വിൽപ്പനയിൽ സ്ഥിരത കൈവിടാതെ എസ്-പ്രസ്സോ; ഏപ്രിലിൽ മാരുതി വിറ്റഴിച്ചത് 7000 -ൽ പരം യൂണിറ്റുകൾ

ഇതിന്റെ രസകരമായ സ്റ്റൈലിംഗ്, ഉയർന്ന റൈഡ് ഉയരം, വെറൈറ്റി പെയിന്റ് സ്കീമുകൾ, ഉപകരണങ്ങളുടെ ലിസ്റ്റും ആകർഷകമായ വിലനിർണ്ണയം ഇതെല്ലാം മൈക്രോ എസ്‌യുവിയുടെ മികച്ച പ്രകടനത്തിനായി നന്നായി പ്രവർത്തിക്കുന്നു.

2021 ഏപ്രിൽ മാസത്തിൽ മാത്രം എസ്-പ്രസ്സോയുടെ 7,737 യൂണിറ്റുകൾ ഇന്ത്യൻ വിപണിയിൽ വിൽക്കാൻ മാരുതി സുസുക്കിക്ക് കഴിഞ്ഞു. 2021 മാർച്ചിൽ വിറ്റ 7,252 യൂണിറ്റുകളെ അപേക്ഷിച്ച് എൻട്രി ലെവൽ കാർ വിൽപ്പനയിൽ 6.7 ശതമാനം വളർച്ച നേടി.

ഇന്ത്യൻ വിപണിയിൽ ഏറ്റവുമധികം വിറ്റഴിക്കപ്പെടുന്ന എൻട്രി ലെവൽ കാറുകളിൽ ഒന്നായി അതിന്റെ എസ്-പ്രസ്സോ നിലനിർത്തുന്നു. നിലവിൽ റെനോ ക്വിഡ്, ഡാറ്റ്സൺ റെഡി-ഗോ എന്നിവയ്ക്കെതിരെ വാഹനം മത്സരിക്കുന്നു, അതോടൊപ്പം സ്വന്തം സഹോദരൻ ആൾട്ടോയിൽ നിന്നുള്ള മത്സരവും നേരിടുന്നു.

സ്റ്റാൻഡേർഡ മോഡലിന് 3.78 ലക്ഷം രൂപ മുതൽ ടോപ്പ് എൻഡ് ട്രിമിന് 5.26 ലക്ഷം രൂപ വരെ വിലയ്ക്ക് മാരുതി സുസുക്കി എസ്-പ്രസ്സോ വിൽപ്പനയ്ക്കെത്തുന്നു.

മാരുതി സുസുക്കിയുടെ ഹിയർ‌ടെക്റ്റ്-K ലൈറ്റ്‌വെയിറ്റ് പ്ലാറ്റ്‌ഫോമിലാണ് എസ്-പ്രസ്സോ നിർമ്മിച്ചിരിക്കുന്നത്. 1.0 ലിറ്റർ ത്രീ സിലിണ്ടർ നാച്ചുറലി ആസ്പിറേറ്റഡ് പെട്രോൾ എഞ്ചിൻ പരമാവധി 67 bhp കരുത്തും 90 Nm torque ഉം പുറപ്പെടുവിക്കുന്നു. അഞ്ച് സ്പീഡ് മാനുവൽ ഗിയർ‌ബോക്സും ഓപ്ഷണൽ AMT -യും ട്രാൻസ്മിഷൻ ഡ്യൂട്ടികൾ പരിപാലിക്കുന്നു.

മാനുവൽ ഗിയർബോക്സിൽ കാറിന് ശരാശരി ലിറ്ററിന് 21.4 കിലോമീറ്റർ മൈലേജാണ് കമ്പനി അവകാശപ്പെടുന്നത്, എന്നിരുന്നാലും, ഓട്ടോമാറ്റിക് ട്രാൻസ്മിഷനോടൊപ്പം ഇത് ലിറ്ററിന് 21.7 കിലോമീറ്റർ വരെ ഉയരുന്നു.

പെട്രോൾ-സി‌എൻ‌ജി പവർ‌ട്രെയിൻ ഉപയോഗിച്ചും എസ്-പ്രസ്സോ വിപണിയിൽ എത്തുന്നു. ഇതിന്റെ പവർ, torque ഔട്ട്‌പുട്ട് യഥാക്രമം 59 bhp, 78 Nm എന്നിങ്ങനെ കുറയുന്നു.

ഫീച്ചർ ഗ്രൗണ്ടിൽ എൻട്രി ലെവൽ കാറിൽ ഡിജിറ്റൽ ഇൻസ്ട്രുമെന്റ് ക്ലസ്റ്റർ, 7.0 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, ആപ്പിൾ കാർപ്ലേ, ആൻഡ്രോയിഡ് ഓട്ടോ കണക്റ്റിവിറ്റി, ഫ്രണ്ട് പവർ വിൻഡോകൾ, കീലെസ് എൻട്രി, സ്റ്റിയറിംഗ് മൗണ്ടഡ് ഓഡിയോ കൺട്രോളുകൾ, 12V സോക്കറ്റ്, മുന്നിൽ യുഎസ്ബി ചാർജർ, മാനുവൽ എയർ കണ്ടീഷനിംഗ് തുടങ്ങിയവ ലഭിക്കുന്നു.

ഡ്യുവൽ ഫ്രന്റൽ എയർബാഗുകൾ, ABS+EBD, റിയർ പാർക്കിംഗ് സെൻസറുകൾ, ഹൈ സ്പീഡ് അലേർട്ട് സിസ്റ്റം, ഫ്രണ്ട് സീറ്റ് ബെൽറ്റ് റിമൈൻഡർ എന്നിവ സുരക്ഷാ സാങ്കേതികവിദ്യയിൽ ഉൾപ്പെടുന്നു.