സമാനതകൾക്കിടയിലെ വ്യത്യാസങ്ങൾ; ബൊലേറോ നിയോ TUV300 മോഡലുകൾ തമ്മിൽ മാറ്റുരയ്ക്കാം

മഹീന്ദ്ര TUV300 Vs ബൊലേറോ നിയോയെക്കുറിച്ച് ചർച്ചചെയ്യാനും ഈ എസ്‌യുവികൾ തമ്മിലുള്ള പ്രധാന വ്യത്യാസങ്ങൾ പരിശോധിക്കാനുമാണ് ഈ ലേഖനത്തിലൂടെ ഞങ്ങൾ ആഗ്രഹിക്കുന്നത്!

പുത്തൻ ഡിസൈൻ ഘടകങ്ങൾ

വാഹനത്തിന്റെ മൊത്തത്തിലുള്ള രൂപം നമ്മെ TUV300 -നെ ഓർമ്മപ്പെടുത്തും, ഞങ്ങൾ ഇതിനോട് ഒരു ഘട്ടത്തിലും വിയോജിക്കുന്നില്ല. എന്നാൽ ഈ എസ്‌യുവിയുടെ ഡിസൈൻ വശങ്ങളിൽ ചില മാറ്റങ്ങളുണ്ട്, അത് രണ്ട് എസ്‌യുവികളെയും തമ്മിൽ വേർതിരിച്ചറിയാൻ അനുവദിക്കുന്നു.

ഫ്രണ്ട് ലുക്കിൽ നിന്ന് ആരംഭിക്കുമ്പോൾ എൽഇഡി ഡിആർഎല്ലുകളുള്ള സ്വെപ്റ്റ്ബാക്ക് ഹെഡ്‌ലൈറ്റുകൾ, ബോൾഡ് ഗ്രില്ല്, പുനർരൂപകൽപ്പന ചെയ്ത ബമ്പർ, ഫോഗ് ലൈറ്റുകൾ എന്നിവ പുതിയ ബൊലേറോ നിയോയെ TUV300 -ൽ നിന്ന് വ്യത്യസ്തമാക്കുന്നു.

സവിശേഷതകൾ

മഹീന്ദ്ര TUV300 -നെ ബൊലേറോ നിയോയുമായി താരതമ്യപ്പെടുത്തുമ്പോൾ പുതിയ ലോഞ്ചിന് സവിശേഷതകളുടെ കാര്യത്തിലും മേൽക്കൈയുണ്ട്. നിയോ മോഡൽ 1.5 ലിറ്റർ‌, മൂന്ന്‌ സിലിണ്ടർ‌ ഡീസൽ‌ എഞ്ചിനുമായി‌ വരുന്നു, ഇത്‌ TUV -ൽ നിർമ്മാതാക്കൾ വാഗ്ദാനം ചെയ്തിരുന്ന അതേ യൂണിറ്റാണ്.

എന്നാൽ ഇവ തമ്മിലുള്ള വ്യത്യാസം torque കണക്കുകളിലാണ്. പുത്തൻ യൂണിറ്റ് 20 Nm അധിക torque പുറപ്പെടുവിക്കുന്നു. 99 bhp കരുത്തും 260 Nm torque ഉം ആണ് പുതിയ കണക്കുകൾ. ഈ എഞ്ചിൻ നിലവിൽ അഞ്ച് സ്പീഡ് മാനുവലുമായി ഇണചേർന്നിരിക്കുന്നു.

ക്രൂയിസ് കൺട്രോൾ

മുന്നോട്ട് പോകുമ്പോൾ, മഹീന്ദ്ര TUV300 vs ബൊലേറോ നിയോയ്ക്ക് ഒരു പ്രധാന വ്യത്യാസമുണ്ട്, പുത്തൻ മോഡൽ വളരെ ആവശ്യമുള്ള സവിശേഷതയായിട്ടാണ് വരുന്നത്. TUV300 -ൽ കാണാത്ത ക്രൂയിസ് കൺട്രോളിനെക്കുറിച്ചാണ് ഞങ്ങൾ പരാമർശിക്കുന്നത്.

നിങ്ങൾ ഒരു സുഖപ്രദമായ എസ്‌യുവിയെയാണ് തിരയുന്നതെങ്കിൽ അല്ലെങ്കിൽ ഒരു സുഖപ്രദമായ കാർ എന്ന് പറയുകയാണെങ്കിൽ, ക്രൂയിസ് കൺട്രോൾ ഇന്ന് നിർബന്ധമാണ്!

ഫീച്ചറുകളും ഇൻഫോടെയ്ൻമെന്റും

ഫീച്ചറുകൾ! ഒരു പുതിയ കാർ വാങ്ങുമ്പോൾ നമ്മളിൽ മിക്കവരും അന്വേഷിക്കുന്നത് ഇതാണ്. മഹീന്ദ്ര ബൊലേറോ നിയോയ്ക്ക് പുതുക്കിയ ഇൻസ്ട്രുമെന്റ് ക്ലസ്റ്ററും അപ്ഹോൾസ്റ്ററിയുടെ പുതിയ ഷേഡും ലഭിക്കുന്നു.

ഇതിനുപുറമെ, ആൻഡ്രോയിഡ് ഓട്ടോ, ആപ്പിൾ കാർപ്ലേ എന്നിവയെ പിന്തുണയ്ക്കുന്ന ഇൻഫോടെയ്ൻമെന്റ് സംവിധാനവുമായാണ് പുത്തൻ എസ്‌യുവി എത്തുന്നത്. റിയർ പാർക്കിംഗ് സെൻസറുകളും ഇക്കോ മോഡും ബൊലേറോ നിയോയിലെ ഫീച്ചർ പട്ടികയിലേക്ക് കമ്പനി ചേർക്കുന്നു.

MLD

അവസാനത്തേത് എന്നാൽ ഏറ്റവും പ്രധാനമായ ഘടകം എന്തെന്നാൽ പുതിയ മഹീന്ദ്ര ബൊലേറോ നിയോ ഒരു മെക്കാനിക്കൽ ലോക്കിംഗ് ഡിഫറൻഷ്യൽ (MLD) വാഗ്ദാനം ചെയ്യുന്നു എന്നതാണ്. എന്നിരുന്നാലും, ഇത് ടോപ്പ് എൻഡ് വേരിയന്റിൽ മാത്രമായി കരുതിവച്ചിരിക്കുന്നു, ഇത് വളരെ ഉപയോഗപ്രദമാണ്.

ടോപ്പ് എൻഡ് വേരിയൻറ് പോലും 10 ലക്ഷത്തിൽ താഴെയാണെന്ന വസ്തുത കണക്കിലെടുക്കുമ്പോൾ ഇത് ഒരു നല്ല ഡീൽ ആയിരിക്കും! ഒരു MLD എന്താണെന്ന് ചിന്തിക്കുന്നവർക്ക്, നിങ്ങൾ ചെളിയിൽ കുടുങ്ങുകയും വീലുകളിലൊന്ന് അനന്തമായി കറങ്ങുകയും ചെയ്യുന്നുവെന്ന് കരുതുക, ഡിഫറൻഷ്യൽ ആ വീൽ ലോക്ക് ചെയ്യുകയും മറ്റൊന്നിലേക്ക് പവർ കൈമാറുകയും അതുവഴി ആക്കം കൂട്ടാനും മുന്നോട്ട് പോകാനും നിങ്ങളെ സഹായിക്കുകയും ചെയ്യും!

മഹീന്ദ്ര TUV300, ബൊലേറോ നിയോ എന്നിവ തമ്മിലുള്ള മികച്ച അഞ്ച് വ്യത്യാസങ്ങൾ ഇവയാണ്. ഇതിനുപരിയായി എന്തെങ്കിലും ഉണ്ടെന്ന് നിങ്ങൾക്ക് തോന്നുന്നുണ്ട് എങ്കിൽ ഞങ്ങളെ കമന്റുകളിൽ അറിയിക്കുക.