കപ്പലുകളെ കൊണ്ടുപോകുന്ന ഒരു ഒന്നൊന്നര കപ്പൽ!

വൻ ഓയിൽ റിഗ്ഗുകൾ, കേടായ യുദ്ധക്കപ്പലുകൾ, അപകടം സംഭവിച്ച ചരക്കുകപ്പലുകൾ തുടങ്ങിയവ നീക്കം ചെയ്യലാണ് ബ്ലൂ മെർലിന്റെ പ്രധാന ജോലി.

നോർവേയിലെ ഓഫ്ഷോർ ഹെവി ട്രാൻസ്പോർട്ട് ഓഫ് ഓസ്‌ലോ എന്ന കമ്പനിയാണ് ഈ കപ്പൽ നിർമിച്ചത്. ഈ കമ്പനിയുടെ കീഴിൽ ഇതുപോലെ ഒരു കപ്പൽകൂടിയുണ്ടായിരുന്നു. എംവി ബ്ലാക്ക് മെർലിൻ എന്നാണ് ഈ കപ്പലിനു പേര്. ഇപ്പോൾ ഇവരണ്ടും ഡോക്ക്‌വൈസ് വാങ്ങിയിരിക്കുന്നു.

38 കാബിനുകളാണ് ബ്ലൂ മെർലിനിലുള്ളത്. ഇതിൽ അറുപതോളം ജോലിക്കാർക്ക് താമസിക്കാം. കപ്പലുകളെയും മറ്റും താങ്ങാനുള്ള വലിപ്പമേറിയ ഡക്കാണ് ഭൂരിഭാഗം സ്ഥലവും അപഹരിക്കുന്നത്.

75,000 ടൺ ഭാരം കയറ്റാൻ കഴിയും ഈ കപ്പലിൽ. 217 മീറ്ററാണ് ഈ കപ്പലിന്റെ ആകെ നീളം.

ബ്ലൂ മെർലിന്റെ ഡെക്ക് വെള്ളത്തിലേക്ക് താഴ്ത്തി നിറുത്താൻ സാധിക്കും. ഇങ്ങനെ ഡെക്ക് താഴ്ത്തിയാണ് കപ്പലിൽ മറ്റു കപ്പലുകളെ കയറ്റുന്നത്.

അറുപതിനായിരം ടൺ ഭാരമുള്ള തണ്ടർ ഹോഴ്സ് പിഡിക്യു എന്ന ഓയിൽ പ്ലാറ്റ്ഫോം ഡെലിവറി ചെയ്ത് ചരിത്രം സൃഷ്ടിച്ച താരമാണ് ബ്ലു മെർലിൻ എന്നറിയുക.

യമനിൽ വെച്ചുണ്ടായ അൽ ഖായിദ ആക്രമണത്തിൽ യുഎസ് കപ്പലായ യുഎസ്എസ് കോൾ തകർന്നു. കപ്പലിനെ തിരിച്ച് യുഎസ്സിലേക്ക് വെള്ളത്തിലൂടെ പായിച്ച് കൊണ്ടുവരിക ദുഷ്കരമായിരുന്നു. ചാവേർ ആക്രമണത്തിൽ 40 അടി വലിപ്പത്തിലുള്ള ദ്വാരമാണ് കപ്പലിന്റെ ഒരു വശത്ത് സൃഷ്ടിക്കപ്പെട്ടത്.

കപ്പൽ തിരിച്ചുകൊണ്ടുവരാനായി നിർദ്ദേശിക്കപ്പെട്ട പരിഹാരം ബ്ലൂ മെർലിനെ വാടകയ്ക്കെടുക്കുക എന്നതായിരുന്നു. ഈ ദൗത്യവും ബ്ലൂ മെർലിൻ വിജയകരമായി നിർവഹിച്ചു.

കൂടുതൽ

ലോകത്തിലെ ഏറ്റവും വലിയ കപ്പല്‍ കമ്പനികള്‍

8500 കാറുകളുമായി ഈ കപ്പലെത്തിയാൽ 42 കിമി ട്രാഫിക് ജാം!

ഇസ്ലാമിക് സ്റ്റേറ്റും ഇടത് ഗറില്ലകളും പണമുണ്ടാക്കുന്നത് ഒരേ മാർഗത്തിലൂടെ!