പ്രതാപകാലം തിരിച്ചുപിടിക്കാൻ പുതിയ അവതാരത്തിൽ ജീപ്പ് കോമ്പസ്; വില 16.99 ലക്ഷം രൂപ

എസ്‌യുവിയുടെ വിലകൾ 16.99 ലക്ഷം രൂപയിൽ നിന്ന് ആരംഭിച്ച് 24.49 ലക്ഷം രൂപ വരെ എത്തുന്നു. പുതിയ മോഡൽ S വേരിയനറ് ആഗോളതലത്തിൽ കോമ്പസിനൊപ്പം ഓഫർ ചെയ്യുന്ന ഏറ്റവും ഉയർന്ന വേരിയന്റാണെന്ന് ജീപ്പ് പറയുന്നു.

എക്സോട്ടിക് റെഡ്, മഗ്നീഷിയോ ഗ്രേ, മിനിമൽ ഗ്രേ, ബ്രൈറ്റ് വൈറ്റ്, ബ്രില്യന്റ് ബ്ലാക്ക്, ഗാലക്സി ബ്ലൂ, ഒരു പുതിയ ടെക്നോ ഗ്രീൻ ഷേഡ് എന്നിങ്ങനെ ഏഴ് കളർ ഓപ്ഷനുകൾക്കൊപ്പം പുതിയ കോമ്പസ് വിപണിയിലെത്തും.

ബേസ് കോമ്പസ് സ്‌പോർട്ട് വേരിയന്റിന് എൽഇഡി റിഫ്ലക്ടർ ഹെഡ്‌ലാമ്പുകൾ, ഒരു ഷാർക്ക് ഫിൻ ആന്റിന, റിയർ വൈപ്പർ, ഡിഫോഗർ, ഇലക്ട്രിക്കലി ക്രമീകരിക്കാവുന്ന ORVM- കൾ, 17 ഇഞ്ച് അലോയി വീലുകൾ എന്നിവ ലഭിക്കും.

കൂടാതെ ബ്ലാക്ക് ഫാബ്രിക് സീറ്റിംഗ്, U-കണക്റ്റിനൊപ്പം പുതിയ 8.4 ഇഞ്ച് ടച്ച്‌സ്‌ക്രീൻ ഡിസ്‌പ്ലേ, ആൻഡ്രോയിഡ് ഓട്ടോ, ആപ്പിൾ കാർപ്ലേ, 3.5 ഇഞ്ച് MID യൂണിറ്റ്, നാല് സ്പീക്കറുകൾ എന്നിവ ഉൾക്കൊള്ളുന്ന ഇന്റീരിയറുകളും കാണാനാകും.

ഇന്റീരിയർ അപ്‌ഡേറ്റുകളിൽ നാല് പവർ വിൻഡോകളും ഓട്ടോ സ്റ്റാർട്ട് / സ്റ്റോപ്പ് ബട്ടണും കമ്പനി ഒരുക്കുന്നു. മൊത്തം രണ്ട് എയർബാഗുകൾ, റിയർ പാർക്കിംഗ് ക്യാമറ, ഓട്ടോ ഇലക്ട്രിക് പാർക്കിംഗ് ബ്രേക്കുകൾ, റോൾ ഓവർ ലഘൂകരണം, നാല് ചാനൽ ABS ഉള്ള നാല് ഡിസ്ക് ബ്രേക്കുകൾ എന്നിവയിലൂടെ സുരക്ഷ മെച്ചപ്പെടുത്തുന്നു.

ബേസ് ട്രിമിൽ നിന്ന് മുകളിലേക്ക് വാഗ്ദാനം ചെയ്യുന്ന സുരക്ഷാ ഉപകരണങ്ങളിൽ ഹൈഡ്രോളിക് ബൂസ്റ്റ് ഫേലിയർ കോമ്പൻസേഷൻ, ഡൈനാമിക് സ്റ്റിയറിംഗ് torque, ട്രാക്ഷൻ കൺട്രോൾ, ഫ്രീക്വൻസി സെലക്ടീവ് ഡാംപനിംഗ്, ഹിൽ സ്റ്റാർട്ട് അസിസ്റ്റ് എന്നിവ ഉൾപ്പെടും.

കോമ്പസ് ഫെയ്‌സ്‌ലിഫ്റ്റിന്റെ ലോഞ്ചിറ്റ്യൂഡ് വേരിയന്റിൽ സ്‌പോർട്‌സ് വേരിയന്റിലെ സവിശേഷതകൾക്കൊപ്പം റൂഫ് റെയിലുകൾ, ഇലക്ട്രിക്കലി ഫോൾഡിംഗ് ORVM, എൽഇഡി ഫോഗ് ലാമ്പുകൾ എന്നിവ കാണാം. 7.0 ഇഞ്ച് TFT ഇൻസ്ട്രുമെന്റ് ക്ലസ്റ്ററും ആറ് സ്പീക്കറുകളുമുള്ള അധിക ഉപകരണങ്ങളും ഇതിന്റെ ഇന്റീരിയറിൽ വരുന്നു.

ജീപ്പ് കോമ്പസ് ലിമിറ്റഡ് വേരിയന്റിലെ ഫീച്ചർ ലിസ്റ്റിൽ ഓട്ടോ ഹെഡ്‌ലാമ്പുകൾ, ഇലക്ട്രോ-ക്രോമാറ്റിക് മിറർ, ഓട്ടോ ഫോൾഡബിൾ ORVM, റെയിൻ സെൻസിംഗ് വൈപ്പർ, എൽഇഡി ടെയിൽ ലാമ്പുകൾ, ഫ്രണ്ട് സ്‌കിഡ് പ്ലേറ്റുകൾ എന്നിവയും 18 ഇഞ്ച് അലോയി വീലുകളുമുണ്ട്.

മെമ്മറി ഫംഗ്ഷനോടുകൂടിയ 12 തരത്തിൽ പവർ അഡ്ജസ്റ്റ് ചെയ്യാവുന്ന ഡ്രൈവർ സീറ്റ്, മക്കെൻസ് ലെതർ അപ്ഹോൾസ്റ്ററി, ആറ് എയർബാഗുകൾ എന്നിവ ഇന്റീരിയറിൽ ഒരുക്കിയിരിക്കുന്നു.

ലിമിറ്റഡ് (O) വേരിയന്റിന് ഡ്യുവൽ പനോരമിക് സൺറൂഫ്, ഒരു പവർഡ് ടെയിൽ‌ഗേറ്റ്, ഫീച്ചർ ഓപ്ഷനുകളിൽ U-കണക്റ്റുള്ള 10.1 ഇഞ്ച് സ്‌ക്രീൻ എന്നിവ ലഭിക്കുന്നു.

ടോപ്പ് സ്പെക്ക് ജീപ്പ് കോമ്പസ് മോഡൽ S വേരിയന്റ് പ്രത്യേക സവിശേഷതകളും സുരക്ഷാ ഉപകരണങ്ങളും കൊണ്ട് സജ്ജീകരിച്ചിരിക്കുന്നു.

ഇതിന് ടയർ പ്രഷർ മോണിറ്ററിംഗ് സിസ്റ്റം ലഭിക്കുന്നു - TPMS, ആംബിയന്റ് ഫുട്ട് ലൈറ്റുകൾ, പവർഡ് ടെയിൽഗേറ്റ്, റിഫ്ലക്ടറുകളുള്ള എൽഇഡി പ്രൊജക്ടർ ഹെഡ്‌ലാമ്പുകളും മോഡലിൽ വരുന്നു.

ആൽപൈൻ ഒമ്പത് സ്പീക്കർ സൗണ്ട് സിസ്റ്റം, 360 ഡിഗ്രി ക്യാമറ, വെന്റിലേറ്റഡ് ഫ്രണ്ട് സീറ്റുകൾ, വയർലെസ് ചാർജിംഗ്, 10.25 ഇഞ്ച് MID ക്ലസ്റ്റർ എന്നിവയും ഇതിലുണ്ട്

ബ്ലാക്ക് ലെതർ അപ്ഹോൾസ്റ്ററി, ഫ്രണ്ട് പാസഞ്ചർ പവർ സീറ്റ് എന്നിവയും ലോവർ വേരിയന്റുകളെക്കാളുപരിയായി ലഭിക്കുന്ന ഇന്റീരിയർ അപ്‌ഡേറ്റുകളുടെ ഭാഗമാണ്.

2021 ജീപ്പ് കോമ്പസ് ഫെയ്‌സ്‌ലിഫ്റ്റിന്റെ എഞ്ചിൻ നിരയിൽ ഒരു മാറ്റവും കാണില്ല. 1.3 ലിറ്റർ ടർബോ പെട്രോൾ എഞ്ചിൻ 163 bhp കരുത്തും 250 Nm torque ഉം ഉത്പാദിപ്പിക്കുമ്പോൾ, 2.0 ലിറ്റർ ഡീസൽ എഞ്ചിൻ 173 bhp കരുത്തും 350 Nm torque ഉം പുറപ്പെടുവിക്കുന്നു. മാനുവൽ, ഓട്ടോമാറ്റിക് എന്നിവ ട്രാൻസ്മിഷൻ ഓപ്ഷനുകളിൽ ഉൾപ്പെടുന്നു.