Seltos X-Line പതിപ്പിനെ വില്‍പ്പനയ്ക്ക് എത്തിച്ച് Kia; വില 17.79 ലക്ഷം രൂപ

വൈകാതെ വിപണിയില്‍ വില്‍പ്പനയ്ക്ക് എത്തിക്കുമെന്നും കമ്പനി അറിയിച്ചിരുന്നു. ഇപ്പോഴിതാ Seltos X-Line വേരിയന്റിന്റെ വില ഔദ്യോഗികമായി പ്രഖ്യാപിച്ച് മോഡലിനെ വില്‍പ്പനയ്ക്ക് എത്തിച്ചിരിക്കുകയാണ് Kia.

17.79 ലക്ഷം രൂപ എക്‌സ്‌ഷോറൂം വിലയ്ക്കാണ് മോഡലിനെ കമ്പനി വില്‍പ്പനയ്ക്ക് എത്തിച്ചിരിക്കുന്നത്. ഏറ്റവും മികച്ച ശ്രേണിയിലുള്ള Seltos X-Line വേരിയന്റ് പതിവ് മോഡലില്‍ നിന്ന് വ്യത്യസ്തമാകുന്നതിനായി നിരവധി വിഷ്വല്‍ അപ്ഡേറ്റുകളാണ് കമ്പനി ഒരുക്കിയിരിക്കുന്നത്.

കോസ്‌മെറ്റിക് മാറ്റങ്ങള്‍ വരുത്തി എന്നതൊഴിച്ചാല്‍, ഡിസൈനിലോ, പെര്‍ഫോമെന്‍സിലേ കമ്പനി മാറ്റങ്ങളൊന്നും വരുത്തിയിട്ടില്ല. 2019 -ല്‍ നടന്ന ലോസ് ഏഞ്ചല്‍സ് ഓട്ടോ ഷോയിലാണ് Seltos X-Line വേരിയന്റിനെ Kia ആഗോളതലത്തില്‍ അവതരിപ്പിക്കുന്നത്.

ഇന്ത്യ-നിര്‍ദ്ദിഷ്ട പതിപ്പ് 2020 ഓട്ടോ എക്‌സ്‌പോയിലും കമ്പനി പ്രദര്‍ശിപ്പിച്ചു. പ്രൊഡക്ഷന്‍ പതിപ്പ് പുതിയ ഗ്രാഫൈറ്റ് മാറ്റ് എക്സ്റ്റീരിയര്‍ കളര്‍ ഓപ്ഷനുകള്‍ അലങ്കരിക്കുകയും ശ്രദ്ധേയമായ ഓറഞ്ച് ആക്‌സന്റുകളും തിളങ്ങുന്ന ബ്ലാക്ക് ഇന്‍സേര്‍ട്ടുകള്‍കൊണ്ട് മനോഹരമാക്കുകയും ചെയ്തുവെന്ന് വേണം പറയാന്‍.

Kia Seltos X-Line -ന്റെ മുന്‍ഭാഗത്ത്, ഗ്രില്‍ ഏരിയയിലും മുന്നിലും പിന്നിലുമുള്ള സ്‌കിഡ് പ്ലേറ്റുകളിലും ഫോഗ് ലാമ്പ് ഹൗസിങ്ങുകളിലും തിളങ്ങുന്ന ബ്ലാക്ക് ഹൈലൈറ്റുകള്‍ കാണാന്‍ സാധിക്കും. പിന്‍ഭാഗത്ത് ബ്ലാക്ക് നിറമുള്ള ടെയില്‍ഗേറ്റ് അലങ്കാരം, X-Line ബാഡ്ജിംഗ്, ബ്ലാക്ക്, ഓറഞ്ച് നിറങ്ങളില്‍ ബമ്പറില്‍ പുതിയ ഇന്‍സേര്‍ട്ടുകള്‍ എന്നിവയും ലഭ്യമാക്കിയിട്ടുണ്ട്.

Kia Seltos X-Line-ന്റെ മറ്റൊരു പ്രത്യേകത, ക്രിസ്റ്റല്‍ കട്ട് ഡിസൈനിനൊപ്പം പുതുതായി രൂപകല്‍പ്പന ചെയ്ത 18 ഇഞ്ച് അലോയ് വീലുകളാണ്. ഇതിന് ഓറഞ്ച് ആക്‌സന്റുകളും അതുല്യമായ ഗ്രാഫൈറ്റ് ഫിനിഷും ഉണ്ട്.

വിഷ്വല്‍ മെച്ചപ്പെടുത്തലുകളുടെ ആതിഥേയത്വം ഉണ്ടായിരുന്നിട്ടും, ഇന്റീരിയറിന് ബ്രൗണ്‍ നിറത്തിലുള്ള തുന്നലും ഹണികോമ്പ് പാറ്റേണും ഉള്ള പുതിയ ഇന്‍ഡിഗോ പെരാ ലെതര്‍ സീറ്റുകള്‍ മാത്രമേ ലഭിക്കൂ.

ബോണറ്റിന് കീഴില്‍, Seltos X-Line -ല്‍ 1.4 ലിറ്റര്‍ ടര്‍ബോ പെട്രോള്‍ എഞ്ചിനും 1.5 ലിറ്റര്‍ ഫോര്‍ സിലിണ്ടര്‍ ഡീസല്‍ എഞ്ചിനുമാണ് കമ്പനി വാഗ്ദാനം ചെയ്യുന്നത്. 1.4 ലിറ്റര്‍ യൂണിറ്റ് 140 bhp പരമാവധി കരുത്തും 242 Nm പരമാവധി ടോര്‍ക്കും ഉല്‍പ്പാദിപ്പിക്കാന്‍ പര്യാപ്തമാണ്.

അതേസമയം 1.5 ലിറ്റര്‍ യൂണിറ്റ് 115 bhp കരുത്തും 250 Nm torque ഉം സൃഷ്ടിക്കും. പുതിയ വേരിയന്റിന്റെ ഗിയര്‍ ബോക്‌സ് ഓപ്ഷനുകളില്‍ ഏഴ് സ്പീഡ് DCT, ഡീസല്‍, ആറ് സ്പീഡ് ടോര്‍ക്ക് കണ്‍വെര്‍ട്ടര്‍ ഓട്ടോ എന്നിവ മാത്രമേ വില്‍പ്പനയ്ക്ക് എത്തുകയുള്ളു.

2019-ല്‍ Kia-യില്‍ നിന്നുള്ള ആദ്യ ഉല്‍പന്നമായിരുന്നു Seltos രാജ്യത്ത് വില്‍പ്പനയ്ക്ക് എത്തുകയും ഇവിടെ കമ്പനിക്ക് ഉറച്ച അടിത്തറ പാകാന്‍ മോഡലിന് സാധിച്ചുവെന്നും Kia ഇന്ത്യയുടെ എക്‌സിക്യൂട്ടീവ് ഡയറക്ടറും ചീഫ് സെയില്‍സ് & ബിസിനസ് സ്ട്രാറ്റജി ഓഫീസറുമായ ടീ-ജിന്‍ പാര്‍ക്ക് പറഞ്ഞു.

സവിശേഷതകള്‍ നിറഞ്ഞ ക്യാബിന്‍, സ്‌റ്റൈലിഷ് ലുക്ക്, കഴിവുള്ള ഡ്രൈവ് എന്നിവയുടെ പിന്തുണയോടെ, Seltos എസ്‌യുവി നിലവിലുള്ള ശ്രേണിയിലെ മറ്റ് എതിരാളികള്‍ക്ക് ഒരു വലിയ വെല്ലുവിളി ഉയര്‍ത്തി, പക്ഷേ സമീപകാലത്ത്, ഇത് വളരെ പിന്നോട്ട് പോയെന്നും അദ്ദേഹം പറഞ്ഞു.

ഇത് പരിഹരിക്കാനാണ് Seltos X-Line വേരിയന്റിലൂടെ കമ്പനി ശ്രമിക്കുന്നത്. വാങ്ങുന്നവരെ ആകര്‍ഷിക്കുന്നതിന് 'ടോപ്പ്-ഓഫ്-ലൈന്‍ X-Line ട്രിം അവതരിപ്പിച്ചുകൊണ്ട്, Seltos ഇമേജറി നേതൃത്വവും പ്രീമിയം പൊസിഷനിംഗും ഏകീകരിക്കുന്ന കൂടുതല്‍ പ്രീമിയം, എക്‌സ്‌ക്ലൂസീവ് ഉല്‍പ്പന്നം നല്‍കാന്‍ ഞങ്ങള്‍ ആഗ്രഹിക്കുന്നുവെന്നും ടീ-ജിന്‍ പാര്‍ക്ക് വെളിപ്പെടുത്തി.

ദക്ഷിണ കൊറിയന്‍ വാഹന നിര്‍മാതാവ് അടുത്തിടെയാണ് മിഡ്-സൈസ് എസ്‌യുവിയുടെ വില്‍പ്പന രണ്ട് ലക്ഷം യൂണിറ്റ് പിന്നിട്ടതായി അറിയിച്ചത്.

നിലവില്‍ അതിന്റെ സെഗ്മെന്റിലെ രണ്ടാമത്തെ ബെസ്റ്റ് സെല്ലര്‍ കൂടിയാണ് Seltos. അടുത്ത വര്‍ഷത്തിന്റെ ആദ്യ ഭാഗങ്ങളില്‍, എംപിവി ആയി പ്രവചിക്കപ്പെടുന്ന ഒരു പുതിയ മോഡല്‍ അവതരിപ്പിച്ച് Kia അതിന്റെ മിഡ്-സൈസ് പോര്‍ട്ട്ഫോളിയോ വിപുലീകരിക്കാനൊരുങ്ങുകയാണ്.