കുഞ്ഞൻ ബൊലേറോയെ കൂടുതൽ മോടിയാക്കാം, പുത്തൻ ആക്‌സസറികളുമായി മഹീന്ദ്ര

Published: Thursday, August 12, 2021, 19:46 [IST]

കഴിഞ്ഞ മാസം, ബൊലേറോ നിയോയുടെ രൂപത്തിൽ കോംപാക്ട് സബ്-ഫോർ-മീറ്റർ എസ്‌യുവി വിഭാഗത്തിൽ മഹീന്ദ്ര ഒരു പുതിയ മോഡലിനെ അവതരിപ്പിച്ചു.

കുഞ്ഞൻ ബൊലേറോയെ കൂടുതൽ മോടിയാക്കാം, പുത്തൻ ആക്‌സസറികളുമായി മഹീന്ദ്ര

8.48 ലക്ഷം രൂപ പ്രാരംഭ എക്‌സ്-ഷോറൂം വിലയ്ക്ക് മോഡൽ ലഭ്യമാണ്. നിയോ അതിന്റെ മോണോകോക്ക് അടിസ്ഥാനമാക്കിയുള്ള ഫ്രണ്ട്-വീൽ ഡ്രൈവ് എതിരാളികൾക്ക് വ്യത്യസ്തമായ ഒരു ബദലാണ്.

ഇപ്പോൾ, നിങ്ങൾ ഒരു നിയോ വാങ്ങാൻ പദ്ധതിയിടുകയാണെങ്കിൽ, എസ്‌യുവിയുമായി ജോടിയാക്കാവുന്ന എക്സ്റ്റീരിയർ, ഇന്റീരിയർ ആക്‌സസറികളുടെ ഒരു വലിയ ലിസ്റ്റ് തന്നെ മഹീന്ദ്ര വാഗ്ദാനം ചെയ്യുന്നു. നമുക്ക് വിശദമായി അത് ഒന്ന് നോക്കാം.

വിഷ്വൽ അപ്പീൽ മെച്ചപ്പെടുത്തുന്നതിന്, വൈവിധ്യമാർന്ന ക്രോം ഘടകങ്ങൾ വാഹനത്തിനുണ്ട്. ORVM -കൾ, ഡോർ ഹാൻഡിലുകൾ, വിൻഡോ ലൈൻ, ലൈസൻസ് പ്ലേറ്റ്, ഫോഗ് ലാമ്പുകൾ, ഹെഡ്‌ലാമ്പുകൾ, ടെയിൽ‌ലൈറ്റുകൾ എന്നിവയിൽ ഇവ പ്രയോഗിക്കാം.

ക്യാബിനിലേക്ക് എളുപ്പത്തിൽ ആക്‌സസ് ചെയ്യുന്നതിന്, അലുമിനിയം അല്ലെങ്കിൽ പ്രീമിയം സൈഡ് സ്റ്റെപ്പുകളും ഒരു ഫുട്ട് സ്റ്റെപ്പുള്ള റിയർ ഗാർഡും കമ്പനി ഓഫർ ചെയ്യുന്നുണ്ട്.

ഇതിനുപുറമെ, മാറ്റ് ബ്ലാക്ക്, സിൽവർ ഫിനിഷുള്ള 15 ഇഞ്ച് ഡയമണ്ട് കട്ട് അലോയികളും ഉപഭോക്താക്കൾക്ക് തെരഞ്ഞെടുക്കാം. നിയോയ്ക്ക് കൂടുതൽ കടുപ്പമേറിയതും അഗ്രസ്സീവുമായ രൂപം നൽകാൻ, മഹീന്ദ്ര രണ്ട് ബമ്പറുകൾക്കും നാല് ഡോറുകളിലും വീൽ ആർച്ചുകൾക്ക് ചുറ്റുമുള്ള അധിക പ്ലാസ്റ്റിക് ക്ലാഡിംഗുകളും വാഗ്ദാനം ചെയ്യുന്നു.

ക്യാബിനുള്ളിൽ, സീറ്റ് കവറുകൾ കൃത്രിമ ലെതറിലോ, ഫാബ്രിക്കിലോ, വിനൈൽ കോമ്പിനേഷനിലോ ലഭ്യമാകും. ഇവ സുഷിരങ്ങളുള്ള പാറ്റേണുകളും എംബോസ്ഡ് ഡിസൈനുകളുമായാണ് വരുന്നത്.

ഉപഭോക്താക്കളുടെ ചോയിസിനനുസരിച്ച് തെരഞ്ഞെടുക്കാൻ നാല് തരം മാറ്റുകളും ഓഫറിലുണ്ട്. ഒരു ഡിസൈനർ മാറ്റ്, ബ്രൗൺ കാർപെറ്റ് മാറ്റ്, ഫുൾ ഫ്ലോർ ലാമിനേഷൻ മാറ്റുകൾ, ബ്ലാക്ക് PVC മാറ്റ് എന്നിവ ഇതിൽ ഉൾപ്പെടുന്നു.

ഫിറ്റ്മെന്റ് ബ്രാക്കറ്റുള്ള റൂഫ് ക്യാരിയർ പാൻ ബൊലേറോ നിയോയുടെ പ്രായോഗികത കൂടുതൽ വർധിപ്പിക്കുന്നു. മഹീന്ദ്ര ബൊലേറോ നിയോയ്ക്ക് പുറത്തിറങ്ങി ഒരു മാസത്തിനുള്ളിൽ 5,500 ബുക്കിംഗുകൾ ക്ലോക്ക് ചെയ്യാനും കഴിഞ്ഞു.

N4, N8, N10 എന്നിങ്ങനെ മൂന്ന് വേരിയന്റുകളിൽ വാഹനം ലഭ്യമാണ്. 100 bhp കരുത്തും 260 Nm torque ഉം നൽകുന്ന ബിഎസ് VI 1.5 ലിറ്റർ ഡീസൽ എൻജിനാണ് നിയോയ്ക്ക് ശക്തി പകരുന്നത്.