Click it and Unblock the Notifications
ലുക്കിൽ കലിനന് സമം; ടാങ്ക് 800 എസ്യുവി അവതരിപ്പിച്ച് GWM
ഗ്രേറ്റ് വോൾ മോട്ടോർസ് ടാങ്ക് സബ് ബ്രാൻഡിന് കീഴിൽ തങ്ങളുടെ ആഢംബര കാർ ബ്രാൻഡായ വെയ്ക്കായി പുതിയ മുൻനിര മോഡൽ പുറത്തിറക്കി. '800' എന്ന് പേരിട്ടിരിക്കുന്ന ഈ വാഹനം 2021 -ലെ ഷാങ്ഹായ് ഓട്ടോ ഷോയിൽ പ്രൊഡക്ഷൻ പ്രോട്ടോടൈപ്പായി കമ്പനി പ്രദർശിപ്പിച്ചു.
ടാങ്ക് 800 -ന്റെ ബാഹ്യ രൂപകൽപ്പന റോൾസ് റോയ്സ് കലിനനിൽ നിന്ന് പ്രചോദനം ഉൾക്കൊള്ളുന്നു, പ്രത്യേകിച്ചും ഫ്രണ്ട് ഗ്രില്ലും വലിയ ഹെഡ്ലൈറ്റുകളും വാഹനത്തിൽ വരുന്നു.
ടാങ്ക് 800 ബോക്സി സിലൗട്ടിൽ വരുന്ന പൂർണ്ണ വലുപ്പത്തിലുള്ള എസ്യുവിയാണ്. പ്രോട്ടോടൈപ്പിന് പർപ്പിൾ, ഗോൾഡ് പെയിന്റ് സ്കീമാണ് നിർമ്മാതാക്കൾ നൽകിയിരിക്കുന്നത്, അത് വളരെ പ്രീമിയമായി കാണപ്പെടുന്നു.
എസ്യുവിയുടെ പിൻഭാഗത്ത് ടെയിൽഗേറ്റിന്റെ മധ്യഭാഗത്ത് ഒരു 'ടാങ്ക്' ബാഡ്ജ് ഉൾക്കൊള്ളുന്ന ടെയിൽ ഗേറ്റും, സവിശേഷമായ ടൈൽലൈറ്റ് ഡിസൈനുമുണ്ട്. റിയർ ബമ്പർ, മൾട്ടി-സ്പോക്ക് ക്രോം വീലുകൾ, ഇരട്ട എക്സ്ഹോസ്റ്റ് ടിപ്പുകൾ എന്നിവ എസ്യുവിയുടെ സൗന്ദര്യശാസ്ത്രത്തെ കൂടുതൽ മെച്ചപ്പെടുത്തുന്നു.
ഇന്റീരിയറും റോൾസ് റോയ്സിൽ നിന്ന് പ്രചോദനം ഉൾക്കൊള്ളുന്നു; സ്റ്റാർ സ്റ്റഡ്ഡ് റൂഫ് ലൈനർ, ഇലക്ട്രിക് ഡോറുകൾ, ഡോർ കുടകൾ, പ്രൌവസി കർട്ടനുകൾ, യാത്രക്കാർക്ക് ടച്ച്സ്ക്രീൻ ഇൻഫൊർടെയിൻമെന്റ് സംവിധാനം, ഒരു ഷാംപെയിൻ ബാർ, ചാരിയിരിക്കുന്ന പിൻ സീറ്റുകൾ എന്നിവ വാഹനത്തിൽ ലഭ്യമാണ്.
ക്രിസ്റ്റൽ, വുഡ്, തുകൽ, വെൽവെറ്റ് തുടങ്ങിയ വസ്തുക്കളും ക്യാബിൻ ഉപയോഗിക്കുന്നു, ഒപ്പം അലുമിനിയം ഹൈലൈറ്റുകൾക്കൊപ്പം, ആഡംബരത്തിന്റെ ഒരു സ്പർശം നൽകുന്നു.
ടാങ്ക് 800 -ൽ ലെവൽ 3 ഓട്ടോണമസ് ഡ്രൈവിംഗ് കഴിവുകൾ വാഹനം വാഗ്ദാനം ചെയ്യുമെന്ന് GWM വ്യക്തമാക്കിയിട്ടുണ്ട്. ഇതിന് പൂർണ്ണമായ സെൽഫ് ഡ്രൈവിംഗ് സാങ്കേതികത ഉണ്ടായിരിക്കില്ല.
MOST READ: അകത്തും പുറത്തും നിരവധി മാറ്റങ്ങള്; പോളോ ഫെയ്സ്ലിഫ്റ്റിനെ അവതരിപ്പിച്ച് ഫോക്സ്വാഗണ്
പക്ഷേ അഡാപ്റ്റീവ് സസ്പെൻഷൻ പോലുള്ള മറ്റ് പ്രീമിയം സവിശേഷതകൾ ഉണ്ടായിരിക്കും. ടാങ്ക് 800 മാന്യമായ ഓഫ്-റോഡ് കഴിവുകൾ വാഗ്ദാനം ചെയ്യുമെന്ന് ബ്രാൻഡ് അവകാശപ്പെടുന്നു.
ടാങ്ക് 800 -ന്റെ ഹുഡിനടിയിൽ പ്ലഗ്-ഇൻ ഹൈബ്രിഡ് പവർട്രെയിൻ, ഗ്യാസോലിൻ പവർ വിഭാഗത്തിൽ 3.0 ലിറ്റർ V6 എഞ്ചിൻ അടങ്ങിയിരിക്കുന്നു. 354 bhp കരുത്ത് പുറപ്പെടുവിക്കുന്ന എഞ്ചിന്റെ ട്രാൻസ്മിഷൻ ഡ്യൂട്ടികൾ ഒമ്പത് സ്പീഡ് ഓട്ടോമാറ്റിക് ഗിയർബോക്സ് കൈകാര്യം ചെയ്യുന്നു, ഇത് നാല് വീലുകളിലേക്കും പവർ അയയ്ക്കുന്നു.
MOST READ: ജിംനി 5-ഡോര് മോഡലിന്റെ അവതരണം ഈ വര്ഷം; കൂടുതല് വിവരങ്ങള് വെളിപ്പെടുത്തി സുസുക്കി
ടാങ്ക് 800 -ന്റെ അന്തിമ ഉൽപാദന പതിപ്പ് അടുത്ത വർഷം ചൈനീസ് വിപണിയിൽ വിൽപനയ്ക്കെത്തുമെന്ന് പ്രതീക്ഷിക്കുന്നു. നിർമ്മാതാക്കൾ ഒരു ആഗോള ലോഞ്ചിനെക്കുറിച്ച് ഒന്നും പരാമർശിച്ചിട്ടില്ല, റോൾസ് റോയ്സ് കലിനനെ പോലെ ചൈനയ്ക്ക് പുറത്തുള്ള വിപണികളിൽ സമാരംഭിക്കാൻ സാധ്യതയില്ല.
Continue with Google