Click it and Unblock the Notifications
TRENDING ON ONEINDIA
-
'രാജ്യത്തിന്റെ വിശ്വാസം'; രാജ്യത്തെ ഏറ്റവും വലിയ പ്രീ പോള് സര്വ്വെയ്ക്ക് ഒരുങ്ങി ഡെയ്ലിഹണ്ട് -
മീ ടൂ കാമ്പയിനിടെ വേറിട്ട സംഭവം; സംവിധായകന്റെ മുഖത്തടിച്ച് പ്രശസ്ത നടി!! പൊട്ടിക്കരഞ്ഞ് ഭാര്യ -
നോ എന്നാൽ അതിനർഥം നോ തന്നെ!! ശീലിച്ചതൊക്കെ മാറ്റാൻ സമയമായി, മീ ടുവിൽ മുകേഷിനെതിരെ രേവതി... -
'ആമസോണ് ഗ്രേറ്റ് ഇന്ത്യന് സെയില്': സാംസങ്ങ് ഫോണുകള്ക്ക് 11,000 രൂപ -
ക്രാഷ് ടെസ്റ്റില് തവിടുപൊടിയായി മാരുതി സ്വിഫ്റ്റ് — ഇനിയും വര്ധിക്കാനുണ്ട് സുരക്ഷ -
നിറം നല്കും അടുക്കളപ്പൊടിക്കൈകള് ഈസി
ഫോഴ്‌സ് ട്രാവലറിന് ടാറ്റയുടെ മറുപടി, 15 സീറ്റര്‍ വിങ്ങര്‍ വിപണിയില്‍
ടാറ്റ വിങ്ങര്‍ 15S ഇന്ത്യയില്‍ പുറത്തിറങ്ങി. വാണിജ്യ വാഹനനിരയിലേക്കുള്ള ടാറ്റയുടെ ഏറ്റവും പുതിയ സമര്‍പ്പണമാണ് വിങ്ങര്‍ 15S. ടാക്‌സി വിപണിയില്‍ ലക്ഷ്യമിട്ടെത്തുന്ന പുതിയ വിങ്ങറിന് 12.05 ലക്ഷം രൂപയാണ് വില (എക്‌സ്‌ഷോറൂം മഹാരാഷ്ട്ര). 15 പേര്‍ക്കു സഞ്ചരിക്കാവുന്ന മോണോകോഖ് ബസാണ് വിങ്ങര്‍ 15S.
യാത്രക്കാര്‍ക്ക് പ്രധാന്യം നല്‍കുന്ന ഒട്ടനവധി സുഖസൗകര്യങ്ങള്‍ പുതിയ വിങ്ങറില്‍ ടാറ്റ ഒരുക്കിയിട്ടുണ്ട്. പുഷ് ബാക്ക് സീറ്റുകള്‍, വ്യക്തിഗത എസി വെന്റുകള്‍, ഓരോ സീറ്റ് നിരയിലും യുഎസ്ബി ചാര്‍ജ്ജിംഗ് പോയിന്റ് എന്നിങ്ങനെ നീളും വിങ്ങറിലെ വിശേഷങ്ങള്‍.
പുറമെ നിന്നുള്ള ശബ്ദം അകത്തു കടക്കുന്നതു തടയാന്‍ മോണോകോഖ് ഫ്രെയിമിന് കഴിയും. വിറയലും മറ്റു അസ്വാരസ്യങ്ങളും മോഡലില്‍ കാര്യമായി അനുഭവപ്പെടില്ലെന്നാണ് ടാറ്റയുടെ അവകാശവാദം.
മുന്നില്‍ ആന്റി - റോള്‍ ബാറുകളുള്ള സ്വതന്ത്ര സസ്‌പെന്‍ഷനാണ് വിങ്ങറിലുള്ളത്. പിന്നില്‍ ഹൈഡ്രോളിക് ഷോക്ക് അബ്‌സോര്‍ബറുകള്‍ സുഖകരമായ യാത്ര ഉറപ്പുവരുത്തും. 2.2 ലിറ്റര്‍ Dicor ഡീസല്‍ എഞ്ചിനാണ് പുതിയ ടാറ്റ വിങ്ങറില്‍.
എഞ്ചിന് 98 bhp കരുത്തും 190 Nm torque ഉം പരമാവധി സൃഷ്ടിക്കാനാവും. അഞ്ചു സ്പീഡാണ് മാനുവല്‍ ഗിയര്‍ബോക്‌സ്. മണിക്കൂറില്‍ നൂറു കിലോമീറ്റര്‍ വേഗം കുറിക്കാന്‍ മോഡലിന് കഴിയും. മുന്‍ ടയറുകളില്‍ ഡിസ്‌ക്കുകളും പിന്‍ ടയറുകളില്‍ ഡ്രം യൂണിറ്റും ബ്രേക്കിംഗ് നിര്‍വഹിക്കും.
രാജ്യത്തുടനീളമുള്ള 23 ഡീലര്‍ഷിപ്പുകളില്‍ ടാറ്റ വിങ്ങര്‍ 15S ഉടന്‍ അണിനിരക്കും. മൂന്നുവര്‍ഷം അല്ലെങ്കില്‍ മൂന്നുലക്ഷം കിലോമീറ്ററിന്റെ അധിക വാറന്റിയും മോഡലില്‍ ഉപഭോക്താക്കള്‍ക്ക് നേടാം. ആദ്യഘട്ടത്തില്‍ മഹാരാഷ്ട്രയില്‍ മാത്രമെ വിങ്ങര്‍ വില്‍പനയ്‌ക്കെത്തുകയുള്ളു.
ശേഷം രാജ്യത്തുടനീളം പുതിയ വിങ്ങറിനെ കമ്പനി ലഭ്യമാക്കും. ഇന്ത്യയില്‍ പ്രചാരമേറിയ ഫോഴ്‌സ് ട്രാവലറിന് മറുപടിയായാണ് വിങ്ങറിനെ ടാറ്റ കൊണ്ടുവന്നിരിക്കുന്നത്.
