മാരുതി മിനി-എസ്‌യുവി എസ്-പ്രെസ്സോയേക്കുറിച്ച് അറിഞ്ഞിരിക്കേണ്ട കാര്യങ്ങൾ

റെനോ ക്വിഡ്, ഹ്യുണ്ടായി സാന്റ്രോ എന്നിവയോട് ചേർന്നുള്ള ഒരു വിലയോടൊപ്പം ഒക്ടോബറിൽ ഏറ്റവും കൂടുതൽ വിറ്റഴിക്കപ്പെട്ട 10 കാറുകളിൽ കാർ സ്ഥാനം നേടി.

വിപണിയിലെ മിക്ക വാഹനങ്ങളേയും മറികടന്ന് കഴിഞ്ഞ മാസം പതിനായിരത്തിലധികം യൂണിറ്റുകൾ കമ്പനി വിറ്റു. മിനി-എസ്‌യുവി വിഭാഗത്തിലെ മാരുതിയുടെ ആദ്യ മോഡലിനെക്കുറിച്ച് നിങ്ങൾ അറിയേണ്ട ചില കാര്യങ്ങൾ.

1. ഹാർ‌ടെക്റ്റ് പ്ലാറ്റ്‌ഫോം

ബലേനോ, എർട്ടിഗ, വാഗൺആർ എന്നിവ ഒരുങ്ങുന്ന അതേ പ്ലാറ്റ്‌ഫോമിലാണ് മാരുതി സുസുക്കി എസ്-പ്രസ്സോയും നിർമ്മിച്ചിരിക്കുന്നത്. ഇത് വാഹനത്തിന്റെ ഘടനയെ ശക്തിപ്പെടുത്തുക മാത്രമല്ല പുതിയ ക്രാഷ് ടെസ്റ്റ് മാനദണ്ഡങ്ങൾ പാലിക്കാനും കാറിനെ സഹായിക്കുമെന്ന് കമ്പനി അവകാശപ്പെടുന്നു.

പ്ലാറ്റ്ഫോം ഭാരം കുറഞ്ഞതാണ്, വകഭേദത്തെ ആശ്രയിച്ച് ഏകദേശം 726 - 763 കിലോഗ്രാം വരെയാണ് വാഹനത്തിന്റെ ഭാരം. കാറിന്റെ അടിസ്ഥാന പ്ലാറ്റ്ഫോമിലെ പ്ലാറ്റ്ഫോം ആൾട്ടോയേക്കാൾ അൽപ്പം ഭാരം കുറഞ്ഞതും K10 പതിപ്പിനേക്കാൾ 83 കിലോഗ്രാം കുറവുമാണ്.

2. എസ്‌യുവി രൂപഘടന

എസ്-പ്രസ്സോ മിനി-എസ്‌യുവി വിഭാഗത്തിലാണ് മാരുതി സുസുക്കി വിപണനം ചെയ്യുന്നത്. പുതിയ ശ്രേണിയുടെ ഉദ്ദേശ്യങ്ങൾ വാഹന ം ഉചിതമായി നിറവേറ്റുന്നു.

പുതിയ രൂപകൽപ്പനയുള്ള ഒരു ഉൽ‌പ്പന്നമായി എസ്-പ്രസ്സോ മാരുതി സുസുക്കി നിരയിലേക്ക് പ്രവേശിക്കുന്നു. മിനി എസ്‌യുവി ഇമേജ് നൽകുന്ന ഈ കാറിന് നിവർന്ന A-പില്ലറും കൂടുതൽ ഗ്രൗണ്ട് ക്ലിയറൻസുമുണ്ട്.

വിറ്റാര ബ്രെസ്സയുമായി സാമയമുള്ള മുൻ ഭാഗമാണ്. ക്രോം ടൂത്ത് ഗ്രില്ലും, ചതുരാകൃതിയിലുള്ള ഹെഡ്‌ലാമ്പുകളും ബ്രെസ്സയുമായി സാമ്യതകൾ പങ്കിടുന്നു. വശങ്ങളിൽ വിൻഡോകളെ ഉയർത്തിക്കാട്ടുന്ന തരത്തിലുള്ള ബോഡി ക്ലാഡിംഗ് കമ്പനി ഒഴിവാക്കി.

3. BS-VI എഞ്ചിൻ

67 bhp കരുത്തും 90 Nm torque ഉം ഉത്പാദിപ്പിക്കുന്ന മാരുതി സുസുക്കിയുടെ K10 എഞ്ചിനാണ് എസ്-പ്രസ്സോയുടെ കരുത്ത്. അഞ്ച് സ്പീഡ് മാനുവൽ ഗിയർബോക്സാണ് അടിസ്ഥാനമായി വാഹനത്തിൽ വരുന്നത്.

AMT ഓപ്ഷനും നിർമ്മാതാക്കൾ നൽകുന്നു. ബേസ് പതിപ്പായ Lxi ലിറ്ററിന് 21.4 കിലോമീറ്ററാണ് ARAI-സാക്ഷ്യപ്പെടുന്ന മൈലേജ്, ഉയർന്ന Vxi, Vxi + പതിപ്പുകൾക്ക് 21.7 കിലോമീറ്ററും ലഭിക്കുന്നു.

ആൾട്ടോ K10, സെലെറിയോ എന്നിവയിലെ അതേ എഞ്ചിന്റെ ബിഎസ്-IV പതിപ്പിന് വിപരീതമായി, ബിഎസ് VI പതിപ്പിൽ Vxi, Vxi + പതിപ്പുകളിൽ യഥാക്രമം ലിറ്ററിന് 2.25, 1.4 കിലോമീറ്റർ മൈലേജ് നൽകുന്നു.

4. പുതുക്കിയ ഇന്റീരിയറുകൾ

എസ്-പ്രസ്സോയുടെ ഇന്റീരിയറുകൾ ശ്രേണിയിലെ മറ്റ് മോഡലുകളിൽ നിന്ന് വ്യത്യസ്ഥമായി ആദ്യം മുതൽ തന്നെ രൂപകൽപ്പന ചെയ്തിരിക്കുന്നതാണ്.

ഇൻസ്ട്രുമെന്റ് ക്ലസ്റ്ററും ഇൻഫോടെയ്ൻമെന്റ് സിസ്റ്റവുമാണ് ഡാഷിൽ ആധിപത്യം സ്ഥാപിക്കുന്നത്, മധ്യഭാഗത്ത് ഒരൊറ്റ യൂണിറ്റായി ഇവ സംയോജിപ്പിച്ചിരിക്കുന്നു.

കറുത്ത നിറത്തിൽ ഒരുക്കിയിരിക്കുന്ന വാഹനത്തിന്റെ അകത്തളത്തിൽ ഡാഷ്‌ബോർഡിലും സൈഡ് എസി വെന്റുകളിലും ഓറഞ്ച് ഘടകങ്ങൾ നൽകിയിരിക്കുന്നു.

ആൾട്ടോ K10 ൽ നിന്ന് വ്യത്യസ്തമായി, എസ്-പ്രസ്സോയ്ക്ക് പിന്നിൽ പവർ വിൻഡോകളും കേന്ദ്രീകൃതമായി ഘടിപ്പിച്ച ഇൻസ്ട്രുമെന്റ് ക്ലസ്റ്ററും, മാരുതി സ്മാർട്ട് പ്ലേ സ്റ്റുഡിയോയോടുകൂടിയ ടച്ച്സ്ക്രീൻ സിസ്റ്റം, ഇരട്ട ഫ്രണ്ട് എയർബാഗുകൾ, യുഎസ്ബി, 12 വോൾട്ട് സ്വിച്ച്, സ്റ്റിയറിംഗ് മൗണ്ട്ഡ് കൺട്രോളുകൾ എന്നിവ ലഭിക്കുന്നു.

5. സുരക്ഷാ സവിശേഷതകൾ

ഡ്രൈവർ, കോ-ഡ്രൈവർ സൈഡ് എയർബാഗ്, സ്പീഡ് സെൻസിറ്റീവ് ഓട്ടോ ഡോർ ലോക്ക്, ABS+EBD, സ്പീഡ് അലേർട്ട് സിസ്റ്റം, ഇമോബിലൈസർ, സീറ്റ് ബെൽറ്റ് റിമൈൻഡർ, പിൻ പാർക്കിംഗ് സെൻസറുകൾ.

കൂടാതെ ചൈൽഡ് ഡോർ ലോക്ക്, സെന്റർ ഡോർ ലോക്കിംഗ്, ഫോഴ്‌സ് ലിമിറ്ററുള്ള സീറ്റ് ബെൽറ്റ് പ്രീ-ടെൻഷനർ, ഡോർ അജാർ, ലോ ഫ്യുവൽ അലേർട്ട് എന്നിവ 7.0 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് യൂണിറ്റിൽ പ്രദർശിപ്പിച്ചിരിക്കുന്നു.