700 കിലോമീറ്ററിലധികം ശ്രേണി വാഗ്ദാനം ചെയ്യുന്ന ബാറ്ററി പായ്ക്കുകളുടെ നിർമ്മാണം ആരംഭിച്ച് മെർസിഡീസ്

മെർസിഡീസ് ബെൻസ് ഇതിനകം തന്നെ EQA, EQC, EQV എന്നിങ്ങനെ നിരവധി EQ-ബാഡ്ജ് കാറുകൾ വെളിപ്പെടുത്തിയിട്ടുണ്ട്. പക്ഷേ, ഈ ഇലക്ട്രിക് കാറുകളെല്ലാം യഥാക്രമം GLA, GLC, V-ക്ലാസ് എന്നിവയുടെ ഇലക്ട്രിക് പതിപ്പുകളാണ്.

എന്നിരുന്നാലും, മെർസിഡീസ് ബെൻസിൽ നിന്നുള്ള ആദ്യത്തെ ഗ്രൗണ്ട്-അപ്പ് EQ ബാഡ്ജ് കാറാണ് EQS. ഇത് ബ്രാൻഡിന്റെ മുൻനിര സെഡാൻ ആയിരിക്കും.

മെർസിഡീസ് ബെൻസ് EQS 2021 ഓഗസ്റ്റിൽ യൂറോപ്യൻ വിപണിയിൽ വിൽപ്പനയ്‌ക്കെത്തും. നിർമ്മാതാക്കൾ അവകാശപ്പെടുന്നതുപോലെ EQE, EQS, EQE എന്നിവയുടെ ക്രോസ്ഓവർ വേരിയന്റുകളായ ചെറിയ മോഡലുകൾ ഇതിനെ പിന്തുടരും.

ഈ ഇലക്ട്രിക് കാറുകളെല്ലാം വീൽബേസ്, ട്രാക്ക്, ബാറ്ററി പായ്ക്കുകൾ എന്നിവയിലും പൊരുത്തപ്പെടാവുന്ന സ്കേലബിൾ മോഡുലാർ ആർക്കിടെക്ചറിലാവും ഒരുങ്ങുക.

മെർസിഡീസ് ബെൻസ് EQS ഒരു ഹൈടെക് ക്യാബിനൊപ്പം വരും. മൂന്ന് വ്യത്യസ്ത സ്‌ക്രീനുകളെ സംയോജിപ്പിച്ച് ഡാഷ്‌ബോർഡിന്റെ മുഴുവൻ വീതിയിലും വ്യാപിക്കുന്ന ഒരു കൂറ്റൻ ബെസലിലേക്ക് ഒരു ഹൈപ്പർസ്‌ക്രീൻ ഇൻഫോടെയ്ൻമെന്റ് സിസ്റ്റം ഉണ്ടാകും.

ഇൻസ്ട്രുമെന്റ് ക്ലസ്റ്ററായും എന്റർടെയിൻമെൻഡ് സംവിധാനമായും സ്‌ക്രീൻ പ്രവർത്തിക്കുന്നു. S ലെറ്ററിംഗ് വഹിച്ചിട്ടും, EQS നിലവിലെ S-ക്ലാസ് സെഡാൻ പോലെ കാണപ്പെടാൻ സാധ്യതയില്ല.

മിനുസമാർന്നതും ഫ്ലുയിഡിക്കുമായ രൂപവുമായി കാർ വരും. വൃത്താകൃതിയിലുള്ള റൂഫും രണ്ട് അറ്റത്തും ഹ്രസ്വ ഓവർഹാങ്ങുകളും ഉണ്ടാകും.

സെഡാന് വായു കൂടുതൽ കാര്യക്ഷമമായി മുറിച്ചുകടക്കാൻ EQS -ന്റെ ടിയർഡ്രോപ്പ് ആകാരം സഹായിക്കുമെന്ന് നിർമ്മാതാക്കൾ അവകാശപ്പെടുന്നു.

മെർസിഡീസ് ബെൻസ് ഇതിനകം EQS ഇലക്ട്രിക് സെഡാനെ ടീസ് ചെയ്തിട്ടുണ്ട്. ചാർജ്ജിംഗ് ഇൻഫ്രാസ്ട്രക്ചറിനായി കാർ നിർമ്മാതാക്കൾ അയോണിറ്റിയുമായി പങ്കാളിത്തം വഹിച്ചതായി തോന്നുന്നു.

ബ്രാൻഡ് അവകാശപ്പെടുന്നതുപോലെ, മെർസിഡീസ് മി ചാർജ് സംരംഭത്തിൽ, EQS ഉടമകൾക്ക് അവരുടെ കാർ ചാർജിംഗ് പോർട്ടിലേക്ക് വെറുതെ ഹുക്ക് ചെയ്താൽ ഉടൻ പ്രക്രിയ ആരംഭിക്കും.

ഈ സംരംഭത്തിൽ, ലോകമെമ്പാടും അഞ്ച് ലക്ഷം ചാർജിംഗ് പോയിന്റുകൾ ഉണ്ടാകും, അതിൽ രണ്ട് ലക്ഷം യൂറോപ്പിൽ മാത്രമായിരിക്കും.

ഈ ചാർജിംഗ് ലൊക്കേഷനുകൾ ഉടമ തെരഞ്ഞെടുത്ത രീതി ഉപയോഗിച്ച് ഓട്ടോമാറ്റിക് ഡെബിറ്റ് അനുവദിക്കുന്ന സംയോജിത പേയ്‌മെന്റുകളെ പിന്തുണയ്‌ക്കും.

ഒരു ഇവി ചാർജിംഗ് സൈറ്റ് മെർസിഡീസ് മി ചാർജിനെ പിന്തുണയ്ക്കുന്നുണ്ടോ ഇല്ലയോ എന്ന് EQS -ന്റെ നാവിഗേഷൻ സിസ്റ്റം ഉടമകളെ അറിയിക്കുമെന്നും കാർ നിർമ്മാതാക്കൾ അവകാശപ്പെടുന്നു.