കൊവിഡ് പ്രതിസന്ധി; രണ്ടാം തലമുറ ജീപ്പ് റെനെഗേഡിന്റെ അവതരണം വൈകും

ഏഴ് സീറ്റർ എസ്‌യുവിയെ പുതിയ ജീപ്പ് കമാൻഡർ എന്ന് വിളിച്ചേക്കാം എന്നതായി അഭ്യൂഹമുണ്ട്. 2021 -ന്റെ രണ്ടാം പകുതിയിൽ ഇത് ആഗോളതലത്തിൽ അരങ്ങേറ്റം കുറിക്കും. ജീപ്പ് 516 എന്ന രഹസ്യനാമമുള്ള സബ് -ഫോർ മീറ്റർ എസ്‌യുവി 2022 -ൽ വിപണിയിൽ എത്തും.

ജീപ്പ് തങ്ങളുടെ ലൈനപ്പ് 2024 ഓടെ പൂർണ്ണമായും നവീകരിക്കും, അതിനർത്ഥം പഴയ മോഡലുകൾക്ക് അടുത്ത രണ്ട് വർഷത്തിനുള്ളിൽ പുതിയ തലമുറകൾ ലഭിക്കും എന്നതാണ്.

അമേരിക്കൻ വാഹന നിർമാതാക്കൾ 2023 -ഓടെ രണ്ടാം തലമുറ റെനെഗേഡ് എസ്‌യുവിയും അവതരിപ്പിക്കും. ജീപ്പ് 2015 -ൽ റെനെഗേഡ് നെയിംപ്ലേറ്റ് അവതരിപ്പിച്ചിരുന്നു. 2018 -ൽ എസ്‌യുവിക്ക് ഫെയ്‌സ്‌ലിഫ്റ്റ് ലഭിച്ചു, എന്നാൽ ഇത് ഇതിനകം ആറ് വർഷം പഴക്കമുള്ളതാണ്.

കൊവിഡ്-19 മഹാമാരി ജീപ്പിന്റെ പുതിയ ഉൽപ്പന്നങ്ങളുടെ വെളിപ്പെടുത്തൽ ആറ് മാസം വരെ നീട്ടിയിരിക്കുകയാണ്. രണ്ടാം തലമുറ റെനെഗേഡ് 2022 -ൽ അവതരിപ്പിക്കാൻ കമ്പനി പദ്ധതിയിട്ടിരുന്നു.

എന്നിരുന്നാലും, പുതിയ മോഡലിന് 2023 -ൽ മാത്രമേ എത്താൻ കഴിയൂ എന്ന് കുറച്ച് അന്താരാഷ്ട്ര മാധ്യമങ്ങൾ റിപ്പോർട്ട് ചെയ്യുന്നു. അടുത്ത തലമുറ ജീപ്പ് റെനെഗേഡ് നിലവിലുള്ള സ്മോൾ വൈഡ് 4×4 പ്ലാറ്റ്ഫോം നിലനിർത്തും, ഇത് ജീപ്പ് കോമ്പസിനും അടിവരയിടുന്നു.

മികച്ച പ്രകടനവും ഓഫ്-റോഡ് കഴിവുകളും വാഗ്ദാനം ചെയ്യുന്നതിനായി ജീപ്പ് എഞ്ചിനീയർമാർ പ്ലാറ്റ്ഫോമിൽ മാറ്റങ്ങൾ വരുത്തും. വരാനിരിക്കുന്ന ജീപ്പ് ഏഴ് സീറ്റർ എസ്‌യുവിയിലാണ് പ്ലാറ്റ്ഫോം ആദ്യമായി അരങ്ങേറുന്നത്.

പുതിയ റിപ്പോർട്ടുകൾ ജീപ്പ് റെനെഗേഡും ഇന്ത്യൻ വിപണിയിലേക്കുള്ള പരിഗണനയിലാണെന്ന് സൂചിപ്പിക്കുന്നു, അതേസമയം, ജീപ്പ് ഇതുവരെയും ഔദ്യോഗിക പ്രഖ്യാപനം ഒന്നും നടത്തിയിട്ടില്ല.

2.0 ലിറ്റർ ടർബോചാർജ്ഡ് ഡീസൽ എഞ്ചിൻ, 1.6 ലിറ്റർ MJD ഡീസൽ, 1.3 ലിറ്റർ ടർബോചാർജ്ഡ് പെട്രോൾ എഞ്ചിൻ എന്നിങ്ങനെ മൂന്ന് എഞ്ചിൻ ഓപ്ഷനുകളിലാണ് രണ്ടാം തലമുറ ജീപ്പ് റെനെഗേഡ് വാഗ്ദാനം ചെയ്യുന്നത്.

മാനുവൽ, ഓട്ടോമാറ്റിക് പതിപ്പുകൾ ബ്രാൻഡ് ഓഫർ ചെയ്യും. പുതിയ മോഡലിന് പ്ലഗ്-ഇൻ ഹൈബ്രിഡ്, ഇലക്ട്രിക് പവർട്രിയൻ ഓപ്ഷനുകളും ലഭിക്കും.