന വില ടിഗോര്‍ ജെടിപിയ്ക്ക് എന്തായാലും പ്രതീക്ഷിക്കാം. കൂടുതല്‍ പക്വത നിഴലിക്കുന്ന രൂപവും ഭാവവുമാണ് ടിഗോര്‍ ജെടിപിയുടെ പ്രധാന ആകര്‍ഷണം.
ഇരുണ്ട സ്‌മോക്കഡ് ഹെഡ്‌ലാമ്പുകള്‍, മാറ്റ് ശൈലിയിലുള്ള പുത്തന്‍ ഗ്രില്ല്, പരിഷ്‌കരിച്ച അലോയ് വീലുകള്‍ എന്നിവ മോഡലിന് കൂടുതല്‍ ഗൗരവം ചാര്‍ത്തും. സൈഡ് സ്‌കേര്‍ട്ടുകളും ചുവന്ന ബ്രേക്ക് കാലിപ്പറുകളും കാറിന്റെ ഭാവമാറ്റത്തിന് അടിവര കുറിക്കും.
പെര്‍ഫോര്‍മന്‍സ് സെഡാനായതുകൊണ്ടു കുറഞ്ഞ ഗ്രൗണ്ട് ക്ലിയറന്‍സും ദൃഢതകൂടിയ സസ്‌പെന്‍ഷനും ടിഗോര്‍ ജെടിപിയുടെ സ്വഭാവസവിശേഷതയായി മാറും. പുതിയ മിററുകളും പിന്‍ ബമ്പറും ബോഡി കിറ്റും മോഡലിന്റെ വിശേഷങ്ങളില്‍പ്പെടും.
സാധാരണ ടിഗോറിന് 3,992 mm നീളവും 1,677 mm വീതിയും 1,537 mm ഉയരവും 2,450 mm വീല്‍ബേസുമുണ്ട്. എന്നാല്‍ പുതിയ ടിഗോര്‍ ജെടിപിയില്‍ ഒരുങ്ങുന്ന പുത്തന്‍ ബമ്പറുകള്‍ മോഡലിനെ നീളത്തെ ഒരല്‍പം സ്വാധീനിക്കാം.
അകത്തളത്തില്‍ കോണ്‍ട്രാസ്റ്റ് സ്റ്റിച്ചിംഗ് വരമ്പിടുന്ന അപ്‌ഹോള്‍സ്റ്ററിയിലും ടച്ച്‌സ്‌ക്രീന്‍ ഇന്‍ഫോടെയ്ന്‍മെന്റ് സംവിധാനത്തിലും ടാറ്റ പരിഷ്‌കാരങ്ങള്‍ നടത്തിയിട്ടുണ്ടെന്നാണ് വിവരം. ആന്‍ട്രോയ്ഡ് ഓട്ടോ, ആപ്പിള്‍ കാര്‍പ്ലേ കണക്ടിവിറ്റി ഓപ്ഷനുകള്‍ ഇന്‍ഫോടെയ്ന്‍മെന്റ് സംവിധാനം അവകാശപ്പെടും.
ഇരട്ട മുന്‍ എയര്‍ബാഗുകള്‍, ആന്റി - ലോക്ക് ബ്രേക്കിംഗ് സംവിധാനം, ഇലക്ട്രോണിക് ബ്രേക്ക്‌ഫോഴ്‌സ് ഡിസ്ട്രിബ്യൂഷന്‍, പിന്‍ പാര്‍ക്കിംഗ് ക്യാമറ, സെന്‍സറുകള്‍, എഞ്ചിന്‍ ഇമൊബിലൈസര്‍ തുടങ്ങിയ സുരക്ഷാ സജ്ജീകരണങ്ങളും കാറിലുണ്ടാകും.
നെക്‌സോണിലുള്ള 1.2 ലിറ്റര്‍ ടര്‍ബ്ബോചാര്‍ജ്ഡ് പെട്രോള്‍ എഞ്ചിനാണ് ടിഗോര്‍ ജെടിപിയില്‍. അതേസമയം പെര്‍ഫോര്‍മന്‍സ് പതിപ്പായതുകൊണ്ടു കരുത്തുത്പാദനത്തില്‍ മോഡല്‍ വ്യത്യാസം കുറിക്കും.
അഞ്ചു സ്പീഡ് മുഖേന മുന്‍ ചക്രങ്ങളിലേക്ക് എഞ്ചിന്‍ കരുത്തെത്തും. 7.30 മുതല്‍ 7.50 ലക്ഷം രൂപ വരെ പുതിയ ടാറ്റ ടിഗോര്‍ ജെടിപിയ്ക്ക് വില പ്രതീക്ഷിക്കാം. ടിഗോർ ജെടിപിക്ക് പുറമെ ടിയാഗൊ ജെടിപിയെയും കമ്പനി അണിയറയിൽ ഒരുക്കുന്നുണ്ട്.
