Just In
- 8 min ago സ്വന്തമായി ബൈക്കില്ലെങ്കിലും ലോകത്തെവിടെയും ബുള്ളറ്റിൽ ചുറ്റിക്കറങ്ങാം; എങ്ങനയെന്ന് എൻഫീൽഡ് പറഞ്ഞു തരും
- 46 min ago ചലാൻ കിട്ടിയത് വൈകിയാണെന്ന് കരുതി സമാധാനിക്കാൻ വരട്ടെ, എംവിഡി മാമൻമാർ പറയുന്നത് കേട്ടോ
- 1 hr ago ഇനി പപ്പടമല്ല, നല്ല ഒന്നാന്തരം ഉരുക്കാണ്... ഇടിപ്പരീക്ഷയിൽ 4 സ്റ്റാർ-റേറ്റിംഗുമായി പുത്തൻ സ്വിഫ്റ്റ്
- 2 hrs ago വാഗ്ദാനങ്ങൾ പാലിച്ചില്ല, 'നവകേരള ബസ്' കറിവേപ്പിലയായി! കോടികൾ മുടക്കിയ ബസ് പൊടിപിടിച്ചു കിടക്കുന്നു
Don't Miss
- Lifestyle നാല്പ്പതുകളിലെ ഗര്ഭധാരണം: സ്ത്രീകളറിയേണ്ട അപകടങ്ങള്
- Movies സലിം കുമാര് പറ്റില്ലെന്ന് മുഖത്തടിച്ച പോലെ പറഞ്ഞു; സങ്കടമായി, പിന്നെ സംഭവിച്ചത്; കുളപ്പുള്ളി ലീല
- Finance ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി
- News തിരുവനന്തപുരത്ത് വോട്ടിംഗ് മെഷീനുകളിൽ തകരാർ എന്ന് വ്യാജവാർത്ത: ജില്ലാ കളക്ടർക്ക് പരാതി
- Travel കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും
- Technology വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
- Sports IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
ഇനി കളികള് അങ്ങ് വിദേശത്ത്; ഗ്രാന്ഡ് വിറ്റാരയെ കടലുകടത്തി മാരുതി സുസുക്കി
പോയ വര്ഷം അവസാനത്തോടെയാണ് ആഭ്യന്തര നിര്മാതാക്കളായ മാരുതി സുസുക്കി ഗ്രാന്ഡ് വിറ്റാര എസ് യുവി രാജ്യത്ത് അവതരിപ്പിക്കുന്നത്. ഏറെ പ്രതീക്ഷയോടെ കമ്പനി അവതരിപ്പിച്ചിരിക്കുന്ന മോഡലുകളില് ഒന്നാണ് ഇത്. വിപണിയില് വലിയ സ്വീകാര്യതയാണ് വാഹനത്തിന് ലഭിക്കുന്നത്. വിപണിയില് അവതരിപ്പിച്ചപ്പോള് ഈ വാഹനത്തിന് 10.45 ലക്ഷം രൂപയായിരുന്നു എക്സ്ഷോറൂം വില.
ഇതിന്റെ ടോപ്പ്-എന്ഡ് വേരിയന്റിന് 19.65 ലക്ഷം രൂപയും എക്സ്ഷോറൂം വിലയായി നല്കണം. ഇന്ത്യയില് മാത്രം വില്ക്കാതെ ഈ വാഹനം കയറ്റുമതി ചെയ്യുമെന്നും നിര്മാതാക്കള് അറിയിച്ചിരുന്നു. മാരുതി സുസുക്കി തങ്ങളുടെ ഏറ്റവും പ്രീമിയം എസ്യുവിയായ ഗ്രാന്ഡ് വിറ്റാരയുടെ കയറ്റുമതി ആരംഭിച്ചിരിക്കുന്നത്. മൈല്ഡ്-ഹൈബ്രിഡ്, സ്ട്രോംഗ് ഹൈബ്രിഡ് വേരിയന്റുകളുള്ള ഗ്രാന്ഡ് വിറ്റാരയുടെ ആദ്യ ഷിപ്പ്മെന്റ് കാമരാജര് തുറമുഖത്ത് നിന്ന് ലാറ്റിനമേരിക്കയിലേക്ക് കയറ്റുമതി ചെയ്തിരിക്കുകയാണ്.
ലാറ്റിനമേരിക്ക, ആഫ്രിക്ക, മിഡില് ഈസ്റ്റ്, ASEAN, അയല് പ്രദേശങ്ങള് എന്നിവിടങ്ങളിലെ 60 ലധികം രാജ്യങ്ങളിലേക്ക് ഗ്രാന്ഡ് വിറ്റാര കയറ്റുമതി ചെയ്യാനും കമ്പനി ലക്ഷ്യമിടുന്നു. കഴിഞ്ഞ വര്ഷം, മാരുതി സുസുക്കി 2.6 ലക്ഷം വാഹനങ്ങളുടെ കയറ്റുമതി രജിസ്റ്റര് ചെയ്തിരുന്നതായി പ്രസ്താവനയില് അറിയിച്ചിരുന്നു. ഇത് ഒരു കലണ്ടര് വര്ഷത്തിലെ ഏറ്റവും ഉയര്ന്ന കയറ്റുമതിയാണ്. ഗ്രാന്ഡ് വിറ്റാരയുടെ കൂട്ടിച്ചേര്ക്കല്, ഇന്ത്യയിലെ മുന്നിര പാസഞ്ചര് വാഹന കയറ്റുമതിക്കാരായി സ്ഥാനം പിടിക്കാനുള്ള കമ്പനിയുടെ ലക്ഷ്യത്തെ കൂടുതല് ശക്തിപ്പെടുത്തുമെന്ന് വേണം പറയാന്. പൂര്ണ്ണമായും ഇന്ത്യയില് നിര്മ്മിച്ച ഗ്രാന്ഡ് വിറ്റാരയുടെ കയറ്റുമതിയും ഇന്ത്യന് സര്ക്കാരിന്റെ 'മെയ്ക്ക് ഇന് ഇന്ത്യ' സംരംഭവുമായി ഒത്തുപോകുന്നുവെന്നാണ് മാരുതി സുസുക്കി ഇന്ത്യ ലിമിറ്റഡിന്റെ മാനേജിംഗ് ഡയറക്ടറും സിഇഒയുമായ ഹിസാഷി ടകൂച്ചി പറഞ്ഞത്.
'ഇന്ത്യയില് നിന്നുള്ള കയറ്റുമതി വര്ദ്ധിപ്പിക്കാനുള്ള ഇന്ത്യന് സര്ക്കാരിന്റെ ശ്രമങ്ങളെ പിന്തുണച്ച്, മാരുതി സുസുക്കി അതിന്റെ അന്താരാഷ്ട്ര സാന്നിധ്യം വര്ദ്ധിപ്പിക്കുന്നതിന് ഒന്നിലധികം സംരംഭങ്ങള് സ്വീകരിച്ചിട്ടുണ്ട്. കയറ്റുമതിക്കായി ഉല്പ്പന്ന പോര്ട്ട്ഫോളിയോ വികസിപ്പിക്കുന്നത് വിജയത്തിന്റെ പ്രധാന സ്തംഭങ്ങളിലൊന്നാണെന്നും അദ്ദേഹം കൂട്ടിച്ചേര്ത്തു. ഗ്രാന്ഡ് വിറ്റാര ചേര്ക്കുന്നതിലൂടെ, തങ്ങള് ഇപ്പോള് 17 വാഹനങ്ങളുടെ ഒരു ശ്രേണി കയറ്റുമതി ചെയ്യുന്നു. 2022 ജൂലൈയില് അനാച്ഛാദനം ചെയ്ത ഗ്രാന്ഡ് വിറ്റാരയ്ക്ക് ആഭ്യന്തര വിപണിയില് മികച്ച പ്രതികരണമാണ് ലഭിച്ചത്, വിദേശ വിപണികളിലും ഇന്ത്യ നിര്മ്മിച്ച ഗ്രാന്ഡ് വിറ്റാര സമാനമായ വിജയം കൈവരിക്കുമെന്ന് തങ്ങള്ക്ക് ഉറപ്പുണ്ടെന്ന് ടകൂച്ചി കൂട്ടിച്ചേര്ത്തു.
ഇന്ത്യയില്, മാരുതി സുസുക്കി ഗ്രാന്ഡ് വിറ്റാര ആറ് ട്രിം തലങ്ങളില് ലഭ്യമാണ് - സിഗ്മ, ഡെല്റ്റ, സീറ്റ, ആല്ഫ, സീറ്റ പ്ലസ്, ആല്ഫ പ്ലസ്. 10.45 ലക്ഷം മുതല് 19.49 ലക്ഷം വരെയാണ് എക്സ്ഷോറൂം വിലയായി നല്കേണ്ടത്. ഹൈബ്രിഡ് പവര്ട്രെയിന് സീറ്റ പ്ലസ്, ആല്ഫ പ്ലസ് എന്നീ വേരിയന്റുകളില് ലഭ്യമാണ്, യഥാക്രമം 17.99 ലക്ഷം രൂപയും 19.49 ലക്ഷം രൂപയുമാണ് എക്സ്ഷോറൂം വില. ഇന്ത്യയിലെ വില്പ്പനയെ സംബന്ധിച്ചിടത്തോളം, 2022 ഡിസംബറില് മാരുതി സുസുക്കി ഇതിനകം 28.16 ശതമാനം പ്രതിമാസ വില്പ്പന വളര്ച്ച രേഖപ്പെടുത്തിയിട്ടുണ്ട്. 2022 ഒക്ടോബറില്, ഉത്സവ സീസണില്, മാരുതി സുസുക്കി ഇതിനകം പ്രീമിയം ഗ്രാന്ഡ് വിറ്റാരയുടെ 8,000 യൂണിറ്റുകള് റീട്ടെയില് ചെയ്തിട്ടുണ്ട്. ഗ്രാന്ഡ് വിറ്റാര ബ്രാന്ഡ് നിരയിലെ മറ്റൊരു ജനപ്രീയ മോഡലായി മാറാനൊരുങ്ങുകയാണ്.
നേരത്തെ സൂചിപ്പിച്ചതുപോലെ, മൈല്ഡ് ഹൈബ്രിഡ്, സ്ട്രോംഗ് ഹൈബ്രിഡ് രൂപങ്ങളിലാണ് മാരുതി സുസുക്കി ഗ്രാന്ഡ് വിറ്റാര വാഗ്ദാനം ചെയ്യുന്നത്. മാരുതി സുസുക്കിയുടെ മൈല്ഡ് ഹൈബ്രിഡ് വേരിയന്റിന് 101.6 bhp കരുത്തും 117 Nm പീക്ക് ടോര്ക്കും നല്കുന്ന 1.5 ലിറ്റര് ഫോര് സിലിണ്ടര് പെട്രോള് എഞ്ചിനാണ് കരുത്തേകുന്നത്. മൈല്ഡ്-ഹൈബ്രിഡ് പവര്ട്രെയിന് 5-സ്പീഡ് മാനുവല് അല്ലെങ്കില് 6-സ്പീഡ് ഓട്ടോമാറ്റിക് ഗിയര്ബോക്സിനൊപ്പം വാഗ്ദാനം ചെയ്യുന്നു. ഫ്രണ്ട് വീല് ഡ്രൈവിലും ഓള് വീല് ഡ്രൈവിലും മാനുവല് പതിപ്പ് വാഗ്ദാനം ചെയ്യുന്നു. FWD മാനുവല് മൈല്ഡ് ഹൈബ്രിഡ് 21.1km/l മൈലേജ് നല്കുന്നു, AWD പതിപ്പ് 19.38km/l നല്കുന്നു. ഗ്രാന്ഡ് വിറ്റാര മൈല്ഡ് ഹൈബ്രിഡ് ഓട്ടോമാറ്റിക് 20.58km/l മൈലേജ് നല്കുന്നു.
ഗ്രാന്ഡ് വിറ്റാരയുടെ സ്ട്രോംഗ് ഹൈബ്രിഡ് പവര്ട്രെയിന് ടൊയോട്ടയില് നിന്നുള്ളതാണ്, ഇത് ഇ-സിവിടി ഓട്ടോമാറ്റിക് ഗിയര്ബോക്സുമായി ജോടിയാക്കിയിരിക്കുന്നു. സ്ടോരംഗ് ഹൈബ്രിഡ് സജ്ജീകരണത്തില് 1.5 ലിറ്റര് ത്രീ സിലിണ്ടര് അറ്റ്കിന്സണ് സൈക്കിള് എഞ്ചിന് 91.1 bhp കരുത്തും 122 Nm പീക്ക് ടോര്ക്കും നല്കുന്നു. സിംഗിള് ഇലക്ട്രിക് മോട്ടോര് 79 bhp കരുത്തും 141 Nm ടോര്ക്കും നല്കുന്നു, ഹൈബ്രിഡ് സെറ്റപ്പിന്റെ സംയുക്ത പവര് ഔട്ട്പുട്ട് 114 bhp-യാണ്. സ്ട്രോംഗ് ഹൈബ്രിഡ് ഗ്രാന്ഡ് വിറ്റാര 27.97km/l മൈലേജ് നല്കുന്നു.
മാരുതി സുസുക്കി ഗ്രാന്ഡ് വിറ്റാരയ്ക്ക് 4,345 mm നീളവും 1,795 mm വീതിയും 1,645 mm ഉയരവുമുണ്ട്. ഗ്രാന്ഡ് വിറ്റാരയ്ക്ക് 2,600 mm നീളമുള്ള വീല്ബേസ് ഉണ്ട്, തിരഞ്ഞെടുത്ത വേരിയന്റിനെ ആശ്രയിച്ച് 1,150 മുതല് 1,295 കിലോഗ്രാം വരെ (കെര്ബ് ഭാരം) ഭാരമുണ്ട്. ഗ്രാന്ഡ് വിറ്റാര 17 ഇഞ്ച് വീലുകളില് (സ്റ്റീല്/അലോയ്) 215/60-R17 ടയറുകളിലും നാല് മൂലകളിലും ഡിസ്ക് ബ്രേക്കുകളും അവതരിപ്പിക്കുന്നു. ഗ്രാന്ഡ് വിറ്റാര വിപണിയില് പ്രാധാനമായും ഹ്യുണ്ടായി ക്രെറ്റ, കിയ സെല്റ്റോസ്, നിസാന് കിക്സ് എന്നിവയ്ക്കെതിരെയാണ് മത്സരിക്കുന്നത്.