സ്വകാര്യ ഉപഭോക്താക്കൾക്കായുള്ള ടാറ്റ ടിഗോർ EV -യുടെ ഡെലിവറികൾ ആരംഭിച്ചു

ടിഗോർ ഇലക്ട്രിക്കിന്റെ ഏറ്റവും ഉയർന്ന XT+ പതിപ്പാണിത്. 10.75 ലക്ഷം രൂപയാണ് വാഹനത്തിന്റെ എക്സ്ഷോറൂം വില. പ്രാരംഭ പതിപ്പുകൾക്ക് അൽപ്പം വിലകുറഞ്ഞതാണ്: XE+, XM+ പതിപ്പുകൾക്ക് യഥാക്രമം 10.44 ലക്ഷം, 10.61 ലക്ഷം രൂപയാണ് വില.

ടാറ്റ ടിഗോർ ഇലക്ട്രിക്ക് ഇപ്പോൾ പൂർണ്ണമായി ചാർജ് ചെയ്താൽ 213 കിലോമീറ്റർ മൈലേജ് നൽകുന്ന ബാറ്ററി ശ്രേണി ലഭിക്കുന്നു, ഇത് വാഹനത്തെ അനുയോജ്യമായ സിറ്റി സെഡാനാക്കി മാറ്റുന്നു. മിക്ക ആളുകളും നഗരപരിധിക്കുള്ളിൽ പ്രതിദിനം 150 കിലോമീറ്ററിൽ താഴെ ഓട്ടം നടത്തുന്നവരാണ്.

ഇത് ടിഗോർ EV -യെ സാമ്പത്തികമായ നേട്ടത്തിനു മാത്രമല്ല, ദൈനംദിന ഉപയോഗത്തിന് മതിയായ വാഹനവുമാക്കുന്നു. ഓരോ ചാർജും സാധ്യമായ ദൂരത്തേക്ക് നീട്ടുന്നതിനായി വാഹനത്തിന്റെ ഏറ്റവും ഉയർന്ന വേഗത 80 കിലോമീറ്റർ ആയി പരിമിതപ്പെടുത്തിയിരിക്കുന്നു. 80 കിലോമീറ്റർ വേഗത നഗരത്തിലെ ഡ്രൈവിംഗിന് പര്യാപ്തമായതിനാൽ ഇത് മിക്ക ഉപയോക്താക്കളെയും ബുദ്ധിമുട്ടിക്കില്ല.

ടാറ്റ ടിഗോർ ഇലക്ട്രിക്കിന്റെ മറ്റ് പ്രധാന സവിശേഷതകളിലേക്ക് വരുന്ന കോംപാക്റ്റ് സെഡാൻ അതിന്റെ പെട്രോൾ, ഡീസൽ സഹോദരങ്ങളുടെ അളവുകൾ നിലനിർത്തുന്നു.

നീളം, വീതി, ഉയരം, വീൽബേസ് എന്നിവ യഥാക്രമം 3,992 mm, 1,677 mm, 1,537 mm, 2,450 mm ആണ്. കാറിന്റെ ഭാരം 1,126 കിലോഗ്രാമാണ്, അതിനർത്ഥം ഇലക്ട്രിക് പതിപ്പിനും ഡീസൽ പതിപ്പിന്റെ അതേ ഭാരമാണ് എന്നുള്ളതാണ്.

വാഹനത്തിൽ പ്രവർത്തിക്കുന്ന 21.5 കിലോവാട്ട്സ് ബാറ്ററിയാണ് പെട്രോൾ പതിപ്പിനേക്കാൾ ടിഗോർ ഇലക്ട്രിക്കിനെ കൂടുതൽ ഭാരമുള്ളതാക്കുന്നത്. 40 Bhp കരുത്തും 105 Nm torque ഉം നൽകുന്ന ഒരു ഇലക്ട്രിക് മോട്ടോറിനെയാണ് ഈ ബാറ്ററി ശക്തിപ്പെടുത്തുന്നത്.

ആരംഭം മുതൽ തന്നെ പരമാവധി torque ലഭ്യമാണ് എന്നുള്ളത് പ്രാരംഭ ആക്സിലറേഷന്റെ കാര്യത്തിൽ ടിഗോറിനെ തികച്ചും ഒരു പെപ്പി കാറാക്കി മാറ്റുന്നു. ഗിയർബോക്സ് സിംഗിൾ സ്പീഡ് ഓട്ടോമാറ്റിക് യൂണിറ്റാണ്, അതായത് ടിഗോർ ഇലക്ട്രിക് ഓടിക്കുന്നത് വളരെ ആയാസരഹിതമായിരിക്കും.

കാറിന്റെ ഇലക്ട്രിക് ബാറ്ററിക്ക് മൂന്ന് വർഷം അല്ലെങ്കിൽ 1.25 ലക്ഷം കിലോമീറ്റർ വാറണ്ടിയുണ്ട്, കൂടാതെ ഒരു സാധാരണ ചാർജറും, ഫാസ്റ്റ് ചാർജറുമായി രണ്ട് ചാർജിംഗ് ഓപ്ഷനുകൾ ലഭിക്കുന്നു.

ഫാസ്റ്റ് ചാർജറിൽ കേവലം രണ്ട് മണിക്കൂറിനുള്ളിൽ ബാറ്ററിയുടെ ശേഷിയുടെ 80% ചാർജ് ചെയ്യാൻ കഴിയും. സാധാരണ ചാർജർ ഉപയോഗിക്കുന്നത് ബാറ്ററി ശൂന്യതയിൽ നിന്ന് പൂർണ്ണമായി ചാർജ് ചെയ്യുന്നതിന് ഏകദേശം 12 മണിക്കൂർ എടുക്കും. ടിഗോർ ഇലക്ട്രിക്കിലെ മറ്റ് ഘടകങ്ങൾ തികച്ചും പരമ്പരാഗതമാണ്.

അടിസ്ഥാന സുരക്ഷാ സവിശേഷതകളായി കാറിന് ഇരട്ട എയർബാഗുകളും ABS ഉം ലഭിക്കുന്നു. സസ്പെൻഷനും ബ്രേക്കുകളും സാധാരണ മോഡലിന് സമാനമാണ്. ടിഗോർ EV യുടെ ഇന്റീരിയറുകളും ഒരുപോലെയുള്ളതാണ്.

കൂടാതെ കാറിന് സാധാരണ സ്റ്റീരിയോ ഫാബ്രിക് സീറ്റുകളും ലഭിക്കുന്നു. ഒരു ഓട്ടോമാറ്റിക്ക് ക്ലൈമറ്റ് കൺട്രോൾ സംവിധാനം സ്റ്റാൻഡേർഡാണ്. ടാറ്റാ ടിഗോർ ഇലക്ട്രിക് നഗര ഉപയോഗത്തിന് താങ്ങാവുന്നതും സൗകര്യപ്രദവും ഒതുക്കമുള്ളതുമായ ഇലക്ട്രിക് കാർ ആഗ്രഹിക്കുന്നവർക്ക് വളരെ മികച്ച ഒരു ഓപ്ഷനാണ്.