ബൊലെറോയെ ജി വാഗണാക്കി മാറ്റിയ കോട്ടയം കമ്പനി

മഹീന്ദ്ര ബൊലെറോയെ മെഴ്സിഡിസ് ബെൻസ് ജി വാഗണിന്റെ ഡിസൈനിലേക്ക് മാറ്റുകയാണ് ഇവിടെ ചെയ്തിരിക്കുന്നത്.

ബൊലെറോയുടെ ഡിസൈൻ തന്നെയും ജി വാഗണിനോട് ഏറെ സാമ്യമുള്ളതാണ്. ഇക്കാരണത്താൽ തന്നെ മറ്റേതൊരു മോഡിഫിക്കേഷൻ പണിയെക്കാളും കൂടുതൽ മികവ് കൈവരിക്കാൻ ആർ ആൻഡ് ടി ഓട്ടോ കാറ്റലിസ്റ്റിന്റെ വിദഗ്ധർക്ക് സാധിച്ചിരിക്കുന്നു.

എന്നിരിക്കിലും ജി വാഗണിനോട് കൃത്യമായ സാമ്യം വരുത്താൻ ഏറെ പണിയെടുത്തിട്ടുണ്ട് കോട്ടയത്തെ ഈ മോഡിഷിക്കേഷൻ പണിക്കാർ.

ഗ്രിൽ, ബോണറ്റ്, ബംപർ തുടങ്ങിയ എല്ലായിടങ്ങളിലും കാര്യമായി പണിയെടുക്കേണ്ടി വന്നിട്ടുണ്ട്. ഹെഡ്‌ലാമ്പുകളും മാറ്റത്തിനു വിധേയമായിട്ടുണ്ട്. വിൻഡ് ഷീൽഡുകൾ മാറ്റേണ്ടി വന്നിട്ടില്ല എന്നാണ് ചിത്രങ്ങളിൽ നിന്നും മനസ്സിലാക്കാൻ കഴിയുന്നത്.

വീൽ ആർച്ചുകളുടെ ഡിസൈനിലും മാറ്റം വന്നിട്ടുണ്ട്. ഹെഡ്‌ലാമ്പിനു മുകളിലായി ജി വാഗൺ ശൈലിയിലുള്ള ഇൻഡിക്കേറ്ററുകൾ ചേർത്തിട്ടുണ്ട്. ഹെഡ്‌ലാമ്പിനു തൊട്ടു താഴെയായി ഡേ ടൈം റണ്ണിങ് ലൈറ്റുകളും ചേർത്തിട്ടുണ്ട്.

റിയർ ബംപറുകൾ, ഇൻഡിക്കേറ്ററുകൾ എന്നിവയും ജി വാഗൺ ശൈലിയിലേക്ക് പരിവർത്തിപ്പിക്കേണ്ടി വന്നിട്ടുണ്ട്. സൈഡ് ബീഡിങ്ങുകൾ ചേർത്തിരിക്കുന്നതും ശ്രദ്ധിക്കുക. റിയർ‌ വൈപ്പർ അടക്കം ചെറിയ ഡീറ്റെയ്ൽസിലെല്ലാം ജി വാഗണുമായി പരമാവധി സാമ്യം പുലർത്താൻ ശ്രദ്ധ വെച്ചിട്ടുണ്ട്.

റിയർവ്യൂ മിററുകളുടെ ഡിസൈനും മാറ്റിയിരിക്കുന്നു. പ്രത്യേക അലോയ് വീലും ഘടിപ്പിച്ചിട്ടുണ്ട്. ചിത്രങ്ങളിൽ കാണുന്ന മോഡൽ ഇതിനകം തന്നെ വിറ്റഴിഞ്ഞതായാണ് അറിയുന്നത്.

ഈ മോഡലുകൾ പറഞ്ഞുണ്ടാക്കിക്കാൻ താൽപര്യമുള്ളവർക്ക് കമ്പനിയെ ബന്ധപ്പെടാവുന്നതാണ്.

കൂടുതൽ

നമ്പര്‍ 1 എസ്‌യുവി ബഹുമതി ബൊലെറോ നേടുന്നത് ഒമ്പതാം തവണ!

മോജോ അടുത്തമാസം വിപണി പിടിക്കുമെന്ന്!

മഹീന്ദ്ര ടിയുവി 300 എന്ന മിനി യുദ്ധടാങ്ക്!!

പുതിയ താറിനെക്കുറിച്ച് അറിഞ്ഞിരിക്കേണ്ട 15 കാര്യങ്ങൾ

ഭീകരാക്രമണം ചെറുക്കാന്‍ ബങ്കളുരു പോലീസിലേക്ക് മഹീന്ദ്ര മാര്‍ക്‌സ്മാന്‍