ആനന്ദ് മഹീന്ദ്ര 'യുദ്ധസജ്ജമായ' ടിയുവി300 സ്വന്തമാക്കി!

ഈ വാഹനം ആനന്ദ് മഹീന്ദ്രയുടെ സ്വകാര്യം ഉപയോഗത്തിനായാണ് വാങ്ങിയിട്ടുള്ളത്. 1555 എന്ന രജിസ്ട്രേഷൻ നമ്പരും മൂപ്പർ സംഘടിപ്പിച്ചിട്ടുണ്ട്.

മഹീന്ദ്ര ഈ ബോഡി കിറ്റി വിൽപനയ്ക്ക് തയ്യാറാക്കിയിട്ടുണ്ട്. ആർമർ ബോഡി കിറ്റ് (Armour Body Kit) എന്നു പറഞ്ഞാൽ ഷോറൂമുകാർക്ക് മനസ്സിലാകും.

സ്‌കോര്‍പിയോ: പതിറ്റാണ്ട് പിന്നിട്ട ആധിപത്യം

യുദ്ധടാങ്കിനെ ആധാരമാക്കിയാണ് ടിയുവിയെ ഡിസൈൻ ചെയ്തെടുത്തതെന്ന് നമുക്കറിയാം. ഈ ബോഡി കിറ്റ് കൂടു ചേർത്താൽ ഈ യുദ്ധാടാങ്ക് പ്രതീതി കൂടുതൽ അനുഭവപ്പെടും.

മുന്നിലും പിന്നിലും സ്റ്റോൺ ഗാർഡുകൾ, സൈഡ് ക്ലാഡിങ്, ഫ്രണ്ട് ബംപർ എക്സ്റ്റൻഷനുകൾ, വലിപ്പമേരിയ വീൽ ആർച്ചുകൾ, റൂഫിനു മുകളിൽ മാർക്കർ ലാമ്പുകൾ, ഒരു ബോണറ്റ് സ്കൂപ്പ് എന്നിവ ചേർന്നതാണ് ആർമർ കിറ്റ് ചേർത്ത എക്സ്റ്റീരിയർ.

ബോഡിയിൽ പലയിടങ്ങളിലായി ക്രോമിയത്തിന്റെ സാന്നിധ്യം കാണാവുന്നതാണ്. ഗ്രിൽ, ബംപറുകൾ, ഡോർ ഹാൻഡിലുകൾ, ഔട്സൈഡ് മിററുകൾ തുടങ്ങിയ ഇടങ്ങളിൽ ക്രോമിയത്തിന്റെ സാന്നിധ്യമുണ്ട്. പിന്നിൽ സൈക്കിൾ റേക്ക് ഘടിപ്പിക്കാവുന്നതാണ്. റൂഫിൽ ലഗ്ഗേജ് റേക്കും ചേർക്കാം.

ഇന്റീരിയറിലും വൻതോതിലുള്ള കസ്റ്റമൈസേഷൻ അനുവദിക്കുന്നുണ്ട് മഹീന്ദ്ര. മുൻ സീറ്റിനു പിന്നിലായി എന്റർടെയ്ൻമെന്റ് സിസ്റ്റവും ചേർക്കാവുന്നതാണ്. ഹെഡ്സ് അപ് ഡിസ്പ്ലേ ആവശ്യമാണെങ്കിലും അതും ഘടിപ്പിച്ചുനൽകും.

മഹീന്ദ്ര ടിയുവിയുടെ വില 6.98 ലക്ഷം രൂപയിലാണ് തുടങ്ങുന്നത്. ഏറ്റവും ഉയർന്ന വേരിയന്റിന് 9.20 ലക്ഷം രൂപ വിലവരും. 1.5 ലിറ്റർ ശേഷിയുള്ള ഒരു 3 സിലിണ്ടർ ഡീസൽ എൻജിനാണ് മഹീന്ദ്രയിലുള്ളത്. 84 കുതിരശക്തി ഉൽപാദിപ്പിക്കുന്നു ഈ എൻജിൻ. ഒരു 5 സ്പീഡ് മാന്വൽ ഗിയർബോക്സ് എൻജിനോട് ചേർത്തിരിക്കുന്നു. സെമി ഓട്ടോമാറ്റിക് ഗിയർബോക്സ് ചേർത്ത പതിപ്പും ലഭ്യമാണ്.

കൂടുതൽ

ബൊലെറോയെ ജി വാഗണാക്കി മാറ്റിയ കോട്ടയം കമ്പനി

ഇളയദളപതിയുടെ മിനി കൂപ്പർ എസ്

മഹീന്ദ്രയുടെ ആദ്യ ഇന്റര്‍സിറ്റി ബസ്സ് ടെസ്റ്റ് ചെയ്യുന്നു