Click it and Unblock the Notifications
ഏക്കാലത്തെയും ശക്തമായ കാര് എന്ന ഖ്യാതിയുമായി ഹുറാക്കന് STO; അവതരണ തീയതി വെളിപ്പെടുത്തി
ഹുറാക്കന് STO പതിപ്പിനെ ഇന്ത്യയില് അവതരിപ്പിക്കാനൊരുങ്ങി നിര്മാതാക്കളായ ലംബോര്ഗിനി. 2021 ജൂലൈ 15 ന് ഈ മോഡലിനെ ഇന്ത്യയില് സമാരംഭിക്കുമെന്നാണ് കമ്പനി അറിയിച്ചിരിക്കുന്നത്.
ഏക്കാലത്തെയും ഏറ്റവും ശക്തമായ കാര് എന്ന ഖ്യാതിയോടെയാണ് വാഹനം ഇന്ത്യന് വിപണിയിലേക്ക് എത്തുന്നത്. പോയ വര്ഷം മോഡലിനെ ആഗോള വിപണിയില് കമ്പനി അവതരിപ്പിച്ചിരുന്നു.
ബ്രാന്ഡിന്റെ സ്ക്വാഡ്ര കോഴ്സിന്റെ റേസിംഗ് പൈതൃകത്തില് നിന്ന് പ്രചോദനം ഉള്ക്കൊണ്ടാണ് പുതിയ ഹുറാക്കന് സൂപ്പര് ട്രോഫിയോ ഒമോലോഗാറ്റോ എന്ന STO മോഡല് നിര്മിച്ചിരിക്കുന്നതെന്നാണ് റിപ്പോര്ട്ട്. ഹുറാക്കന് STO, ഹുറാക്കന് പെര്ഫോര്മന്റ്, ഹുറാക്കന് ഇവോ എന്നിവയ്ക്ക് സമാനമായ എഞ്ചിന് ഉപയോഗിക്കുന്നു.
എന്നാല് ഏറ്റവും ഉയര്ന്ന ടോര്ക്ക് 35 Nm കുറവാണ്, ഇത് പുതിയ ഉദ്വമനം നിയന്ത്രണങ്ങള് പാലിക്കുന്നതിനുള്ള മാറ്റങ്ങള് കാരണമാകാമെന്നാണ് സൂചന. എന്നിരുന്നാലും, കുറഞ്ഞ ടോര്ക്ക് നികത്താന്, ഹുറാക്കന് STO ഹുറാക്കന് പെര്ഫോമന്റിനേക്കാള് 43 കിലോഗ്രാം ഭാരം കുറവാണ്.
ട്രാക്ക് പ്രകടനത്തെ കൂടുതല് സഹായിക്കുന്നതിന്, ഹുറാക്കന് പെര്ഫോര്മന്റില് നിന്നുള്ള എയറോഡൈനാമിക്സ് കൂടുതല് മാറ്റങ്ങള് വരുത്തി, ഇത് യഥാക്രമം 37 ശതമാനം, 53 ശതമാനം എയറോഡൈനാമിക് കാര്യക്ഷമതയിലും ഡൗണ്ഫോഴ്സിലും വര്ദ്ധിക്കുന്നു.
ബോഡിയുടെ 75 ശതമാനം കാര്ബണ് ഫൈബര് ഉപയോഗിച്ചും മഗ്നീഷ്യം ചക്രങ്ങള് ഉപയോഗിച്ചും 43 കിലോഗ്രാം ഭാരം ലാഭിക്കാന് കഴിഞ്ഞു. ബോണറ്റ്, ബമ്പര്, മഡ്ഗാര്ഡ് എന്നിവ ഒരൊറ്റ യൂണിറ്റാക്കി മാറ്റുന്നതിലൂടെ കൂടുതല് ഭാരം ലാഭിക്കാന് കഴിഞ്ഞുവെന്ന് കമ്പനി അറിയിച്ചു.
5.2 ലിറ്റര് നാച്ചുറലി ആസ്പിരേറ്റഡ് എഞ്ചിനാണ് വാഹനത്തിന്റെ കരുത്ത്. ഈ യൂണിറ്റ് 631 bhp കരുത്തും 565 Nm torque ഉം സൃഷ്ടിക്കുന്നു. 3 സെക്കന്ഡിനുള്ളില് പൂജ്യത്തില് നിന്നും 100 കിലോമീറ്റര് വേഗത കൈവരിക്കുമെന്നും കമ്പനി അറിയിച്ചു.
200 കിലോമീറ്റര് വേഗത കൈവരിക്കാന് 9 സെക്കന്ഡുകളാണ് വാഹനത്തിന് വേണ്ടത്. 310 കിലോമീറ്ററാണ് ഉയര്ന്ന വേഗത. ടൈറ്റാനിയം റോള് ബാര്, നാല് പോയിന്റ് സീറ്റ് ബെല്റ്റുകള്, പ്രത്യേക ഇന്റീരിയര് എന്നിവയെല്ലാം കാറില് കമ്പനി വാഗ്ദാനം ചെയ്യുന്നുണ്ട്.
സുരക്ഷയ്ക്കായി മുന്വശത്ത് 390 mm ഡിസ്ക്ക് ബ്രേക്കും പിന്നില് 360 mm ഡിസ്ക്കുമാണ് ഉള്പ്പെടുത്തിയിരിക്കുന്നത്. റിയര് വീല് സ്റ്റിയറിംഗ്, എബിഎസ്, ട്രാക്ഷന് കണ്ട്രോള് എന്നിവയും മറ്റ് സുരക്ഷ ഹൈലൈറ്റുകളില് ഉള്പ്പെടുന്ന ഫീച്ചറുകളാണ്.
അതേസമയം വാഹനത്തിന്റെ വില സംബന്ധിച്ച് കമ്പനി ഔദ്യോഗികമായി ഒന്നും തന്നെ വെളിപ്പെടുത്തിയിട്ടില്ല. 328,000 ഡോളറാണ് യൂഎസിലെ വാഹനത്തിന്റെ വില.
Continue with Google