വീണ്ടും ICOTY കിരീടം കരസ്ഥമാക്കി ഹ്യുണ്ടായി i20

2020 നവംബർ 5 -ന് വിപണിയിലെത്തിയതിനുശേഷം പുതിയ i20 ഹ്യുണ്ടായി മോട്ടോറിന്റെ ഇന്ത്യയിൽ ഏറ്റവുമധികം വിറ്റഴിക്കപ്പെടുന്ന വാഹനങ്ങളിലൊന്നായി മാറിയിരുന്നു.

പ്രീമിയം ഹാച്ച്ബാക്ക് വാഹന നിർമാതാക്കളുടെ 'സെൻസസ് സ്പോർട്ടിനെസ്' ആഗോള ഡിസൈൻ ശൈലിയെ അടിസ്ഥാനമാക്കിയുള്ളതാണ്, കൂടാതെ സെഗ്മെന്റ്-ഫസ്റ്റ്, സെഗ്മെന്റ്-ബെസ്റ്റ് സവിശേഷതകളുടെ ബാഹുല്യവും ഇതിൽ വരുന്നു.

MOST READ: ഒരുങ്ങുന്നത് പുതിയ തന്ത്രങ്ങൾ; XC40, S60 മോഡലുകളുടെ പ്രാദേശിക അസംബ്ലി ആരംഭിക്കാൻ വേൾവോ

എൽ‌ഇഡി ഡി‌ആർ‌എല്ലുകളുള്ള പ്രൊജക്ടർ ഹെഡ്‌ലാമ്പുകൾ കൊണ്ട് ചുറ്റപ്പെട്ട ഒരു പാരാമെട്രിക് ജുവൽ പാറ്റേൺ ഗ്രില്ല് പുതിയ ഹ്യുണ്ടായി i20 സവിശേഷതയാണ്. മുൻവശത്ത് എയർ കർട്ടനുകളുള്ള പ്രൊജക്ടർ ഫോഗ് ലാമ്പുകളുമുണ്ട്.

പിൻഭാഗത്ത്, i20 ലോഗോയും Z ആകൃതിയിലുള്ള എൽഇഡി ടെയിൽ ലാമ്പുകളും കാണാം. ഷാർക്ക് ഫിൻ ആന്റിന, 16 ഇഞ്ച് ഡയമണ്ട് കട്ട് അലോയി വീലുകൾ എന്നിവയും വാഹനത്തിൽ ലഭ്യമാണ്.

MOST READ: സണ്‍റൂഫും, സ്റ്റാര്‍ട്ട് / സ്റ്റോപ്പ് ബട്ടണും; മഹീന്ദ്ര സ്‌കോര്‍പിയോ ഒരുങ്ങുന്നത് കൈ നിറയെ ഫീച്ചറുകളുമായി

പുതിയ i20 -യുടെ ക്യാബിനകത്ത്, 10.25 ഇഞ്ച് HD ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, ഓട്ടോമാറ്റിക് ക്ലൈമറ്റ് കൺട്രോൾ, മൾട്ടിഫംഗ്ഷൻ സ്റ്റിയറിംഗ് വീൽ, ബ്ലൂ ആംബിയന്റ് ലൈറ്റിംഗ്, ഇലക്ട്രിക് സൺറൂഫ് എന്നിവ പോലുള്ള ഘടകങ്ങളും കാണാം.

പുതിയ ഹ്യുണ്ടായി i20 ലെ സെഗ്മെന്റ്-ബെസ്റ്റ് സവിശേഷതകളിൽ TFT MID -യുള്ള ഡിജിറ്റൽ ക്ലസ്റ്റർ, ബോസ് സെവൻ സ്പീക്കർ സൗണ്ട് സിസ്റ്റം, കൂളിംഗ് പാഡുള്ള വയർലെസ് ചാർജർ, സ്ലൈഡിംഗ് ഫ്രണ്ട് ആംറെസ്റ്റ് എന്നിവ ഉൾപ്പെടുന്നു.

MOST READ: ഒറ്റ ചാർജിൽ 375 കിലോമീറ്റർ ശ്രേണി; മഹീന്ദ്ര eXUV300 ഇലക്‌ട്രിക്കിന്റെ കൂടുതൽ വിവരങ്ങൾ പുറത്ത്

സെഗ്‌മെന്റിന്റെ ആദ്യ സവിശേഷതകളിൽ മൾട്ടി-ഫോൺ ബ്ലൂടൂത്ത് കണക്റ്റിവിറ്റി, ഓക്‌സിബൂസ്റ്റ് ഓക്സിജനും AQI -യുമുള്ള എയർ പ്യൂരിഫയർ, ഇക്കോ കോട്ടിംഗ്, iMT, OTA മാപ്പ് അപ്‌ഡേറ്റുകൾ, ഹിൽ അസിസ്റ്റ് കൺട്രോൾ, എമർജൻസി സ്റ്റോപ്പ് സിഗ്നൽ, TPMS എന്നിവയും വരുന്നു.

പ്രീമിയം ഹാച്ച്ബാക്കിലെ ബ്ലൂലിങ്ക് കണക്റ്റിവിറ്റി സാങ്കേതികവിദ്യ 50 സവിശേഷതകൾ വാഗ്ദാനം ചെയ്യുന്നു.

MOST READ: കാത്തിരിപ്പിന് വിരാമം; കൈഗർ കോംപാക്ട് എസ്‌യുവിയുടെ ഡെലിവറികൾ മാർച്ച് 3 -ന് ആരംഭിക്കുമെന്ന് റെനോ

അഞ്ച് സ്പീഡ് മാനുവൽ അല്ലെങ്കിൽ IVT ഓട്ടോമാറ്റിക്കുള്ള 1.2 ലിറ്റർ കാപ്പ പെട്രോൾ എഞ്ചിൻ (83 bhp / 88 bhp, 115 Nm), ആറ്- സ്പീഡ് iMT അല്ലെങ്കിൽ ഏഴ്-സ്പീഡ് DCT ഓട്ടോമാറ്റിക് ട്രാൻസ്മിഷനുള്ള 1.0 ലിറ്റർ കപ്പ ടർബോ-GD പെട്രോൾ മോട്ടോർ (120 bhp, 172 Nm), ആറ്-സ്പീഡ് മാനുവൽ ഗിയർബോക്സുമായി വരുന്ന 1.5 ലിറ്റർ U2 CRDi ഡീസൽ യൂണിറ്റ് (100 bhp, 240 Nm) എന്നിങ്ങനെ മൂന്ന് എഞ്ചിൻ ഓപ്ഷനുകളാണ് വരുന്നത്.

പുതിയ ഹ്യുണ്ടായി i20 മാഗ്ന, സ്‌പോർട്‌സ്, അസ്ത, അസ്ത (O) എന്നീ നാല് വേരിയന്റുകളിൽ ലഭ്യമാണ്. 6.80 ലക്ഷം മുതൽ 11.33 ലക്ഷം രൂപ വരെയാണ് ഇതിന്റെ എക്സ്‌-ഷോറൂം വില.

മാരുതി സുസുക്കി ബലേനോ, ടാറ്റ ആൾട്രോസ്, ടൊയോട്ട ഗ്ലാൻസ, ഫോക്‌സ്‌വാഗണ്‍ പോളോ, ഹോണ്ട ജാസ് ലൈവ് എന്നിവയാണ് i20 -യുടെ എതിരാളികൾ.