ഇന്ത്യൻ വിപണിയിൽ ടൊയോട്ടയ്ക്ക് മുതൽകൂട്ടായി അർബൻക്രൂയുസർ; 2021 ഏപ്രിലിൽ വിറ്റഴിച്ചത് 2000 യൂണിറ്റുകൾ

ജാപ്പനീസ് കാർ നിർമ്മാതാക്കൾ കഴിഞ്ഞ വർഷം ഇന്ത്യയിൽ സബ് -ഫോർ മീറ്റർ എസ്‌യുവി വിഭാഗത്തിൽ പ്രവേശിക്കുന്നതിന് സുസുക്കി മോട്ടോർ കമ്പനിയുമായുള്ള ആഗോള പങ്കാളിത്തം ഉപയോഗിക്കാൻ തീരുമാനിക്കുകയും ഹോട്ട് സെല്ലിംഗ് മാരുതി സുസുക്കി വിറ്റാര ബ്രെസയുടെ പുനർനിർമ്മിച്ച പതിപ്പായ അർബൻ ക്രൂയിസർ പുറത്തിറക്കുകയും ചെയ്തു.

ഇപ്പോൾ, ടൊയോട്ടയുടെ എസ്‌യുവിയുടെ പതിപ്പ് അതിന്റേതായ പ്രശസ്തി വളർത്തിയെടുക്കുകയും ന്യായമായ സംഖ്യ ഉപഭോക്താക്കളെ ആകർഷിക്കുകയും ചെയ്യുന്നു.

2021 ഏപ്രിൽ മാസത്തിൽ ടൊയോട്ടയ്ക്ക് 2,115 യൂണിറ്റ് അർബൻ ക്രൂയിസർ വിൽക്കാൻ കഴിഞ്ഞു. എന്നാൽ കഴിഞ്ഞ മാസം വിറ്റ 3,162 യൂണിറ്റുകളിൽ നിന്ന് 33.1 ശതമാനം ഇടിവാണ് നിർമ്മാതാക്കൾ നേരിട്ടത്.

അർബൻ ക്രൂയിസർ അതിന്റെ സെഗ്‌മെന്റിലെ ഒന്നാം സ്ഥാനത്തെത്തിയിട്ടില്ലെങ്കിലും ടൊയോട്ട കിർലോസ്‌കർ മോട്ടോറിന് ഈ മാസത്തെ വിപണിയിലെ ഏറ്റവും പ്രധാനപ്പെട്ട ഉൽപ്പന്നങ്ങളിലൊന്നാണിത്. ടൊയോട്ട കഴിഞ്ഞ മാസം ഇന്ത്യൻ വിപണിയിൽ വിറ്റ മൊത്തം 22,621 യൂണിറ്റുകളിൽ 22 ശതമാനം അർബൻ ക്രൂയിസർ സംഭാവന ചെയ്തു.

2021 ഏപ്രിലിൽ രാജ്യത്ത് ഇന്നോവ ക്രിസ്റ്റയ്ക്കും ഗ്ലാൻസയ്ക്കും പിന്നിൽ ഏറ്റവുമധികം വിറ്റഴിക്കപ്പെടുന്ന മൂന്നാമത്തെ ടൊയോട്ട കാറായി സബ് -ഫോർ മീറ്റർ എസ്‌യുവി മാറാൻ സാധിച്ചു.

വിറ്റാര ബ്രെസയുടെ അതേ 1.5 ലിറ്റർ നാല് സിലിണ്ടർ നാച്ചുറലി ആസ്പിരേറ്റഡ് പെട്രോൾ എഞ്ചിനാണ് അർബൻ ക്രൂയിസർ പവർ ചെയ്യുന്നത്. ഈ എഞ്ചിൻ പരമാവധി 105 bhp കരുത്തും 138 Nm torque ഉം പുറപ്പെടുവിക്കുന്നു.

അഞ്ച് സ്പീഡ് മാനുവൽ ഗിയർബോക്സും, കൂടാതെ മൈൽഡ്-ഹൈബ്രിഡ് സാങ്കേതികവിദ്യയ്ക്കൊപ്പം നാല് സ്പീഡ് ടോർക്ക് കൺവെർട്ടർ ഓട്ടോമാറ്റിക്ക് യൂണിറ്റും ട്രാൻസ്മിഷൻ ചുമതലകൾ പരിപാലിക്കുന്നു.

ടൊയോട്ട അർബൻ ക്രൂയിസർ ബേസ് മോഡലിന് നിലവിൽ 8.62 ലക്ഷം രൂപയാണ് എക്സ്-ഷോറൂം വില. ടോപ്പ് എൻഡ് ഓട്ടോമാറ്റിക് വേരിയന്റിനായി 11.40 ലക്ഷം രൂപ വരെ വില ഉയരുന്നു.

നിലവിലെ കണക്കനുസരിച്ച്, കിയ സോനെറ്റ്, ഹ്യുണ്ടായി വെന്യു, ഹോണ്ട WR-V, ഫോർഡ് ഇക്കോസ്പോർട്ട്, ടാറ്റ നെക്സോൺ, മഹീന്ദ്ര XUV 300, നിസാൻ മാഗ്നൈറ്റ്, റെനോ കൈഗർ, ഡോണർ കാർ - മാരുതി സുസുക്കി വിറ്റാര ബ്രെസ എന്നിവയ്‌ക്കെതിരെയാണ് അർബൻ ക്രൂസർ മത്സരിക്കുന്നത്.

ഈ വിഭാഗത്തിൽ‌ ഇതിനകം തന്നെ ധാരാളം ഉൽ‌പ്പന്നങ്ങൾ‌ ഉണ്ടെങ്കിലും, കൂടുതൽ‌ പുതിയ കാറുകൾ‌ വരും മാസങ്ങളിൽ‌ ശ്രേണിയിൽ ചേരുമെന്ന് പ്രതീക്ഷിക്കുന്നു.