മഹീന്ദ്ര സ്‌കോര്‍പിയോ, സൈലോ, എക്‌സ്‌യുവി500 തിരിച്ചുവിളിച്ചു

മഹീന്ദ്ര ആന്‍ഡ് മഹീന്ദ്ര തങ്ങളുടെ മൂന്ന് കാര്‍ മോഡലുകള്‍ തിരിച്ചുവിളിച്ചു. സ്‌കോര്‍പിയോ, എക്‌സ്‌യുവി500, സൈലോ എന്നീ മോഡലുകളാണ് തിരിച്ചുവിളിച്ചത്.

മൊത്തം 2300 മോഡലുകള്‍ ഈ തിരിച്ചുവിളിയില്‍ ഉള്‍പെട്ടിട്ടുണ്ടെന്നാണ് അറിയാന്‍ കഴിയുന്നത്. 2014 മെയ് മാസത്തില്‍ നിര്‍മിക്കപ്പെട്ടവയാണിവ.

മൂന്ന് ഇക്കോസ്‌പോര്‍ട് കണ്‍സെപ്റ്റുകള്‍ കാണാം

സ്‌കോര്‍പിയോയുടെ വിഎല്‍എക്‌സ്, എല്‍എക്‌സ്, എസ്എല്‍ഇ വേരിയന്റുകളാണ് തിരിച്ചുവിളിക്കുന്നത്. എക്‌സ്‌യുവി500-യുടെ ഡബ്ല്യു4, ഡബ്ല്യു6, ഡബ്ല്യു8 എന്നീ വേരിയന്റുകളും തിരിച്ചുവിളിക്കുന്നുണ്ട്. സൈലോയിലെ എച്ച്9, എച്ച്8, എച്ച്4 എന്നീ വേരിയന്റുകളാണ് തിരിച്ചുവിളിക്കുന്നത്.

ഒരു മുന്‍കരുതല്‍ എന്ന നിലയിലാണ് ഈ തിരിച്ചുവിളി എന്ന് മഹീന്ദ്ര വ്യക്തമാക്കുന്നു. നേരിട്ടുള്ള പരിശോധനയില്‍ നിന്നു മാത്രമേ തകരാറുണ്ടോ എന്നറിയാനാവൂ. ഉപഭോക്താക്കളെ നേരിട്ട് ബന്ധപ്പെടാനാണ് മഹീന്ദ്രയുടെ തീരുമാനം.

എന്‍ജിനിലെ വാക്വം പമ്പിന്റെ തകരാറാണ് തിരിച്ചുവിളിക്ക് കാരണമായതെന്നാണ് അറിയുന്നത്.