2021 കയീന് വലിയ ബാറ്ററി പായ്ക്ക് നൽകി പരിഷ്കരിക്കാനൊരുങ്ങി പോർഷ

എല്ലാ പോർഷ മോഡലുകൾക്കും സമീപഭാവിയിൽ കുറഞ്ഞത് ഒരു ഇലക്ട്രിക് വേരിയന്റെങ്കിലും ഉണ്ടായിരിക്കും. അവയിൽ ഭൂരിഭാഗവും കൂടുതൽ കഴിവുള്ള പ്ലഗ്-ഇൻ ഹൈബ്രിഡുകളായിരിക്കുമെന്ന് പ്രതീക്ഷിക്കുന്നു.

സാധാരണ പെട്രോൾ എഞ്ചിനുകൾക്ക് പിന്തുന നൽകുന്ന മൈൽഡ് ഹൈബ്രിഡ് പതിപ്പുകളെ അപേക്ഷിച്ച് പ്ലഗ്-ഇൻ ഹൈബ്രിഡ് പതിപ്പുകളിൽ ഇലക്ട്രിക് പവർട്രെയിൻ ഒരേസമയം പ്രവർത്തിക്കുകയും വലിയ പങ്ക് വഹിക്കുകയും ചെയ്യുന്നു.

നിർമ്മാതാക്കൾ ഇപ്പോൾ ഈ വൈദ്യുതീകരണ പ്രക്രിയ ആരംഭിച്ചിരിക്കുകയാണ്. 2021 -ൽ പോർഷ ഒരു വലിയ ബാറ്ററി പായ്ക്ക് ഉപയോഗിച്ച് കയീൻ ഹൈബ്രിഡ് അപ്‌ഡേറ്റ് ചെയ്യാനുള്ള ഒരുക്കത്തിലാണ്.

കയീൻ e-ഹൈബ്രിഡ്, ടർബോ S e-ഹൈബ്രിഡ് എന്നിവ 14.1 kwh ശേഷിയുള്ള ബാറ്ററി പായ്ക്കുമായിട്ടാണ് വന്നിരുന്നത്. അവ ഇപ്പോൾ 17.9-kWh ബാറ്ററി പായ്ക്ക് ഉപയോഗിച്ച് നിർമ്മാതാക്കൾ മാറ്റിസ്ഥാപിക്കുന്നു.

പനാമേര ഹൈബ്രിഡിനും ബ്രാൻഡ് ഇതേ അപ്‌ഡേറ്റാണ് നൽകിയിരിക്കുന്നത്. പുതിയ ബാറ്ററി പായ്ക്ക് കയീനിലെ ഡ്രൈവ് ശ്രേണിയും മെച്ചപ്പെടുത്തുമെന്ന് പ്രതീക്ഷിക്കുന്നു.

പോർഷ കയീൻ e-ഹൈബ്രിഡിന് മുമ്പത്തെപ്പോലെ 3.0 ലിറ്റർ ടർബോചാർജ്ഡ് V6 എഞ്ചിൻ ലഭിക്കുന്നു, ടർബോ എസ് വേരിയന്റിന് 4.0 ലിറ്റർ, ട്വിൻ-ടർബോചാർജ്ഡ് V8 യൂണിറ്റും ലഭിക്കും.

രണ്ടിന്റേയും പവർ ഔട്ട്പുട്ടുകൾ യഥാക്രമം 449 bhp, 661 bhp എന്നിങ്ങനെ മാറ്റമില്ലാതെ തുടരും. സ്റ്റാൻഡേർഡ് സ്‌പോർട്ട് ക്രോണോ പാക്കേജും കമ്പനി അപ്‌ഡേറ്റുചെയ്‌തു.

നേരത്തെ, ബാറ്ററി പതുക്കെയായിരുന്നു ചാർജായിരുന്നത്. എന്നാൽ ബാറ്ററി പായ്ക്ക് ഇപ്പോൾ സദാ സമയത്തും പൂർണ്ണമായ വീണ്ടെടുക്കൽ ലഭ്യമാക്കാൻ അനുവദിക്കുന്നു.

രൂപകൽപ്പനയുടെ കാര്യത്തിൽ, 2021 പോർഷ കയീൻ മാറ്റമില്ലാതെ തുടരുന്നു. അതിനാൽ പുതിയമോഡൽ കാണാൻ മുൻമോഡലിന് സമാനമാണ്, ഉള്ളിൽ പോലും സമാന സാമഗ്രികളും, ഫീച്ചറുകളും, സുഖസൗകര്യങ്ങളുമുള്ള പൂർണ്ണമായും പരിചിതമായ ഒരു ക്യാബിനും കാണാനാകും.