2020 മഹീന്ദ്ര ഥാറിന്റെ പുതിയ സ്പൈ ചിത്രങ്ങൾ പുറത്ത്

ഇപ്പോൾ 2020 ഥാറിന്റെ പുതിയ ചിത്രങ്ങൾ ഇന്റർനെറ്റിലൂടെ പുറത്തുവന്നിട്ടുണ്ട്. പുതിയ ചിത്രങ്ങൾ വാഹനത്തിന്റെ രൂപത്തെ കൂടുതൽ വ്യക്തമാക്കുന്നു. പരീക്ഷണം നടത്തിയ വാഹനത്തിന് പുതിയ സെറ്റ് 18 ഇഞ്ച് അലോയ് വീലുകളാണ് നൽകിയിരിക്കുന്നത്.

നിലവിൽ വിപണിയിലുള്ള മോഡലുമായി താരതമ്യപ്പെടുത്തുമ്പോൾ 2020 ഥാറിന്റെ വലുപ്പത്തിൽ കാര്യമായ മാറ്റങ്ങൾ വന്നിട്ടുണ്ട്. ഫാക്ടറി ഘടിപ്പിച്ച ഹാർഡ്-ടോപ്പ് വകഭേദവും മഹീന്ദ്ര വാഗ്ദാനം ചെയ്യുമെന്നതാണ് പ്രതീക്ഷിക്കുന്ന മറ്റൊരു വ്യത്യാസം. ഇത് ദൈനംദിന യാത്രകൾക്ക് വാഹനത്തെ കൂടുതൽ വിവേകപൂർണ്ണമാക്കും.

2020 മോഡലിന്റെ പരിഷ്ക്കരണങ്ങൾ പുറംമോഡിയിൽ മാത്രമായിരിക്കില്ല ഉണ്ടായിരിക്കുക. പകരം അവ എസ്‌യുവിയുടെ അകത്തളത്തും നിരവധി നവീകരണങ്ങൾ മഹീന്ദ്ര അണിനിരത്തും. 2020 ഥാറിന് പുതിയ ഡാഷ്‌ബോർഡും ടച്ച്‌സ്‌ക്രീൻ ഇൻഫോടെയിൻമെന്റ് യൂണിറ്റും, പരിഷ്ക്കരിച്ച സ്റ്റിയറിംഗ് വീലും പുതിയ സെറ്റ് സീറ്റുകളും ലഭിക്കും.

ഇന്റീരിയറിലെ മിക്ക കാര്യങ്ങളും പുതിയതായിരിക്കുമെങ്കിലും, HVAC കൺ‌ട്രോളർ / പവർ വിൻ‌ഡോ ബട്ടണുകൾ‌ പോലുള്ള ചില ബിറ്റുകൾ‌ TUV300, സ്കോർ‌പിയോ പോലുള്ള മറ്റ് മോഡലുകളിലേതിന് സമാനമായിരിക്കും.

പുതിയ ജീപ്പ് റാങ്‌ലർ ബോഡി ശൈലിക്ക് സമാനമാണ് പുതിയ ഥാറിന്റെ രൂപകൽപ്പനയെന്നത് ശ്രദ്ധേയമാണ്. പുതിയ മഹീന്ദ്ര ഥാർ മിക്കവാറും രണ്ട് എഞ്ചിൻ ഓപ്ഷനുകളിൽ അവതരിപ്പിച്ചേക്കും.

പുതിയ 2 ലിറ്റർ ബിഎസ്-VI കംപ്ലയിന്റ് ടർബോ ഡീസൽ എഞ്ചിൻ, 2.5 ലിറ്റർ ഡീസൽ എന്നിവ ആയിരിക്കും ഇത്. അടുത്ത തലമുറ സ്കോർപിയോയ്ക്കും XUV500 നും വേണ്ടി മഹീന്ദ്ര രൂപകൽപ്പന ചെയ്ത പുതിയ എഞ്ചിനാണ് 2 ലിറ്റർ യൂണിറ്റ്. പവർ ഔട്ട്പുട്ട് ഏകദേശം 120 bhp ആയിരിക്കുമെന്നാണ് സൂചന.

Most Read: 2020 മഹീന്ദ്ര സ്കോർപിയോയുടെ കൂടുതൽ സ്പൈ ചിത്രങ്ങൾ പുറത്ത്

മഹീന്ദ്ര പെട്രോൾ എഞ്ചിൻ അവതരിപ്പിക്കുകയാണെങ്കിൽ, അത് ഥാറിലെത്തുന്ന ആദ്യത്തേ പെട്രോൾ യൂണിറ്റ് ആയിരിക്കും. എന്തെന്നാൽ ഥാർ ഓഫ്-റോഡർ എസ്‌യുവി ഇതുവരെ ഡീസൽ എഞ്ചിൻ ഉപയോഗിച്ച് മാത്രമേ ലഭ്യമായിട്ടുള്ളൂ.

Most Read: രണ്ടാം തലമുറ GLA എസ്‌യുവിയെ വിപണിയിൽ എത്തിക്കാനൊരുങ്ങി മെഴ്‌സിഡീസ്

ഗിയർബോക്സ് ഓപ്ഷനുകളെ സംബന്ധിച്ചിടത്തോളം 2020 ഥാർ ആറ് സ്പീഡ് മാനുവൽ ഗിയർബോക്സുമായാകും ജോടിയാക്കുക. എന്നിരുന്നാലും ഭാവിയിൽ ഒരു ഓട്ടോമാറ്റിക്ക് ഓപ്ഷൻ അവതരിപ്പിക്കുമെന്ന റിപ്പോർട്ടുകൾ പുറത്തു വരുന്നുണ്ട്.

Most Read: പുറത്തിറങ്ങാൻ ഒരുങ്ങുന്ന പുതിയ ആറ് സെഡാനുകൾ

സുരക്ഷയുടെ കാര്യത്തിൽ പുതിയ ഥാർ എസ്‌യുവി ഏറ്റവും പുതിയ സുരക്ഷാ ആവശ്യകതകൾ പാലിക്കും. ഇബിഡി, ഡ്യുവൽ എയർബാഗുകൾ, സ്പീഡ് അലേർട്ട് സിസ്റ്റം, റിയർ പാർക്കിംഗ് സെൻസറുകൾ, സീറ്റ് ബെൽറ്റ് റമൈന്ററുകൾ എന്നിവയുള്ള എബിഎസ് ഥാറിൽ ഉണ്ടായിരിക്കുമെന്നാണ് ഇതിനർത്ഥം. ഇത് ആദ്യ തലമുറ മോഡലിനേക്കാൾ കൂടുതൽ നൂതനവും സുരക്ഷിതവുമാക്കും.

രണ്ടാം തലമുറ താറിന്റെ അരങ്ങേറ്റം 2020 ഓട്ടോ എക്‌സ്‌പോയിൽ നടക്കുമെന്ന് പ്രതീക്ഷിക്കുന്നു. എട്ട് ലക്ഷം രൂപ മുതൽ 12 ലക്ഷം രൂപ വരെയാണ് 2020 മഹീന്ദ്ര ഥാറിന് പ്രതീക്ഷിക്കുന്ന വില. വിപണിയിലെത്തിയാൽ 2020 ഫോഴ്‌സ് ഗൂർഖ ആയിരിക്കും വാഹനത്തിന്റെ പ്രധാന എതിരാളി.

Source: Rushlane