അരങ്ങേറ്റത്തിന് മുന്നോടിയായി സ്റ്റാരിയ എംപിവിയുടെ ഇന്റീരിയർ ഫീച്ചറുകൾ പങ്കുവെച്ച് ഹ്യുണ്ടായി

കഴിഞ്ഞ കുറച്ച് ദിവസങ്ങളായി ദക്ഷിണ കൊറിയൻ നിർമ്മാതാക്കൾ സ്റ്റാരക്സ് എംപിവിയുടെ പിൻമുറക്കാരനായി വാഹനത്തിന്റെ നിരവധി ടീസറുകൾ പങ്കുവെച്ചിരുന്നു.

ക്രൂയിസ് കപ്പലിന്റെ ലോഞ്ചിൽ നിന്ന് പ്രചോദനമേറ്റ ഇന്റീരിയറാണ് സ്റ്റാരിയയിൽ എന്ന് ഹ്യുണ്ടായി നേരത്തെ പറഞ്ഞിരുന്നു. ഹ്യുണ്ടായി പുറത്തിറക്കിയ ഏറ്റവും പുതിയ ടീസർ വീഡിയോയിൽ, കമ്പനി എന്താണ് ഉദ്ദേശിച്ചതെന്ന് വ്യക്തമാക്കുന്നു.

നേരത്തെ വാഗ്ദാനം ചെയ്തതുപോലെ, എം‌പി‌വി ഉള്ളിൽ വളരെ വിശാലമായി കാണപ്പെടുന്നു, കൂടാതെ മികച്ച സീറ്റിംഗ് ക്രമീകരണവുമുണ്ട്.

ഒന്നാമതായി, വലിയ പനോരമിക് വിൻ‌ഡോകൾ‌ ചുറ്റുപാടുകളുടെ വിശാലമായ കാഴ്ച പ്രദാനം ചെയ്യുന്നു, അത് ഉൾവശത്ത് വെളിച്ചവും വായു സഞ്ചാരവും വർധിപ്പിക്കാൻ സഹായിക്കുന്നു.

എന്നാൽ ഹ്യുണ്ടായി യഥാർത്ഥത്തിൽ ഉദ്ദേശിച്ചത് 'സ്ഥലത്തിന്റെ പുതിയ മാനം' യഥാർത്ഥത്തിൽ മധ്യ നിരയിലെ സീറ്റുകളുടെ ക്രമീകരണമാണ്.

വീഡിയോയിൽ കാണുന്നത് പോലെ, സ്റ്റാരിയ ആഡംബര എം‌പിവിക്ക് റെക്ലിനർ കൗച്ചുകൾ പോലെയുള്ള ക്യാപ്റ്റൻ സീറ്റുകൾ പിന്നിൽ നൽകാൻ ഒരുങ്ങുന്നു.

പരമ്പരാഗതമായി മൂന്ന് നിരകളിലായി സീറ്റുകൾ വിഭജിക്കുന്നതിനുപകരം, പരസ്പരം അഭിമുഖീകരിക്കുന്ന തരത്തിൽ സീറ്റുകൾ ക്രമീകരിക്കാൻ ഹ്യുണ്ടായി തീരുമാനിച്ചു.

സഹയാത്രികരുമായി കൂടുതൽ അകലം പാലിക്കാനും ഒപ്പം കൂടുതൽ ലെഗ് റൂമുകൾ നൽകാനും ക്യാബിനകത്ത് സ്പെയിസ് വർദ്ധിപ്പിക്കുന്നതിനും ഇത് അനുവദിക്കുന്നു.

പിൻസീറ്റുകളും തികച്ചും പരന്നതാണ്, സ്റ്റാരിയയ്‌ക്കൊപ്പം ക്യാമ്പിംഗ് നടത്താൻ തീരുമാനിച്ചാൽ സീറ്റുകളിൽ കുറഞ്ഞത് രണ്ടെണ്ണമെങ്കിലും മതിയായ വലിയ കിടക്കയാക്കി മാറ്റാം.

കോക്ക്പിറ്റ്, ഫ്ലോർ ഏരിയ, അകത്തെ പാനലുകൾ എന്നിവ കവർ ചെയ്യാൻ കഴിയുന്ന 64 വ്യത്യസ്ത കളർ ഓപ്ഷനുകളുള്ള ആംബിയന്റ് ലൈറ്റിംഗും ഹ്യുണ്ടായി ചേർത്തു. വാണിജ്യ വാഹനമായി ഉപയോഗിക്കുകയാണെങ്കിൽ, ആവശ്യമെങ്കിൽ ഈ മുഴുവൻ സീറ്റ് ഏരിയയും ഒരു വലിയ ഗുഡ്സ് മേഖലയാക്കി മാറ്റാം.

കൊറിയൻ പരമ്പരാഗത ആർക്കിടെക്ച്ചറായ ഹാനോക്കിനാൽ പ്രചോദനം ഉൾക്കൊണ്ടാണ് സ്റ്റാരിയ എംപിവിയുടെ ഇന്റീരിയറെന്ന് ഹ്യുണ്ടായി പറയുന്നു. പൂർണ്ണമായും ഡിജിറ്റൽ കോക്ക്പിറ്റിന്റെ ആധിപത്യമുള്ള പ്ലഷ് ക്യാബിനും ഇന്റീരിയറിൽ എടുത്തുകാണിക്കുന്നു.

മുൻവശത്ത് 10.25 ഇഞ്ച് ഡിസ്‌പ്ലേയും ടച്ച് ഫംഗ്ഷനോടുകൂടിയ സെന്റർ കൺസോളും വാഹനത്തിലുണ്ട്. ഡിജിറ്റൽ ഇൻസ്ട്രുമെന്റ് ക്ലസ്റ്റർ ഡാഷ്‌ബോർഡിന് മുകളിൽ സ്ഥാപിച്ചിരിക്കുന്നു.