Just In
- 3 hrs ago ഹിമാലയനും പെരുത്തിഷ്ടായി..! എന്ഫീല്ഡിന്റെ ദക്ഷിണാഫ്രിക്കക്കാരനായ 'സെലിബ്രിറ്റി' ഫാനിനെ മനസ്സിലായോ?
- 3 hrs ago കെടിഎം വാങ്ങുന്ന പണമുണ്ടേൽ ഈ കിടിലൻ ബൈക്കുകൾ സ്വന്തമാക്കാം, ബാക്കി കാശിന് പെട്രോളും അടിക്കാം
- 3 hrs ago ആക്സസ് വാങ്ങനല്ല, ഇനിയീ ബൈക്ക് വാങ്ങാനാവും സുസുക്കി ഷോറൂമിൽ തിരക്ക്, നാളെ വിലയും അറിയാം
- 4 hrs ago ഈ കാറുകളില് ഫുള്ടാങ്ക് അടിച്ചാല് 1200 കി.മീ പോകാം! ഇതൊക്കെ മാരുതിയെ കൊണ്ടേ സാധിക്കൂ...
Don't Miss
- Lifestyle നെഗറ്റീവ് എനര്ജിയെ പെട്ടെന്ന് കണ്ടെത്തി ഒഴിവാക്കാം
- Sports IPL 2024: 26 പന്തില് 26, പിന്നെ വെടിക്കെട്ട്! സഞ്ജു ഉപദേശിച്ചതെന്ത്? വിജയ മന്ത്രം പരാഗ് പറയുന്നു
- News സാമ്പത്തികനേട്ടങ്ങള് ഉണ്ടാകും, പ്രണയലക്ഷ്യങ്ങള് സാധിക്കും, നിങ്ങളുടെ രാശിഫലം അറിയാം
- Movies ട്രെയിനില് വിശന്നിരുന്ന എനിക്ക് ഭക്ഷണം തന്ന ആ യുവാവ്; സുരേഷ് ഗോപിയെക്കുറിച്ച് മണിയന് പിള്ള രാജു
- Travel ബാംഗ്ലൂർ-ചെന്നൈ യാത്രയ്ക്ക് ഡബിൾ ഡെക്കർ ട്രെയിൻ; പുതിയ സമയക്രമം മേയ് 1 മുതല്, ഒരു മണിക്കൂർ നേരത്തേ എത്താം
- Technology സാംസങ് രചിച്ച പുതിയ ഇതിഹാസം! എം സീരീസിന് ആവേശം പകർന്ന് M55 5G ലോഞ്ച് ചെയ്തു
- Finance വർഷാവസാനത്തെ അവസാന വ്യാപാരം, പച്ചയിൽ തുടർന്ന് സൂചികകൾ, ഇടിവ് നേരിട്ട് ഐഡിഎഫ്സി ഫസ്റ്റ് ബാങ്ക്, കാരണം ഇതാണ്
ഇന്ത്യയില് ഒറ്റയ്ക്കുള്ള പ്രയാണം ഫോര്ഡ് അവസാനിപ്പിക്കുന്നു, ഇനി കൂട്ട് മഹീന്ദ്രയുമായി
ഇന്ത്യയില് ഒറ്റയ്ക്കുള്ള പ്രയാണം അവസാനിപ്പിക്കാന് ഫോര്ഡ്. മഹീന്ദ്രയുമായുള്ള പുതിയ സംയുക്ത സഹകരണ കരാറില് അമേരിക്കന് നിര്മ്മാതാക്കള് വൈകാതെ ഒപ്പുവെയ്ക്കും. ഇന്ത്യന് വിപണിയില് സ്വതന്ത്ര്യ വ്യാപാരം അവസാനിപ്പിച്ച്, മഹീന്ദ്രയുമായി സഹകരിച്ച് സംരഭം മുന്നോട്ടു കൊണ്ടുപോകാനാണ് ഫോര്ഡിന്റെ ശ്രമം. എന്നാല് 2017 -ല് ജനറല് മോട്ടോര്സ് രാജ്യം വിട്ടതുപോലെ ഫോര്ഡ് ഇവിടം വിട്ടുപോകില്ല.
രാജ്യത്തെ പ്രവര്ത്തനങ്ങള് ഭാഗികമായി മാത്രമേ അമേരിക്കന് കമ്പനി നിര്ത്തുകയുള്ളൂ. പുതിയ സംയുക്ത സംരഭത്തില് 51 ശതമാനം ഓഹരികള് മഹീന്ദ്രയ്ക്കായിരിക്കും. 49 ശതമാനം ഓഹരികള് ഫോര്ഡ് കൈവശം വെയ്ക്കും. ഫോര്ഡ് ഇന്ത്യയുടെ നിലവിലെ നിക്ഷേപങ്ങളും ആസ്തികളും ജീവനക്കാരും പുതിയ കമ്പനിയുടെ കീഴില് വരും. ഇതുസംബന്ധിച്ച ഔദ്യോഗിക പ്രഖ്യാപനം വരാനിരിക്കുന്നതേയുള്ളൂ.
രാജ്യത്ത് ആദ്യമെത്തിയ വിദേശ വാഹന നിര്മ്മാതാക്കളാണ് ഫോര്ഡ്. കഴിഞ്ഞ രണ്ടര പതിറ്റാണ്ടുകളായി അമേരിക്കന് കമ്പനി ഇന്ത്യയിലുണ്ട്. 1995 -ല് മഹീന്ദ്രയുമായി കൂട്ടുകൂടിയാണ് ഫോര്ഡ് ആദ്യമായി ഇന്ത്യന് തീരത്തെത്തിയത്. പിന്നീട് പങ്കാളിത്തം ഉപേക്ഷിച്ച് ഫോര്ഡ് ഇന്ത്യ പ്രൈവറ്റ് ലിമിറ്റഡ് എന്ന സ്വതന്ത്ര സംരഭത്തിന് അമേരിക്കന് നിര്മ്മാതാക്കള് തുടക്കമിട്ടു.
Most Read: വാഹനത്തിന്റെ ഉടമസ്ഥാവകാശം മാറ്റേണ്ടത് ഇനി വില്ക്കുന്നയാള്, പുതിയ നടപടിക്രമം ഇങ്ങനെ
എസ്കോര്ട്ടും ഐക്കണുമാണ് വിപണിയില് വില്പ്പനയ്ക്ക് വന്ന ആദ്യ ഫോര്ഡ് കാറുകള്. ഐക്കണ്, ഫിയെസ്റ്റ (പഴയ തലമുറ), ഇക്കോസ്പോര്ട്, എന്ഡവര് മോഡലുകളൊഴിച്ചാല് ഇന്ത്യയില് വന്വിജയം കുറിക്കാന് മറ്റു ഫോര്ഡ് കാറുകള്ക്കിതുവരെ കഴിഞ്ഞിട്ടില്ല. കഴിഞ്ഞ 25 വര്ഷക്കാലയളവില് ഏകദേശം 200 കോടി ഡോളര് നിക്ഷേപം കമ്പനി നടത്തിയെങ്കിലും ഇന്ത്യയില് മൂന്നു ശതമാനം മാത്രമാണ് ഫോര്ഡിന്റെ വിപണി വിഹിതം.
2017-18 സാമ്പത്തിക വര്ഷം 92,937 യൂണിറ്റ് വാഹനങ്ങളാണ് കമ്പനി ഇന്ത്യയില് വിറ്റത്. മാരുതി സുസുക്കി, ടാറ്റ മോട്ടോര്സ്, മഹീന്ദ്ര തുടങ്ങിയ മുന്നിര നിര്മ്മാതാക്കളുമായി താരതമ്യം ചെയ്യുമ്പോള് ഈ വില്പ്പനസംഖ്യ നാമമാത്രമാണ്. എംജി മോട്ടോര്, കിയ തുടങ്ങിയ വിദേശ കമ്പനികള് കടന്നുവരുന്നതോടെ ഫോര്ഡിന്റെ നില കൂടുതല് പരുങ്ങലിലാവും.
ഈ അവസരത്തില് മഹീന്ദ്രയുമായി കൂട്ടുചേര്ന്ന് സംയുക്ത സംരഭം ആരംഭിക്കാനാണ് ഫോര്ഡിന്റെ ശ്രമം. മഹീന്ദ്രയ്ക്കുള്ള വിപുലമായ വിപണന ശൃഖലയില് അമേരിക്കന് കമ്പനിക്ക് നോട്ടമുണ്ട്.
നേരത്തെ പവര്ട്രെയിന് പങ്കിടുന്നതിനും പുതിയ മോഡലുകള് സംയുക്തമായി ചേര്ന്ന് വികസിപ്പിക്കുന്നതിനും ഇരു കമ്പനികളും തമ്മില് ധാരണയിലെത്തിയിരുന്നു. ഒപ്പുവെച്ച ഉടമ്പടി പ്രകാരം ഭാരത് സ്റ്റേജ് VI നിര്ദ്ദേശങ്ങള് പാലിക്കുന്ന പുതിയ ചെറു പെട്രോള് എഞ്ചിന് യൂണിറ്റുകള് ഫോര്ഡിന് വേണ്ടി മഹീന്ദ്ര നിര്മ്മിച്ചു നല്കും.
Source: Reuters