പുതുതലമുറ സ്കോഡ ഫാബിയിയുടെ ഇന്റീരിയർ വെളിപ്പെടുത്തി സ്കെച്ചുകൾ പുറത്ത്

പഴയതിനെ അപേക്ഷിച്ച് നെക്സ്റ്റ്-ജെൻ മോഡലിന്റെ ക്യാബിൻ തികച്ചും വ്യത്യസ്തമായി കാണപ്പെടുന്നു, സ്കേല ഹാച്ച്ബാക്കിൽ നിന്നും കാമിക് ക്രോസ്ഓവറിൽ നിന്നും ധാരാളം ഡിസൈൻ പ്രചോദനം വാഹനം ഉൾക്കൊള്ളുന്നു.

വൈഡ് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റവും ടു-സ്‌പോക്ക് സ്റ്റിയറിംഗ് വീലും അടുത്ത തലമുറയിലെ സ്‌കോഡ ഫാബിയയുടെ ക്യാബിൻ വളരെ സ്റ്റൈലിഷ് ആക്കി മാറ്റുന്നു. സെന്റർ കൺസോളിൽ നേർത്ത എസി വെന്റുകളും ക്ലൈമറ്റ് കൺട്രോൾ സ്വിച്ചുകളും ഒരുക്കിയിട്ടുണ്ട്, അതേസമയം സൈഡ് എസി വെന്റുകൾ വൃത്താകൃതിയിലാണ്.

ഗിയർ ലിവർ ഫോക്‌സ്‌വാഗൺ ഗ്രൂപ്പിന്റെ ഏറ്റവും പുതിയ ഷിഫ്റ്റ്-ബൈ-വയർ സെലക്ടറാണെന്ന് തോന്നുന്നില്ല, കൂടാതെ ഹാച്ച്ബാക്കിന് ഇലക്ട്രോണിക് പാർക്കിംഗ് ബ്രേക്കിന് പകരം ഒരു മെക്കാനിക്കൽ ഹാൻഡ്‌ബ്രേക്ക് ലഭിക്കുന്നു.

ഫാബിയയ്‌ക്ക് പൂർണ്ണമായും ഡിജിറ്റൽ ഇൻസ്ട്രുമെന്റ് കൺസോൾ ഓഫർ ഉണ്ടായിരിക്കും, എന്നാൽ ഇത് ഉയർന്ന ട്രിമ്മുകളിൽ മാത്രമാവും, ലോവർ വേരിയന്റുകളിൽ പരമ്പരാഗത അനലോഗ് ഡയലുകൾ മധ്യഭാഗത്ത് ഒരു MID -യുമായി വാഗ്ദാനം ചെയ്യുന്നു.

MQS A0 പ്ലാറ്റ്‌ഫോമിൽ നിർമ്മിച്ച പുതുതലമുറ ഫാബിയയ്ക്ക് 4,107 mm നീളവും 1,780 mm വീതിയും 1,460 mm ഉയരവും 2,564 mm വീൽബേസും ലഭിക്കുന്നു. ഉയരം ഒഴികെ പുതിയ മോഡലിന് പഴയതിനേക്കാൾ വലിയ അളവുകൾ ഉണ്ടാകും. അതുപോലെ, നാലാം-തലമുറ ഫാബിയയുടെ ഇന്റീരിയർ സ്പേസ് ഔട്ട്‌ഗോയിംഗ് മോഡലിനെക്കാൾ മികച്ചതായിരിക്കുമെന്ന് പ്രതീക്ഷിക്കുന്നു.

2021 സ്‌കോഡ ഫാബിയയ്ക്ക് 6.8 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം സ്റ്റാൻഡേർഡായി ലഭിക്കുമെന്നും 9.2 ഇഞ്ച് യൂണിറ്റായി അപ്‌ഗ്രേഡുചെയ്യാമെന്നും നേരത്തെ വെളിപ്പെടുത്തിയിരുന്നു.

ചെറിയ ഹാച്ച്ബാക്ക് ഒമ്പത് എയർബാഗുകൾ വരെ വാഗ്ദാനം ചെയ്യും, ഒപ്പം എല്ലാ പാസഞ്ചർ സീറ്റുകളിലും ISOFIX ചൈൽഡ് സീറ്റ് മൗണ്ടുകളുണ്ട്. 1.0 ലിറ്റർ നാച്ചുറലി ആസ്പിരേറ്റഡ് പെട്രോൾ, 1.0 ലിറ്റർ ടർബോ-പെട്രോൾ, 1.5 ലിറ്റർ ടർബോ-പെട്രോൾ യൂണിറ്റ് എന്നിവ ഉൾപ്പെടെ ഒന്നിലധികം എഞ്ചിൻ ഓപ്ഷനുകൾ ഓഫറിൽ ഉണ്ടാകും.

നാലാം-തലമുറ സ്കോഡ ഫാബിയ ഹാച്ച്ബാക്ക് അടുത്ത മാസം ആഗോളതലത്തിൽ അരങ്ങേറും. ഒരു വാഗൺ പതിപ്പും കമ്പനി സ്ഥിരീകരിച്ചു, പക്ഷേ ഇത് പിന്നീട്, മിക്കവാറും 2023 ന്റെ തുടക്കത്തിൽ എത്തുമെന്ന് പ്രതീക്ഷിക്കുന്നു.

ഇന്ത്യൻ വിപണിയെ സംബന്ധിച്ചിടത്തോളം, ഫാബിയയെ വീണ്ടും ഇവിടെ കൊണ്ടുവരാൻ സ്കോഡയ്ക്ക് പദ്ധതിയില്ല, എന്നാൽ ഇന്ത്യ-നിർദ്ദിഷ്ട മോഡലുകൾ ഇതിനകം തന്നെ കമ്പനിയുടെ പൈപ്പ്ലൈനിലുണ്ട്.