സൈലന്റ് ഷാഡോ; ആദ്യ ഇലക്ട്രിക് കാർ പുറത്തിറക്കാനൊരുങ്ങി റോൾസ് റോയ്‌സ്

ആഡംബര കാർ നിർമ്മാതാക്കൾ സൈലന്റ് ഷാഡോ എന്ന പുതിയ വാഹനത്തിൽ പ്രവർത്തിക്കുകയാണെന്ന് സ്ഥിരീകരിച്ചു.

ബി‌എം‌ഡബ്ല്യു ഗ്രൂപ്പിന്റെ ഉടമസ്ഥതയിലുള്ള കാർ ബ്രാൻഡ് അടുത്തിടെ സൈലന്റ് ഷാഡോ എന്ന പേരിൽ ജർമ്മൻ പേറ്റന്റ് ഓഫീസിൽ ഒരു പുതിയ ട്രേഡ്മാർക്ക് സമർപ്പിച്ചിരുന്നു.

പതിറ്റാണ്ടുകളായി, ബ്രിട്ടീഷ് കമ്പനി റോൾസ് റോയ്‌സ് സിൽവർ ഷാഡോ പോലുള്ള മോഡലുകൾക്ക് ഷാഡോ എന്ന പേര് ഉപയോഗിച്ചു വരുന്നു, അതിനാൽ ആഡംബര ബ്രാൻഡിന്റെ കൃത്യമായ വൈദ്യുതീകരണ പദ്ധതിയെക്കുറിച്ച് കൂടുതൽ വിശദാംശങ്ങൾ ഉടൻ ലഭിക്കാൻ സാധ്യതയുണ്ട്.

സൈലന്റ് ഷാഡോ ഇലക്ട്രിക് കാർ വിപണിയിലെത്തിക്കുന്നതിലേക്ക് നിർമ്മാതാക്കൾ കൂടുതൽ അടുക്കുന്നുവെന്ന് റോൾസ് റോയ്‌സ് മോട്ടോർ കാർസ്‌കോൺ ചീഫ് എക്‌സിക്യൂട്ടീവ് ഓഫീസർ ടോർസ്റ്റൺ മുള്ളർ-ഒറ്റ്‌വോസ് സ്ഥിരീകരിച്ചു.

എന്നാൽ വാഹനം ലോഞ്ച് ചെയ്യുന്നതിനുള്ള ഒരു വ്യക്തമായ തീയതിയും അദ്ദേഹം വെളിപ്പെടുത്തിയിട്ടില്ല. "അത് ഇപ്പോഴും ഒരു രഹസ്യമാണ്," എന്ന് അദ്ദേഹം ബ്ലൂംബെർഗ് ടെലിവിഷന് നൽകിയ അഭിമുഖത്തിൽ പറഞ്ഞു, എന്നാൽ ഇത് തീർച്ചയായും ഒരു പുതിയ റോൾസ് റോയ്‌സ് ആയിരിക്കും എന്ന് ഒറ്റ്‌വോസ് ഉറപ്പ് നൽകി.

ബി‌എം‌ഡബ്ല്യുവിന്റെ മ്യൂണിച്ച് സെന്ററിൽ ലിഥിയം അയൺ ബാറ്ററികൾ പവർ ചെയ്യുന്ന ഫാന്റത്തിന്റെ ഒരു പ്രോട്ടോടൈപ്പ് ഉണ്ടെന്ന് റിപ്പോർട്ടുകൾ പറയുന്നു. തീർത്തും പുതിയ മോഡൽ അവതരിപ്പിക്കുന്നതിനായി ടെസ്റ്റുകളും നടക്കുന്നുണ്ടെന്നാണ് റിപ്പോർട്ട്.

ആദ്യത്തെ റോൾസ് റോയ്‌സ് ഇലക്ട്രിക് കാർ 100 കിലോവാട്ട്സ് ബാറ്ററി പായ്ക്കുമായി വരാമെന്നും ഒറ്റ റീചാർജിൽ കുറഞ്ഞത് 500 കിലോമീറ്റർ ശ്രേണി നൽകാമെന്നും പ്രതീക്ഷിക്കുന്നു.

റോൾസ് റോയ്‌സ് ഇലക്ട്രിക് കാറുകളുടെ ലോകത്തേക്ക് പ്രവേശിക്കുന്നത് അതിശയിക്കാനില്ല. 2040 ഓടെ ഐതിഹാസിക ആഡംബര കാർ നിർമ്മാതാക്കൾ ഇലക്ട്രിക് കാറുകൾ മാത്രമേ വിൽക്കുകയുള്ളൂവെന്ന് ഇതിനകം പ്രഖ്യാപിച്ചിട്ടുണ്ട്.

ഫാന്റം അടിസ്ഥാനമാക്കിയുള്ള ആദ്യത്തെ ഇലക്ട്രിക് കൺസെപ്റ്റ് 2011 -ൽ റോൾസ് റോയ്‌സ് പ്രദർശിപ്പിച്ചിരുന്നു. 2016 -ൽ റോൾസ് റോയ്‌സ് വിഷൻ നെക്സ്റ്റ് 100 എന്ന കൺസെപ്റ്റ് കാർ പ്രദർശിപ്പിച്ചിരുന്നു, അത് പൂർണ്ണമായും ഇലക്ട്രിക്കും ഓട്ടോണോമസ് ഫീച്ചറുകളുമുള്ളതാണ്.

വൈദ്യുതീകരണം റോൾസ് റോയ്‌സിന് അനുയോജ്യമാണ് - ഇത് torque-y ഉം, വളരെ നിശബ്ദമാണ് എന്ന് ബ്ലൂംബർഗ് ടെലിവിഷനുമായുള്ള അഭിമുഖത്തിൽ ടോർസ്റ്റൺ മുള്ളർ-ഒറ്റ്‌വോ പറഞ്ഞു.

ബ്രിട്ടീഷ് ആഡംബര കാർ നിർമാതാക്കളിൽ നിന്ന് ആദ്യത്തെ ഇലക്ട്രിക് കാർ പുറത്തിറക്കാൻ ഇനിയും കുറച്ച് സമയമെടുക്കും. ഈ വർഷാവസാനത്തോടെ ലോഞ്ചിന്റെ കൃത്യമായ ടൈംലൈൻ റോൾസ് റോയ്‌സ് സ്ഥിരീകരിക്കുമെന്ന് പ്രതീക്ഷിക്കുന്നു.

ആദ്യത്തെ സമ്പൂർണ്ണ ഇലക്ട്രിക് മോഡൽ അവതരിപ്പിച്ച സൂപ്പർ ആഡംബര ബ്രാൻഡുകളിൽ ഒന്നാമനാകാൻ ബെന്റ്ലിയെ മറികടക്കാൻ കഴിയുമോ എന്നതാണ് ഇപ്പോൾ ഉയരുന്ന ചോദ്യം.