മെർസിഡീസ് AMG ശ്രേണിക്ക് വെല്ലുവിളിയായി RS 3 പെർഫോമെൻസ് മോഡലുകൾ അവതരിപ്പിച്ച് ഔഡി

പുതിയ തലമുറ RS 3 മോഡലുകൾ‌ ചില ഡിസൈൻ‌ ട്വീക്കുകൾ‌ക്കൊപ്പം സ്പോർ‌ട്ടിയറായി കാണപ്പെടുന്നു. ഹെഡ്‌ലൈറ്റുകളുമായി ഗ്രില്ലിനെ ബന്ധിപ്പിക്കുന്ന കറുത്ത ഫ്രെയിം കാരണം ഇതിലും വലുതായി കാണപ്പെടുന്ന ഒരൊറ്റ ഫ്രെയിം ഗ്രില്ലാണ് വാഹനത്തിൽ ഇപ്പോൾ ഒരുക്കിയിരിക്കുന്നത്.

ഗ്രില്ലിന്റെ ഇരുവശത്തുമുള്ള എയർ ഇൻ‌ടേക്കുകളും തികച്ചും ഗംഭീരമാണ്. ഔഡി RS 3 -ക്ക് പരന്നതും വെഡ്ജ് ആകൃതിയിലുള്ളതുമായ എൽഇഡി ഹെഡ്‌ലൈറ്റുകളും എൽഇഡി ടെയിൽ ലൈറ്റുകളുമുണ്ട്, അതിൽ സ്റ്റാൻഡേർഡായി ഡൈനാമിക് ഇൻഡിക്കേറ്ററുകൾ ഉൾപ്പെടുന്നു. സ്‌പോർടി 19 ഇഞ്ച് വീലുകളും ഇതിന് ലഭിക്കും.

RS‌ സ്‌പോർട്‌സ് സീറ്റുകളും സ്റ്റിയറിംഗ് വീലുകളും ചേർത്ത് സ്‌പോർട്ടി അപ്പീൽ അകത്തും പ്രതിഫലിക്കുന്നു. RS ഗ്രാഫിക്സിനൊപ്പം 12.3 ഇഞ്ച് ഡിസ്‌പ്ലേയുള്ള വിർച്വൽ കോക്ക്പിറ്റും RS മോണിറ്ററിനൊപ്പം 10.1 ഇഞ്ച് മൾട്ടിമീഡിയ സിസ്റ്റവും വാഹനത്തിന് ലഭിക്കും.

കംഫർട്ട്, ഓട്ടോ, ഡൈനാമിക്, എഫിഷ്യൻസി, RS ഇൻഡിവിഡുവൽ, RS പെർഫോമെൻസ്, RS torque റിയർ എന്നിവ ഉൾപ്പെടെ ആവശ്യമുള്ള ഡ്രൈവിംഗ് മോഡ് തെരഞ്ഞെടുക്കാൻ അനുവദിക്കുന്ന ഒരു നിർദ്ദിഷ്ട RS മോഡ് ബട്ടണും ബ്രാൻഡ് ഒരുക്കിയിട്ടുണ്ട്. അവസാന മൂന്ന് മോഡുകൾ കാറിലെ പുതിയ കൂട്ടിച്ചേർക്കലാണ്.

അഞ്ച് സ്പീഡ് S-ട്രോണിക് ഡബിൾ ക്ലച്ച് ട്രാൻസ്മിഷനുമായി ഇണങ്ങിയ അതേ അഞ്ച് സിലിണ്ടർ 2.5 ലിറ്റർ TFSI എഞ്ചിനാണ് ഔഡി RS 3 -ൽ പ്രവർത്തിക്കുന്നത്.

ഇതിന് 400 bhp കരുത്ത് ഉത്പാദിപ്പിക്കാൻ കഴിയും. അതോടൊപ്പം യൂണിറ്റ് ഇപ്പോൾ 500 Nm പീക്ക് torque സൃഷ്ടിക്കുന്നു, മുൻ തലമുറ മോഡലിനെ അപേക്ഷിച്ച് ഇത് 20 Nm കൂടുതലാണ്.

തൽഫലമായി, പുതിയ ഔഡി RS 3 ഇപ്പോഴും അതിന്റെ മുൻഗാമിയേക്കാൾ മൂന്നിലൊന്ന് സമയത്തിനുള്ളിൽ 100 കിലോമീറ്റർ വേഗതയിലെത്താനാവും. പുതിയ തലമുറ RS 3 -ന് വെറും 3.8 സെക്കൻഡിനുള്ളിൽ പൂജ്യത്തിൽ നിന്ന് 100 കിലോമീറ്റർ വേഗത കൈവരിക്കാൻ കഴിയും.

വാഹനത്തിന്റെ ഉയർന്ന വേഗത മണിക്കൂറിൽ 250 കിലോമീറ്ററായി പരിമിതപ്പെടുത്തിയിരിക്കുന്നു. ഓപ്‌ഷണൽ RS ഡൈനാമിക് പാക്കേജിന്റെ ഉയർന്ന വേഗത മണിക്കൂറിൽ 290 കിലോമീറ്ററാണ്.

ഇത് RS 3 -യെ അതിന്റെ എതിരാളിയായ മെർസിഡീസ് AMG A45 (S) -നേക്കാൾ വേഗത്തിലാക്കുന്നു. മെർസിഡീസിന് 21 bhp കരുത്ത് കൂടുതലാണ് എന്ന വസ്തുത ഉണ്ടായിരുന്നിട്ടും, ഇത് ഇപ്പോഴും 0 മുതൽ 100 ​​വേഗതയുടെ കാര്യത്തിൽ പിന്നിലാണ്.

പുതിയ ഔഡി RS 3 -ക്ക് ഒരു 'RS ടോർക്ക് സ്പ്ലിറ്റർ' ഉണ്ട്, ഇത് പിൻ‌ വീലുകളിലേക്ക്‌ torque വ്യത്യസ്തമായി നൽകാൻ അനുവദിക്കുന്നു. അടുത്ത മാസം യൂറോപ്യൻ വിപണികൾക്കായി ഔഡി പുതിയ തലമുറ RS 3 സ്‌പോർട്ബാക്കും സെഡാനും അവതരിപ്പിക്കുമെന്ന് പ്രതീക്ഷിക്കുന്നു.