അവതരണത്തിന് മുമ്പ് മിത്സുബിഷി എയർട്രെക് ഇലക്ട്രിക് എസ്‌യുവിയുടെ ചിത്രങ്ങൾ പുറത്ത്

ബാറ്ററിയിൽ പ്രവർത്തിക്കുന്ന കാറിന്റെ ചിത്രങ്ങൾ ഔദ്യോഗിക ലോഞ്ചിന് മുന്നോടിയായി ചൈനീസ് മാധ്യമങ്ങൾ ഓൺലൈനിൽ ചോർത്തിയിരിക്കുകയാണ്.

പുതുതായി പുറത്തു വന്ന ചിത്രങ്ങൾ കാറിന്റെ ബാഹ്യ രൂപകൽപ്പനയെക്കുറിച്ച് മികച്ച രൂപം നൽകുന്നു. പുതിയ ഫോട്ടോഗ്രാഫുകൾ ഡൈനാമിക് ഷീൽഡ് ഫെയ്സ് ഇരട്ട-ടയർ ലൈറ്റിംഗ് സജ്ജീകരണം (Mi-ടെക് കൺസെപ്റ്റിൽ കാണുന്നത് പോലെ) എന്നിവ കാണിക്കുന്നു. L ആകൃതിയിലുള്ള പ്രധാന ഹെഡ്‌ലാമ്പുകൾക്ക് മുകളിൽ ഡി‌ആർ‌എല്ലുകൾ സ്ഥാപിച്ചിരിക്കുന്നു.

കമ്പനി നേരത്തെ കാറിനെ ടീസ് ചെയ്തിട്ടുണ്ട്. ടീസർ ചിത്രങ്ങളിൽ കാണുന്നത് പോലെ, കാറിന് മുകളിലെ ഡി‌ആർ‌എല്ലുകളെ ബന്ധിപ്പിക്കുന്ന ഒരു ക്രോം ബാർ ലഭിക്കുന്നു, കൂടാതെ ഫ്രണ്ട് ഗ്രില്ലിൽ രജിസ്ട്രേഷൻ പ്ലേറ്റിന് മുകളിൽ സ്ഥാപിച്ചിരിക്കുന്ന മിത്സുബിഷി ലോഗോയിൽ ചേരുന്ന പരുക്കൻ രൂപത്തിലുള്ള സ്ലാറ്റുകൾ ഉൾപ്പെടുന്നു.

താഴത്തെ ഭാഗത്ത്, കാറിന്റെ സജീവ സുരക്ഷാ സംവിധാനങ്ങൾക്കായി നിരവധി സെൻസറുകൾക്കൊപ്പം ഫ്രണ്ട് ഏപ്രോണിന് ഒരു ട്രപസോയിഡൽ ആകൃതിയിലുള്ള ഇന്റേക്ക് ലഭിക്കുന്നു.

2022 മിത്സുബിഷി എയർട്രെക്കിന് T ആകൃതിയിലുള്ള ടെയിൽ‌ലൈറ്റുകൾ റിയർ ഫെൻഡറുകളിലേക്ക് നീട്ടിക്കൊണ്ട് വളരെ സവിശേഷവും ഡിസ്റ്റിംഗ്റ്റീവുമായ രൂപം നൽകുന്നു. വശങ്ങളിൽ എസ്‌യുവിക്ക് ഫ്ലോട്ടിംഗ് റൂഫ് രൂപത്തിനായി ഉയർന്ന ഷോൾഡർ ലൈൻ ലഭിക്കും. ഇന്റീരിയറുകളെ കുറിച്ച് നിലവിൽ വിവരങ്ങളൊന്നും ഇതുവരെ ലഭ്യമല്ല.

ഗ്വാങ്‌ഷൗ ഓട്ടോമൊബൈൽ ഗ്രൂപ്പുമായി (GAC) സംയുക്തമായി എയർട്രെക്ക് വികസിപ്പിക്കുമെന്ന് കമ്പനി മുമ്പ് പ്രഖ്യാപിച്ചിരുന്നു, കൂടാതെ GAC -യുടെ അയോൺ V മോഡലിനെ അടിസ്ഥാനമാക്കിയാണ് ഇത് വരുന്നതെന്ന് റിപ്പോർട്ടുകൾ സൂചിപ്പിക്കുന്നു. ചൈനയിൽ, അയോൺ V 4,586 mm നീളവും 1,920 mm വീതിയും 1,728 mm ഉയരവും അളക്കുന്നു, കൂടാതെ 2,830 mm വീൽബേസുമുണ്ട്.

എയർട്രെക്കിന്റെ ഇലക്ട്രിക് പവർട്രെയിനിനെക്കുറിച്ച് ഔദ്യോഗിക സ്ഥിരീകരണമൊന്നുമില്ല, എന്നാൽ അന്താരാഷ്ട്ര റിപ്പോർട്ടുകൾ അനുസരിച്ച്, 184 bhp കരുത്തും 350 Nm torque ഉം വികസിപ്പിക്കുന്ന ഒരു ഫ്രണ്ട് മൗണ്ട്ഡ് ഇലക്ട്രിക് മോട്ടോർ ലഭിക്കുമെന്ന് പ്രതീക്ഷിക്കുന്നു.