Just In
- 27 min ago എൻഫീൽഡിന്റെ വില്ലനാവാൻ ഓസ്ട്രിയൻ മുതലാളി, കിടിലൻ ബൈക്കുകളുമായി ബ്രിക്സ്റ്റൺ ഇന്ത്യയിലേക്ക്
- 55 min ago ഓഫ്റോഡറുകളുടെ രാജാവിൻ്റെ പുതിയമുഖം! 2024 ജീപ്പ് റാങ്ലർ ഫെയ്സ്ലിഫ്റ്റിൻ്റെ റിവ്യൂ വായിക്കാം
- 1 hr ago ആക്ടിവ ഇവിയ്ക്ക് വെല്ലുവിളിയായി സുസുക്കി രംഗത്ത്; കട്ട കോംപറ്റീഷനായി ഇ -ആക്സസും അണിയറയിൽ
- 1 hr ago വിദേശത്ത് തരംഗമായി മെയിഡ് ഇന് ഇന്ത്യ കാറുകള്! ജപ്പാനില് എലിവേറ്റ് വാങ്ങാൻ അപ്രതീക്ഷിത തള്ളിക്കയറ്റം
Don't Miss
- Finance 260 ശതമാനം ലാഭം, നിക്ഷേപകരുടെ ഹൃദയം കവർന്ന കെമിക്കൽ ഓഹരി, നിങ്ങളുടെ കയ്യിലുണ്ടോ..?
- Movies മണ്ടനെന്നു വിളിക്കുന്നവരെ മണ്ടനാക്കുന്നവന്; വിന്നറാകാന് ഏറ്റവും യോഗ്യന് ജിന്റോ തന്നെ!
- Technology ഇനി ഡാഷ് ക്യാം വാങ്ങേണ്ട! പഴയ ഫോൺ ഉണ്ടെങ്കിൽ എല്ലാം സെറ്റ്!
- Sports IPL 2024: സഞ്ജുവിന്റെ വിക്കറ്റ് ഞാനും നേടിയിട്ടുണ്ട്, അന്ന് അവന് 16 വയസ്; ഓര്മ പുതുക്കി അക്രം
- Lifestyle മേയ് 2024: ഭാഗ്യ സംഖ്യകളില് ജീവിതം രക്ഷപ്പെടുന്നവര്
- News അനധികൃത ഐപിഎൽ സ്ട്രീമിംഗ് കേസ്; നടി തമന്നയ്ക്ക് നോട്ടീസ്, ചോദ്യം ചെയ്യലിന് ഹാജരാകാൻ നിർദ്ദേശം
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
നവീകരണങ്ങളോടെ ഡിസ്കവറി ഫെയ്സ്ലിഫ്റ്റിനെ അവതരിപ്പിച്ച് ലാന്ഡ് റോവര്; വില 88.06 ലക്ഷം രൂപ
2021 ഡിസ്കവറി ഫെയ്സ്ലിഫ്റ്റ് പതിപ്പിനെ രാജ്യത്ത് അവതരിപ്പിച്ച് നിര്മാതാക്കളായ ലാന്ഡ് റോവര്. 88.06 ലക്ഷം രൂപ എക്സ്ഷോറൂം വിലയ്ക്കാണ് പുതിയ പതിപ്പിനെ രാജ്യത്ത് വില്പ്പനയ്ക്ക് എത്തിച്ചിരിക്കുന്നത്.
പുതുക്കിയ ലാന്ഡ് റോവര് ഡിസ്കവറി ഫെയ്സ്ലിഫ്റ്റ് 2020 നവംബറില് തന്നെ ആഗോളതലത്തില് അരങ്ങേറ്റം കുറിച്ചിരുന്നു. കൂടാതെ പുതിയ ഡിസൈന് ഭാഷ, സാങ്കേതികവിദ്യ, മെച്ചപ്പെടുത്തിയ എഞ്ചിന് ഓപ്ഷനുകള് എന്നിവയും അതിലേറെയും അപ്ഗ്രേഡുകളാണ് വാഹനത്തിന് ലഭിക്കുന്നത്.
2021 ഡിസ്കവറി ഫെയ്സ്ലിഫ്റ്റ് ബിഎംഡബ്ല്യു X5, വോള്വോ XC90, ഔഡി Q7 എന്നിവര്ക്കെതിരെയാണ് വിപണിയില് മത്സരിക്കുന്നത്. ജാഗ്വര് ലാന്ഡ് റോവറിന്റെ ഉല്പന്ന പോര്ട്ട്ഫോളിയോയില് ഡിസ്കവറിക്ക് ഒരു സ്ഥാനമുണ്ട്, ഏറ്റവും പുതിയ അപ്ഡേറ്റ് ലോകമെമ്പാടുമുള്ള എസ്യുവിയുടെ 30 വര്ഷത്തെ പാരമ്പര്യത്തെ അടിസ്ഥാനമാക്കി നിര്മ്മിക്കാന് ശ്രമിക്കുന്നുവെന്നും കമ്പനി അവകാശപ്പെടുന്നു.
''പുതിയ ഡിസ്കവറി, ലാന്ഡ് റോവറിന്റെ ഐതിഹാസിക ശേഷി നിലനിര്ത്തിക്കൊണ്ടുതന്നെ, പുതുക്കിയ നിലവാരത്തിലുള്ള പരിഷ്ക്കരണവും ആഢംബരവും കാര്യക്ഷമതയും വാഗ്ദാനം ചെയ്യുന്നുവെന്ന് ജാഗ്വര് ലാന്ഡ് റോവര് ഇന്ത്യയുടെ പ്രസിഡന്റും മാനേജിംഗ് ഡയറക്ടറുമായ രോഹിത് സൂരി പറഞ്ഞു.
2021 ലാന്ഡ് റോവര് ഡിസ്കവറി ഫെയ്സ്ലിഫ്റ്റിലെ വിഷ്വല് അപ്ഗ്രേഡുകള് പരിശോധിച്ചാല്, പുനര്നിര്മ്മിച്ച ഗ്രില്, എല്ഇഡി ഡിആര്എല്ലുകളുള്ള പുതിയ മാട്രിക്സ് എല്ഇഡി ഹെഡ്ലാമ്പുകള്, പുനര്രൂപകല്പ്പന ചെയ്ത എല്ഇഡി ടെയില്ലൈറ്റുകള് എന്നിവ ഉള്പ്പെടുന്നു.
ഡിസ്കവറി ഫെയ്സ്ലിഫ്റ്റിലെ വിഷ്വല് ബള്ക്ക് കുറയ്ക്കുന്നതിനായി റിയര് ബമ്പര് പുനര്നിര്മ്മിക്കുമ്പോള് സ്പോര്ട്ടിയര് ടച്ച് നല്കുന്ന പുതിയ സൈഡ് എയര് വെന്റുകള് ബമ്പറില് ഇടംപിടിക്കുന്നു.
എസ്യുവിയ്ക്ക് ടെയില്ഗേറ്റില് ഒരു ഗ്ലോസ്സ് ബ്ലാക്ക് പാനലും ലഭിക്കുന്നു, അത് പിന് പ്രൊഫൈലില് വൃത്തിയായി കാണുന്നതിന് ഡിസ്കവറി ബാഡ്ജും ഉള്ക്കൊള്ളുന്നു. ക്ലാംഷെല് ബോണറ്റ്, സ്റ്റെപ്പ്ഡ് മേല്ക്കൂര, C-പില്ലര് എന്നിവയുള്പ്പെടെ ഡിസ്കവറിയുടെ സവിശേഷ ഘടകങ്ങള് മനോഹരമായി നിലനിര്ത്തുന്നു.
2021 ലാന്ഡ് റോവര് ഡിസ്കവറിയിലെ ക്യാബിന് പുതിയ Pivi പ്രോ ഇന്ഫോടെയ്ന്മെന്റ് സിസ്റ്റത്തിന്റെ രൂപത്തില് OTA അപ്ഡേറ്റുകള്ക്കൊപ്പം വരുന്നു. 11.4 ഇഞ്ച് HD ടച്ച്സ്ക്രീന് ഇന്ഫോടെയ്ന്മെന്റ് സംവിധാനമാണ് മോഡലിന് ലഭിക്കുന്നത്.
അത് പഴയ പതിപ്പിനേക്കാള് 48 ശതമാനം വലുതും മൂന്ന് മടങ്ങ് തിളക്കമുള്ളതുമാണ്. സേവന കേന്ദ്രം സന്ദര്ശിക്കാതെ തന്നെ 44 വ്യക്തിഗത ഇലക്ട്രോണിക് മൊഡ്യൂളുകള് അപ്ഡേറ്റ് ചെയ്യാന് ലാന്ഡ് റോവറിന്റെ SOTA സാങ്കേതികവിദ്യ ഉടമകളെ സഹായിക്കുന്നു.
എസ്യുവിക്ക് 12.3 ഇഞ്ച് ഡിജിറ്റല് കണ്സോളും ഹൈ ഡെഫനിഷന് 3D മാപ്പിംഗും ഒപ്പം ഇഷ്ടാനുസൃതമാക്കാവുന്ന ഇന്റര്ഫേസ് ഓപ്ഷനുകളും ലഭിക്കും. PM2.5 എയര് ഫില്ട്രേഷന് സാങ്കേതികവിദ്യയുള്ള ക്യാബിന് എയര് അയോണൈസേഷന്, ലാന്ഡ് റോവറിന്റെ ക്ലിക്ക്, ഗോ ടാബ്ലെറ്റ് ഹോള്ഡറുകള് എന്നിവ ഫ്രണ്ട് സീറ്റ്ബാക്കുകളില് ഉള്പ്പെടുത്തിയിട്ടുണ്ട്. അതില് യുഎസ്ബി-എ ചാര്ജിംഗ് സോക്കറ്റുകളും ഉള്പ്പെടുന്നു.
ഒരു പവര്ഡ് ടെയില്ഗേറ്റ്, ഇന്റലിജന്റ് സീറ്റ് മടക്കുകളും ഡ്രൈവര് ഡാറ്റയിലേക്ക് പ്രവേശനം അനുവദിക്കുന്ന റിമോട്ട് അപ്ലിക്കേഷനും ഉണ്ട്. ലാന്ഡ് റോവര് പറയുന്നത് 2021 ഡിസ്കവറിക്ക് രണ്ടാം നിരയില് മെച്ചപ്പെട്ട ലാറ്ററല് സപ്പോര്ട്ട്, കട്ടിയുള്ളതും നീളമുള്ളതുമായ കുഷ്യനിംങ്ങുകള്, തുടയുടെ പിന്തുണ എന്നിവയും ലഭിക്കുന്നുവെന്നാണ്. വാഹനം ലോക്ക് ചെയ്യാനും അണ്ലോക്ക് ചെയ്യാനും ആരംഭിക്കാനും ഉപയോക്താക്കളെ അനുവദിക്കുന്ന കാറിനൊപ്പം രണ്ടാം തലമുറ ആക്റ്റിവിറ്റി കീയും വാഹന നിര്മ്മാതാവ് വാഗ്ദാനം ചെയ്യുന്നു.
2.0 ലിറ്റര് ഫോര് സിലിണ്ടര് പെട്രോള്, ഡീസല്, 3.0 ലിറ്റര് ആറ് സിലിണ്ടര് ഡീസല് എഞ്ചിനുകള് എന്നിവയാണ് വാഹനത്തിന് ലഭിക്കുന്നത്. P300 ഇന്ജെനിയം പെട്രോള് 296 bhp കരുത്തും 400 Nm torque ഉം നല്കുന്നു.
അതേസമയം P360 യൂണിറ്റ് 355 bhp കരുത്തും 500 Nm torque ഉം ആണ് ട്യൂണ് ചെയ്യുന്നത്. D300 296 bhp കരുത്തും 650 Nm torque ഉം വികസിപ്പിക്കുന്നു. മികച്ച ഓഫ്-റോഡിംഗ് ശേഷിയുള്ള പുതിയ ടെറൈന് റെസ്പോണ്സ് 2 സിസ്റ്റവും ട്രാക്ഷന് വര്ധിപ്പിക്കുന്നതിന് ഇന്റലിജന്റ് ഓള്-വീല് ഡ്രൈവും എസ്യുവിയില് വരുന്നു.
അതോടൊപ്പം ഡീപ് വാട്ടര് ഫോര്ഡിംഗ് ഒപ്റ്റിമൈസ് ചെയ്യുന്നതിന് പുതിയ വേഡ് മോഡും വാഹനത്തില് നിര്മാതാക്കള് വാഗ്ദാനം ചെയ്യുന്നു. പുതിയ ഡിസ്കവറി ഫെയ്സ്ലിഫ്റ്റിനായുള്ള ബുക്കിംഗ് ആരംഭിച്ചതായും ഡെലിവറികള് ഉടന് ആരംഭിക്കുമെന്നും കമ്പനി അറിയിച്ചു.